Ethta 7:10 - JAM DE NHIALIC 2011

¹⁰ Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Ethta 7:10 ပူးပေါင်းရင်းမြစ်များ

Cäk 40:22

Ku le bɛ̈ny ee kuïïn cï pam thaal nöök ë tim nɔm. Ku käŋ kedhie, acïk röt bɛ̈n looi cït man wään cï Jothep ke lueel.

Ethta 2:1

Na ɣɔn aacï ee kakë wan, ku cï agönh ë Melik Athuwereth jɔ lɔ piny, go Bacti tiiŋde tak, ku kë cï looi, ku kë ye löŋ lueel në biäkde.

Ethta 5:14

Ëtɛ̈ɛ̈n acïï tiiŋdɛn Dherec ku lɔ määthkɛn nu abärɔ yic kedhie bɛ̈ɛ̈r an, “Tɔ tim dïït ye bɛ̈ɛ̈r de yen kɔ̈u mitïïr kathiërrou ku diäk ke lɔ nhial piëëtë. Ku miäk adurduur ke yïn duëër Melik yɔ̈ɔ̈k bï Modekayo tɔ näk ee timë kɔ̈u, ku ëtɛ̈ɛ̈n jɔ lɔ ë dhuëëŋic wekë Melik ke yï mit piɔ̈u.” Go Ɣaman gam an, kënë ee täŋ piɛth, ku tɔ tim dïït agök piëëtë.

Ethta 7:7

Go Melik rɔt jɔt ke cï ŋeeny, ku nyiëëŋ mɔ̈nde piny ku le domic baaide. Jɔ Ɣaman guɔ ŋic nɔn cïï Melik e kiëët në yepiɔ̈u në këtuc bïï luöi yen, go döŋ ciëën ke lim Ethta tiiŋ Melik, bïï yen kony wëi.

Ethta 7:8

Na wën, ke Melik ë puk yenɔm ɣöt të wën dëk kek thïn ë mɔ̈u, ke yök Ɣaman ë rɔt cuat piny në Ethta cök, ke rɛ̈ɛ̈r në kë de rëër nɔm. Go melik lueel an, “Tiëŋkï! Kɔɔr bïï tiiŋ Melik wiëët ɣöndï ë yalɔ̈ɔ̈m?” Të thiin ŋoot ë jamde ke kën kɔn lööny piny ë yethok, ke kɔc cï roc ë jɔ Ɣaman guɔ kum nyin.

Ethta 8:7

Go Melik Athuwereth lɛ̈k tiiŋ Melik Ethta kekë Modekayo, raan ë Judai an, “Tiëŋkï, yɛn ë Ɣaman nöök në biäk kɔɔr en bï kɔc ke Judai nyaai nyïïn, ku yɛn ë Ethta gäm kajuëc ke Ɣaman.

Ethta 9:14

Kënë, acïï Melik bɛ̈n tääu piny ke ye löŋ bï looi në Thutha. Ku nök wɛ̈ɛ̈t ke Ɣaman kathiëër.

Ethta 9:25

ku ëtɛ̈ɛ̈n, Ethta acï bɛ̈n lɔ tëde Melik, ku yen acïï Melik löŋ bɛ̈n tääu piny ku gɛ̈ɛ̈r ë wuötiic, ku löŋë, yen acï Ɣaman bɛ̈n tɔ yök këtuc wään cï kiir, an lui kɔc ke Judai, ku yen acïï Ɣaman kekë wɛ̈ɛ̈tke bɛ̈n nöök në tim kɔ̈u.

Jop 18:8

Ku cökke aleerkï yen ë wïn ë dɛ̈pic, alɔ ke cath të nu pul cïï ye deepic ku alɔ lööny thïn,

Jop 20:8

Abï määr cït man ë nyuöth,

Diɛt 37:15

ku abï keek nɔ̈k në abätɛ̈ɛ̈uken, ku dhɛ̈ŋken abï ke dhuööŋ kɔ̈ɔ̈th.

Diɛt 7:16

Ku abïï kërɛɛcdɛn yek looi keek aa luöi këtuc. Ku abïk bɔ̈t aa yök në biäk de akuöörkuöörden.

Diɛt 94:23

Abï keek gɔ̈k në biäk de luɔi rɛɛcden, ku riëëk keek në biäk de karɛcken, Abïï Bɛ̈nydït Nhialinyda keek riɔ̈ɔ̈k.

Kɛ̈ŋ 11:27

Luɔi de këpiɛth yen aye kɔc nhiaar, ku kërɛɛc ye raan kɔɔr ee rɔt dɔ̈k en.

Kɛ̈ŋ 11:8

Kɔc piɛth piɔ̈ɔ̈th aye keek kony në nuɛɛn yiic, ku kɔc ee karɛc looi ayek löny thïn.

Kɛ̈ŋ 26:27

Raan ee pul wɛ̈c raan däŋ, yen ee löny thïn, ku raan ee kuur lɔ̈ɔ̈r raan däŋ, ee rɔt dɔ̈k en.

Jeremia 34:17

Ka ënɔɔnë Aya lueel Yɛn Bɛ̈nydït wek kën ya riëëu: Wek kën mïthëkɔckuön ke Yithriɛl gäm nɔm lääuden. Apiɛth aläl, wek bä gäm nɔm lääu: nɔm lääu bä wek thou ë tɔŋic, ku jɔk, ku cɔk. Yɛn bï juöör ke pinynɔm ëbɛ̈n tɔ päu në kë bä luöi week.

Edhekiɛl 5:13

“Yïn bï riɛl de agönhdï yök në yïguöp ku ja gɔ̈th agut të bän piɔ̈u thök. Të le ee kënë rɔt looi ëbɛ̈n, abä jɔ gam nɔn cän jam wo yïn, Yɛn Bɛ̈nydït në biäk cïï ciɛ̈n adötdu yɛn tɔ göth.

Danyel 6:24

Na wën ke melik ë yöök kɔc bïk kɔc wään gɛɛny Danyel dɔm kedhie, agokï keek cuat ë pul yic, pul cï thiäŋ ke kɔ̈ɔ̈r, keek në diëërken ku mïthken ëtök. Ku të ŋoot kek ke ke kën guɔ ɣet ë pul thar piny, go kɔ̈ɔ̈r guɔ lööny në ke yiic ku dhuuŋkï yomken kedhie.

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Dhek 6:8

Na wën, ke tunynhial ë cɔl ɛn, lueel an, “Jöŋgöör wën cï lɔ piny lɔ të lɔ rut acïk agönh de Bɛ̈nydït tɔ lɔ köi piny.

Bäny 15:7

Na wën ke lëk ë Thamthon keek, an, “Yen kë cäk looi ka! Yɛn cï kuëëŋ nɔn cän bï kɔ̈ɔ̈c aɣet të bä yɛn këdï guöör!”