Ethta 4:1 - JAM DE NHIALIC 2011

¹ Na wën aa lɔ Modekayo kë cï looi ŋic, ke ret lupɔɔ yiic ë yekɔ̈u, ku tɛ̈ɛ̈u lupɔɔ ke cuɔl, ku wɛ̈l ŋeth ë yenɔm në dhiën ë piɔ̈u ku lee wutic cil ke dhiau ë röldït, ke cï piɔ̈u kɛc në jiɛth ë piɔ̈u,

Ethta 4:1 ပူးပေါင်းရင်းမြစ်များ

Cäk 27:34

Na wën, apiŋ Ethau jam ë wun, ke kiiu aläl, ku dhiɛɛu në dhiën ë jiɛthëpiɔ̈u, ku lëk wun an, “Thiei yɛn ayadäŋ wää!”

Cäk 37:34

Ago Jakop piɔ̈u riääk arëët, ku ret lupɔɔke yiic, ku tɛ̈ɛ̈u lupɔɔ ke cual ë yekɔ̈u. Ku dhiëëu wënde në nïn juëc arëët.

2 Tham 1:11

Ago Debid lupɔɔ ke yen kɔ̈u rɛt yiic, nyooth dhiën ë piɔ̈u, go kɔcke lupɔɔken rɛt yiic aya.

2 Tham 13:19

Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

Ethta 4:2

agut të ɣëët en ë kueer lɔ paan ë Melik, ku akën bɛ̈n lɔ ɣöt, në biäk cïï kɔc ceŋ lupɔɔ ke cuɔl ee päl lɔ ɣön ë Melik.

Ethta 4:3

Ëwuötiic kedhie, wuöt cïï löŋ de Melik piŋ thïn, ee yic dɛ dhiën dïït agök tëde kɔc ke Judai. Aake moc kiɛɛu, dhiaukï, ku reeckï cäm, të dït ë keek aake cieŋ lupɔɔ ke cuɔl ë ke kɔ̈ɔ̈th ku yek röt daal ë ŋethic.

Jop 1:20

Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

Jop 2:8

Ku nɔ̈m Jop abɔ̈c ku le nyuc ë ŋethic ke ɣɔt rɔt.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Yith 15:4

Kɔc ke Ɣecbon ku Eliɛla adhiaukï ku dhiënden aye piŋ tëmec cɔl Jaɣadh. Ayï rem de tɔŋ alɛthë ë keek ku jöötden ë jäl.

Yith 22:4

Ënɔɔnë nyääŋë ya piny ke ya dhiëëu kɔckiën cï thou. Ku duökï them bäk ya duut piɔ̈u.

Yith 37:1

Na wën aa cï melik Ɣedhekia këdɛn cïk lueel piŋ, go lupɔɔ rɛtiic në dhiënëpiɔ̈u, ku tɛ̈ɛ̈u lupɔɔ ke cuɔl ë yekɔ̈u, ku le Luaŋdït.

Yith 37:2

Go Eliakim tooc, raan nu ë kake baai de melik nɔm, ku Cebana raan ee kake gööny gɔ̈ɔ̈r, ku bɛ̈nydïït ë kake Nhialic bïk lɔ tëde tiët ë Nhialic Yithaya wën de Amodh ke ke ceŋ lupɔɔ ke cuɔl.

Yith 58:5

Të thɛ̈k wek, wek ee röt tɔ bäp, wek ee wenïïm guöt piny cït yïny de wäl, ku thiɛthkï lupɔɔ ke anuɛɛr ku ŋeth bä wek tɔ̈c. Yen kë yak tɔ ee thɛ̈k ka? Yak tak duɛ̈ɛ̈r piɔ̈u miɛt wo week?

Edhekiɛl 21:11

Abätäu agɔk, ke bï jɔ piath ke luɔi. Acï theer thok ku gɔk, ke jɔ tääu në kɔc ee näk cin.

Edhekiɛl 21:6

“Mɛnh ë raan, teer abä ciët kë löny piɔ̈u në jiɛthëpiɔ̈u. Teer në jiɛthëpiɔ̈u të bïï ë raan ëbɛ̈n yïn woi.

Danyel 9:3

Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Maika 1:8

Go Maika lueel an, “Yɛn bï dhiau në baŋ de ee kërɛɛcë, ku tuaar arëët. Ku yɛn bï jiɛth ë yɛn piɔ̈u nyuɔɔth në tuëny tuɛny ɛn a guöp, ku cath në yakɔ̈u. Ku yɛn bï war bɛ̈ɛ̈i bei, ku cath në yacök. Yɛn bï dhiau cït man ë kɔ̈ɔ̈rgɔl, ku kiɛɛu cït man ë wuut.

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.

Math 11:21

An, “Amawoou në yïn, yïn Karadhin! Amawoou në yïn, yïn Bethaida! Tëë cï luɔi ril looi ë Tayer ku Thidon, cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ku ceŋkï cual ku rëërkï ë aropic.

Luɔi 14:14

Na wën, aacï tuuc e piŋ, ke yï Paulo kekë Baranaba, ke ke ret lupɔɔken yiic, ku kɔtkï lek ë kɔc yiic cil, ke ke cöt,

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Nyuuth 11:3

Ku yɛn bï cäätɔɔkï kaarou gäm riɛl, ku abïk këden aa guiir agum töŋ de nïn ku bot kaarou ku thiërdhetem, ke ke ceŋ lupɔɔ ke cual.”