Ethta 3:13 - JAM DE NHIALIC 2011

¹³ Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Ethta 3:13 ပူးပေါင်းရင်းမြစ်များ

2 Lëk 30:6

Go tuc ë tooc melik kekë bänyke lɔ bïk kɔc lɔ lɛ̈k piny de Juda ku Yithriɛl ku yek lueel an: “Kɔc ke Yithriɛl wek cï poth të wään cïï Athiriya pinydun peec. Ënɔɔnë pɔ̈kkï röt Bɛ̈nydït, Nhialic de Abraɣam, ku Yithaak, ku Jakop, ku abï yenɔm pɔ̈k week.

Ethta 7:4

Wok cï thök në ɣɔɔc ɣöcë wo thuɔɔu, yɛn wokë kɔckï, bï wo tɛm röt, riäk wo, ku riäär wonyïïn. Na jɔ wo ɣaac tei në luɔi bï wok aa lïïm, diäär ku röör, ke yɛn duëër mim ku cïn kë luɛɛl, acie yen duëër ë raan Melik jut guöp!”

Ethta 8:5

“Të mit en në Melik piɔ̈u, ku yɔ̈k kok de piɔ̈u tëde yen, ku ye tïŋ ke ye yic, ku mit në yepiɔ̈u, ke tɛ̈ɛ̈u löŋ piny, löŋ bï löŋ nyaai, löŋ wään cï Ɣaman wën de Ɣamedatha kuat de Agak gɔ̈ɔ̈r an, bï kɔc ke Judai tɔ̈u ë wuöt ke Melik yiic kedhie riɔ̈ɔ̈r nyïïn.

Ethta 9:1

Në ye köölë yic, kööl de pɛɛi cɔl Adar ye pɛ̈i thiëër ku rou, ɣɔn yen thok thiëër ku diäk, yen ëköölë yen abï löŋ cï Melik tääu piny jɔ luɔɔi. Në ee kööl manë guöp, kɔc ke ater ŋäth luɔi bï kek kɔc ke Judai tiaam, ke be rɔt puk ke ye kɔc ke Judai kek be kɔc ke aterden tiaam.

Ethta 9:10

Kek wɛ̈ɛ̈t kathiëër ke Ɣaman, wën de Ɣamedatha ka, raan de ater de Judai, ku akënkï kecin tääu në yäkic.

Ethta 9:5

Go kɔc ke Judai kɔc ke aterden kiëëp në abätɛ̈ɛ̈u, ku temkï ke röt, ku riäärkï kenyïïn, ku luikï ke kë kɔɔrkï.

Jop 9:25

Nïnkiën ke pïïr aciɛthkï aläl awärkï kɔc ŋic riŋ, acïn miɛtëpiɔ̈u nu në keyiic.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Jeremia 51:31

Kɔc ye tooc, aye ŋɛk kat, ku lɔ ŋɛk në ŋɛk cök, ke ke lɔ melik de Babilonia lɛ̈k, nɔn cïï ë pänydïïtde thuur kɔ̈u në aguuk kedhie.

Romai 3:15

Aŋickï kat arëët në lëu bï kek riɛm lëu,

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”

1 Tham 22:19

Go thaulo kɔc ke Nop, wun de bäny ke kake Nhialic tɔ näk ayadäŋ, ku tɔ röör ku diäär ku mïthdït ku mïthkor, ku ɣɔ̈k, ku thɔ̈k, ku mul näk kedhie.