Ethta 8:14 - JAM DE NHIALIC 2011

¹⁴ Kɔc cï tooc ee riŋ ë jöŋgöör piɔl ke Melik kɔ̈ɔ̈th, acïk lööŋ bɛ̈n dap lɛɛr ë wuötiic, në yöök cïï Melik ke yɔ̈ɔ̈k, ku kuënë raan ëbɛ̈n aya, tëde riɛl de Thutha.

Ethta 8:14 ပူးပေါင်းရင်းမြစ်များ

1 Mel 4:28

Bɛ̈ny töŋ ë baai aaye biäkde bɛ̈ɛ̈i në wal ye jöŋgöör ke nyuööth, ku barli ku aguöt të kɔɔrë ke thïn,

2 Lëk 30:6

Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

Neɣe 1:1

Kënë aluel ka cïï Neɣemia wën de Ɣakalia ke looi. Ɣɔn në pɛɛi cɔl Kithlep (yen ee Akɔ̈nydït në thoŋda), në ruöön de thiërrou ye Ateradath Melik de Perthia, yɛn Neɣemia yɛn aa tɔ̈u ë Thutha tëde riɛl.

Ethta 2:3

Yïn duëër bäny kuany ë wuöt ke ciɛɛŋdu yiic ëbɛ̈n, ku lɛ̈kë keek bïk duet läk kuany ku tuuckï ke kedhie ɣönduön ë duet ee tënë, tëduön ë riɛl nu ë Thutha wën tɔ̈u yïn thïn. Ku bï keek bɛ̈n tääu ë Ɣegai ciin, raanduön cï roc wën ee diäärku tïŋ, ku bï keek aa tɔ tɔc ë wɛ̈ɛ̈l piɛth ee läk ŋuak.

Ethta 3:13

Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Ethta 3:14

Awereekë acï ke looi ke ke juëc ë wuötiic kedhie ke ye löŋ, ku jɔ ke caal në kɔc nïïm kedhie, ke raan ëbɛ̈n bï rɔt coc, të le ee köölë bɛ̈n.

Ethta 3:15

Kë cïï Melik lueel, ë löŋic ëbɛ̈n, acï kuɛ̈n kɔc nu tëde riɛl ë Thutha, ku dap kakë lɛɛr ë wuöt yiic. Melik ku Ɣaman aake cï nyuc piny, ku jɔkï dek, ku nu pänydïït Thutha ë anuɔɔn yic, në kë de ee löŋë.

Ethta 8:13

Kë cï gɔ̈ɔ̈r acïï bɛ̈n tääu awereek juëc yiic, ku yïnë wuöt juëc, ke ye löŋ lëk ë kɔc ë wuötiic kedhie, ku bï kɔc ke Judai röt coc në ee köölë, bïk röt kuön kɔc ke aterden.

Ethta 8:15

Go Modekayo jäl ë melik lɔ̈ɔ̈m ke ceŋ lupɔɔ dït ke bääny de yiic kïn aräu cït luäät ku ɣeer ë biäk, ku lupɔ piɛth lɔ mot, ku lupɔ thiith amujuŋ, ku jɔ ya göldïït de bääny lɔ riauriau kekë adhɛ̈p, go raan ëbɛ̈n pänydït ë Thutha, bɛ̈n biic ke ke moc kiɛɛu de miɛtëpiɔ̈u.

Wɛ̈ɛ̈t 9:10

Ye këduön loi looi apiɛth në riɛldu ëbɛ̈n, në biäk liu ë luɔi ku täk ku ŋïnydekäŋ ayï pɛlënɔm paan ë thuɔɔu wën bï yïn lɔ thïnë.

Danyel 8:2

Në nyuuth yic yɛn cï rɔt yök ëthiäu ke ya rɛ̈ɛ̈r në Thutha pänydïït cï geeu nu wundït de Eelam. Yɛn aa kääc ë kiir de Yulai nɔm,

1 Tham 21:8

Acïï Debid lëk Aɣimelek, an, “De yïnɔm tɔŋ ku nɔn yen abätäu bä gäm ɛn? Tuöc de melik, acï ya tɔ jäl ke ya cïï tɔɔŋ be määt yiic ayï abätäu.”