Ethta 8:17 - JAM DE NHIALIC 2011

¹⁷ Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Ethta 8:17 ပူးပေါင်းရင်းမြစ်များ

Cäk 35:5

Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Ethta 9:17

Kënë aa loi rɔt ke pɛɛi cɔl Adar ë ye thok thiëër ku diäk. Na ɣɔn aacï pɛɛi thok thiëër ku ŋuan, ke ke jɔ lɔ̈ŋ ku nömkï ke ye kööldɛn de miɛtëpiɔ̈u, looi kek dhuëëŋ thïn.

Ethta 9:19

Yen ee kënë, yen aye kɔc ke Judai tɔ̈u ë bɛ̈i yiic ku wuötiic lɔ̈ŋ ë ruöön thok ëbɛ̈n, të cï pɛɛi de Adar thok thiëër ku ŋuan, ayek nööm ke ye kööl de miɛtëpiɔ̈u ku dhuëëŋ, ye kek biɔl de miɛtëpiɔ̈u näk röt.

Ethta 9:2

Në ye köölë kɔc ke Judai acïk röt jɔ määt në ɣäänkɛn rëër kek thïn ë wuötiic kedhie, wuöt mɛc Melik Athuwereth, bïk kɔc mak, kɔc kɔɔr bïk kɔc ke Judai nyaai nyïïn. Acïn raan cï bɛ̈n kɔ̈ɔ̈c ë kenïïm, në biäk cïï kɔc tɔ̈u ë wuötiic kedhie riɔ̈ɔ̈c në keek.

Ethta 9:22

Kek ë nïnkë, kek aa cïï kɔc ke Judai röt kony në kɔc ke aterden cin, ku yen ë pɛɛiyë, yen aaye pɛɛi de jiɛthëpiɔ̈u ku dhiëëu, acï rɔt bɛ̈n puk ke ye pɛɛi de miɛtëpiɔ̈u. Acï ke bɛ̈n yɔ̈ɔ̈k bïk nïnkë aa döt, bï kek dhuëëŋ de miɛtëpiɔ̈u aa looi, ye kek biɔl de miɛtëpiɔ̈u näk röt, ku yek kɔc kuanynyïïn miɔɔc thïn ayadäŋ.

Ethta 9:27

Judai acïk aköölkë bɛ̈n tääu në ciɛɛŋdenic kedhie, në mïthken, ku mïth ke mïthken, ku kɔc cï lɔ në keyiic. Bïk aköölkë aa döt cït man cï ye gɔ̈ɔ̈r awerekic, ku lɔ thaar cï mäc yen, në ruöön thok ëbɛ̈n,

Ethta 9:3

Bäny ke baai, ku bäny mac wuöt kedhie, ku kɔc ee kake Melik looi, ayek kɔc ke Judai kuɔny në luɔi riɔ̈ɔ̈c kek ë Modekayo,

Diɛt 105:38

Kɔc ke Rip aake riɔ̈c ë keek gokï piɔ̈ɔ̈th miɛt ë jälden.

Diɛt 18:43

Yïn ee ya luäk bei në kɔc rac cin ku tɔ yɛn ee bɛ̈ny de juöör, ka kɔc kuöc keek aluuikï yɛn.

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Nyöŋ 11:25

Të bä wek lɔ thïn ëbɛ̈n në ee pinyë, Bɛ̈nydït Nhialicdun abï kɔc tɔ riɔ̈c në week, cït man cïï Yen ë thɔn, ku acïn raan bï we tɔ kääc.

Nyöŋ 2:25

ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.

Jocua 2:11

Wok aa cïï riɔ̈ɔ̈c dɔm ɣɔn piŋ wok en, goku röt päl wei aläl në këdun. Bɛ̈nydït Nhialicdun Yen aye Nhialic de paannhial ku piny.

Jocua 2:9

“Aŋiɛc luɔi cï Bɛ̈nydït we gäm ee pinyë. Raan ëbɛ̈n në woyiic, ë riɔ̈ɔ̈c në week.

1 Tham 25:8

Thiëc lïïmku ku abïk lɛ̈k yïn. Ka ënɔɔnë jɔ piɔ̈u kok wekë dhuökiën thiikë, cït man cï wok bɛ̈n tëde yïn ë kööl de dhuëëŋ ënɔɔnë yïn liɛm miɔc lïïmku kekë wëndu Debid ë këduön duëërë gäm keek!”