Ethta 3:12 - JAM DE NHIALIC 2011

¹² Ëtɛ̈ɛ̈n ɣɔn acïï nïn thiëër ku diäk de pɛɛi tueŋ guɔ ɣëët, ke Ɣaman ë cɔl kɔc ee kak ke Melik gɔ̈ɔ̈r, ku kuën keek löŋde, bïk pukic ë thook ke juöör ëbɛ̈n, ku gäär ke në kueer ye kɔc ke ee pinyë kaken gɔ̈ɔ̈r, ku bï ke tuöc bäny ke baai, ku bäny mac wuöt kedhie, bäny ke juöör, ku gäär keek ë rin ke Melik Athuwereth, ku jɔ keek thanyiic në këtim de Melik.

Ethta 3:12 ပူးပေါင်းရင်းမြစ်များ

1 Mel 21:8

Na wën, ke gäär awereek ë rin ke Aɣap, ku boot kethook në rin ke Aɣap, ku tɔ awereek yïnë röördït ku bäny ke baai, kɔc rɛ̈ɛ̈r në Naboth ë pänydït yic.

Edhr 8:36

Keek ayadäŋ acïk lööŋ cïï Melik tääu piny bɛ̈n gäm bäny mac wuöt ku bäny lɔ në kecök tɔ̈u ë wɛ̈ɛ̈r ë Yuparat lɔŋ tui, yen acïï kek kɔc bɛ̈n gäm kuɔny ku lɔ kake yïŋ ë ɣön ë Nhialic.

Ethta 1:22

Ago awereek tuɔɔc ë wuötiic, wuöt mɛc ë Melik keek ëbɛ̈n, ku gäär awereekë në thookken ku kuɛɛr ye kek ke gär an, moc ëbɛ̈n yen abï aa nɔm de baaide, ku yen abïï aa wun löŋ.

Ethta 3:11

Go Melik lɛ̈k en an, “Wëu ke kɔc në ke tɔ̈u ë yï, ku luöiyë kɔc këduön cï tak.”

Ethta 8:2

Go Melik këtim de cin ee yen käŋ thaany wään cï pɔ̈k nɔm ciëën tëde Ɣaman ruɛ̈c bei ku gëm Modekayo. Ku ëtɛ̈ɛ̈n Ethta acï kajuëc ke Ɣaman bɛ̈n tääu ë Modekayo ciin.

Ethta 9:27

Judai acïk aköölkë bɛ̈n tääu në ciɛɛŋdenic kedhie, në mïthken, ku mïth ke mïthken, ku kɔc cï lɔ në keyiic. Bïk aköölkë aa döt cït man cï ye gɔ̈ɔ̈r awerekic, ku lɔ thaar cï mäc yen, në ruöön thok ëbɛ̈n,

Danyel 3:10

Acï lueel wään an, Të cï ka ye gut gut, ke raan ëbɛ̈n abï yenɔm guöt piny ku lɛm këde adhääp cï käär,

Danyel 6:12

Agokï lɔ tëde melik kedhie, lek Danyel gaany. Gokï lueel an, “Melik, yïn cï löŋ thaany an, në nïn yiic kathiërdiäk (30), na lɔ raan yanhdäŋ lɔ lam ayï raan däŋ, ke cie yïn yïtök, raanë abï cuat ɣön thiäŋ ke kɔ̈ɔ̈r. Go melik bɛ̈ɛ̈r an, “Ɣɛɛ, löŋ ril ëtör, löŋ de Mede ku Perthia, löŋ cïï duëërë waar.

Danyel 6:15

Go kɔc de ater ë Danyel bɛ̈n ciëën tëde melik, ku lɛ̈kkï yen an, “Aŋic yïn melik, cït man de täu de lööŋ ke Mede ku Perthia, acïn löŋ ye melik tääu piny duëërë waar.

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Danyel 6:8

Ënɔɔnë yïn melik, tɔ löŋ ril ku gäär rinku në gääric, ku bïï dhil looi, ee löŋ de Mede kekë Perthia, löŋ cïï duëërë waar.