Ethta 9:20 - JAM DE NHIALIC 2011

²⁰ Modekayo ë kakë gäär piny kedhie, ku gɛ̈ɛ̈r awereek kɔc ke Judai tɔ̈u ë wuöt ke Melik Athuwereth yiic kedhie, wuöt thiɔ̈k ku wuöt mec,

Ethta 9:20 ပူးပေါင်းရင်းမြစ်များ

1 Lëk 16:12

Wek kuat de Jakop, lïïm ke Nhialic, wek kuat de Yithriɛl, kɔc cïï Nhialic ke lɔc,

Ethta 1:1

Na ɣɔn ke melik Athuwereth nyuc ë thönyde nɔm piny de Perthia, në pänydït de Thutha. Melik Athuwereth aa mac piny dït, jɔt ë Yindia agut cï piny de Kuc, wuötdït ë mɛc keek ayek bɔt ku thiërrou ku dhorou.

Ethta 1:22

Ago awereek tuɔɔc ë wuötiic, wuöt mɛc ë Melik keek ëbɛ̈n, ku gäär awereekë në thookken ku kuɛɛr ye kek ke gär an, moc ëbɛ̈n yen abï aa nɔm de baaide, ku yen abïï aa wun löŋ.

Ethta 3:12

Ëtɛ̈ɛ̈n ɣɔn acïï nïn thiëër ku diäk de pɛɛi tueŋ guɔ ɣëët, ke Ɣaman ë cɔl kɔc ee kak ke Melik gɔ̈ɔ̈r, ku kuën keek löŋde, bïk pukic ë thook ke juöör ëbɛ̈n, ku gäär ke në kueer ye kɔc ke ee pinyë kaken gɔ̈ɔ̈r, ku bï ke tuöc bäny ke baai, ku bäny mac wuöt kedhie, bäny ke juöör, ku gäär keek ë rin ke Melik Athuwereth, ku jɔ keek thanyiic në këtim de Melik.

Ethta 8:9

Në kööl ɣɔn ye pɛɛi cɔl Thiban (yen acɔl Lal në thoŋda) thok thiërrou ku diäk, ke kɔc awereek ke Melik gɔ̈ɔ̈r acï ke bɛ̈n määtiic, ku gäärkï awereek cït man cï Modekayo e lɛ̈k keek, agokï gäär kɔc ke Judai ku bäny ke baai, ku bäny mac wuöt kabɔt ku thiërrou ku dhorou, jɔt ë Yindia agut cï piny de Kuc, aaye gäär wut në kueerdɛn ye kek gär, ku në thoŋdɛn yek piŋ ku gɛ̈ɛ̈rë Judai në kueerden ku thoŋden.

Ethta 9:19

Yen ee kënë, yen aye kɔc ke Judai tɔ̈u ë bɛ̈i yiic ku wuötiic lɔ̈ŋ ë ruöön thok ëbɛ̈n, të cï pɛɛi de Adar thok thiëër ku ŋuan, ayek nööm ke ye kööl de miɛtëpiɔ̈u ku dhuëëŋ, ye kek biɔl de miɛtëpiɔ̈u näk röt.

Ethta 9:21

yöök keek bïk nïn ke pɛɛi de Adar ke ye thok thiëër ku ŋuan ku thiëër ku dhïc nööm ke ye akööl ke lɔ̈ŋ bï kek dhuëëŋ de miɛtëpiɔ̈u aa looi thïn, në ruöön thok ëbɛ̈n.

Ethta 9:26

Ku yen acïï aköölkë bɛ̈n cäk an akööl ke Purim, në rin ke gɛk cɔl ke Pur. Go kɔc ke Judai aköölkë kaarou bɛ̈n nööm, ke ke ye aköölken, në biäk de wël cï gɔ̈ɔ̈r awerekic, ku ka cïk tïŋ në kenyïïn, ku kak ë cïk yök.

Ethta 9:27

Judai acïk aköölkë bɛ̈n tääu në ciɛɛŋdenic kedhie, në mïthken, ku mïth ke mïthken, ku kɔc cï lɔ në keyiic. Bïk aköölkë aa döt cït man cï ye gɔ̈ɔ̈r awerekic, ku lɔ thaar cï mäc yen, në ruöön thok ëbɛ̈n,

Ethta 9:29

Go Ethta tiiŋ Melik nyan Abiɣail kekë Modekayo raan ë Judai, awerek däŋ gɔ̈ɔ̈r, ku në awerekë yic Ethta ë riɛlde bɛ̈n tääu thïn, awerek wään cïï Modekayo jɔ bɛ gɔ̈ɔ̈r në këde Purim.

Bɛ̈n 17:14

Go Bɛ̈nydït lɛ̈k Mothe an, “Gäär ë tiëmë, ke bï ya tak. lɛ̈kë Jocua an Yɛn bï kɔc ke Amalek jɔ riɔ̈ɔ̈k ëtaiwei.”

Jeremia 29:1

Yɛn cï awerek gäär bäny ke kake Nhialic, ku tït, ku röördït, ku lɔ kɔc kɔ̈k cï Nebukadnedhar ke jɔt ë Jeruthalem lee ke Babilonia ke ke mac.