Epethiei 6:18 - JAM DE NHIALIC 2011

¹⁸ Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

Epethiei 6:18 ပူးပေါင်းရင်းမြစ်များ

1 Mel 8:52

“Bɛ̈nydït Awärjäŋ, aŋääth duɛ̈ɛ̈rë lɔ̈ŋdï piŋ, ku piŋ lɔ̈ŋ de kɔckuön ke Yithriɛl, piëŋë ku puk lɔ̈ŋden nɔm, tëde yen të cïï kek Yïn mɔ̈c kiɛɛu.

1 Mel 8:54

Na wën aacï Tholomon thök në lɔ̈ŋ ku lïm lip en Bɛ̈nydït, go rɔt jɔt në yïïŋ ë Bɛ̈nydït nɔm tueŋ, të wën guŋ en ke cï yecin taar nhial.

1 Mel 8:59

Në Bɛ̈nydït Nhialicda ye Yenɔm tak në ee lɔ̈ŋë në aköölnyïïn ëbɛ̈n, ku pal cän En pal. Tɔ kok piɔ̈u anande ke kɔckɛn ke Yithriɛl, ku bɛ̈nyden, ku gëm wo këcamdan ë aköölnyïïn.

1 Mel 9:3

Acï Bɛ̈nydït lɛ̈k en an, “Yɛn cï lɔ̈ŋdu piŋ. Ku ka cï thiëc Ɛn. Yɛn cï Luaŋdïït cï yïkë tɔ ɣeric, ke rinkï ë ke bï aa dhuëëŋ thïn ëtɛ̈ɛ̈n aɣet athɛɛr. Abä aa tiit ku gɛ̈l ë caŋ awään.

Ethta 4:8

Ku gëm Ɣathac awerek de löŋ cï bɛ̈n biic ë Thutha, yöök kɔc bï kɔc ke Judai lɔ riɔ̈ɔ̈r nyïïn, ku yöök Modekayo Ɣathac bïï awerekë nyuöth Ethta, ku lɛ̈k kë cï rɔt looi thïn, ku bïï lɔ jam kekë Melik, na de të bï yen piɔ̈u kok kekë kɔc ke Judai.

Jop 27:10

Bïk piɔ̈ɔ̈th miɛt në Nhialic Awärjäŋ, ku bïk aa cool ë cɔɔl kek En në lɔ̈ŋdeniic?

Diɛt 4:1

Ye ya piŋ thok të läŋ ɛn, Yïn Nhialic konydï! Ɣɔn täu ɛn ë nuanic, Yïn cï ya bɛ̈n kony. Kokëpiɔ̈u we yɛn, ku piŋ lɔ̈ŋdï.

Diɛt 6:9

Ë dhiëndiën kaar ɛn kuɔɔny piŋ ku puk lɔ̈ŋdï nɔm.

Yith 26:16

Bɛ̈nydït Yïn cï kɔcku luöi këtuc në arɛɛm gokï Yïn lɔ̈ŋ.

Danyel 6:10

Na ɣɔn aacï Danyel ye ŋic nɔn cïï ë rin gäär thïn, go lɔ baai. Le ɣöndɛn nu nhial, ku awëërnyïïn ke ɣönde aake wel röt të lɔ Jeruthalem. Në awëërnyin ëtɛ̈ɛ̈n ee yemiɔl tuk, ku lɛ̈ŋ Nhialic raan diäk ë kööl tök, cït man yen e looi ë ceŋ.

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Ɣodh 12:4

Acï wït kekë tunynhial, go tunynhial tiaam. Na wën, ke dhiau, ku lip athiɛɛi. Acïï ë Nhialic en bɛ̈n yök në Bethel, go jam kekë yen ëtɛ̈ɛ̈n.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 17:21

Ku jɔŋlɛn cït ee kënë ee lɔ biic rɛɛc, ee lɔ̈ŋ etök kekë rɛɛc reec ë raan cäm, yen ee ye lëu.”

Math 26:41

Yiɛ̈nkï ku läŋkï, ke we cïï bï lɔ ë thëmic, wëi aye lɔ thïn ëyic, ku ye guöp en akɔ̈c.”

Mak 13:33

Yak röt tiit, yak yïn ku yak lɔ̈ŋ: luɔi kuöc wek akööl nɔn bï yen aa nɛn.

Mak 14:38

Go lëk keek an, “Yiɛ̈nkï, ku läŋkï, ke we cïï bï lɔ ë thëmic: wei ee lɔ thïn ëyic, ku guöp yen kɔ̈c.”

Luk 21:36

Yen aa wek röt tiit, ku yak cool ë lɔ̈ŋ ë aköölnyïïn kedhie, ke bï we tɔ ye kɔc ee röŋ në luɔi bä wek poth ë ka bï bɛ̈në kedhie, aguɔkï kɔ̈ɔ̈c ë Wën ë Raan nɔm.”

Luk 22:46

Go ke yɔ̈ɔ̈k an, “Eeŋö niënkï? Jatkï röt, läŋkï, ke we cïï bï them.”

Luk 3:26

Nagai de Maath, Maath de Matathiath, Matathiath de Themein, Themein de Jothek, Jothek de Joda,

Luk 3:37

Lamek de Mathuthela, Mathuthela de Eenok, Eenok de Jared, Jared de Maɣalaleel, Maɣalaleel de Kenan,

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Luɔi 10:2

Ee raan rïïu Nhialic, ku ye ka ke Nhialic kɔɔr, yen kekë dhiënde ëbɛ̈n, ku ye adhuɛ̈ŋ ee kɔc miɔɔc aya, ku ye cool ë läŋ Nhialic ë aköölnyïïn kedhie.

Luɔi 12:5

Ku yok Petero a tït aloocic. Ku ɣön ë Nhialic aa ye cool ë läŋ Nhialic në biäkde.

Luɔi 6:4

Ku wook, wo bï ya ceŋ ë wo läŋ, ku guiirku jam.”

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 8:15

Wek kënë bɛ gäm piɔ̈n ë lïïm, piɔ̈n ë riɔ̈ɔ̈c, wek cï gäm piɔ̈n ë mïth cï muk, piɔ̈n ë wo tɔ cöt an, “Abba! Wääda!’

Galatai 4:6

Ku luɔi aa wek wɛ̈ɛ̈tke, ke Nhialic jɔ Wëi ke Wënde tuɔɔc ë wepiɔ̈ɔ̈th, ke ke cöt an, “Abba, Wäär.”

Epethiei 1:16

ke yɛn cïï luɛl aa yɛn thieithieei lueel në biäkdun päl, wek aa lueel rin ë lɔ̈ŋdï yic,

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

Epethiei 3:18

ke we bï nhiëër ë Kërtho lëu në yöŋ bä wek e yökic, week wekë kɔc ɣerpiɔ̈ɔ̈th kedhie, dït dïït en kɔ̈u, ku bɛ̈ɛ̈r bɛ̈ɛ̈r en kɔ̈u, ku thuthde, ku bɛ̈ɛ̈rde.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Epethiei 6:19

Ku në biäkdï aya, luɔi bï a miɔɔc ë jam bän athok liep ke ya cïï riɔ̈c, aguɔ këcïmoony ɣɔn tɔ ŋic, kek aye wëlpiɛth.

Pilipoi 1:4

ku lɔ̈ŋ aa yɛn cool ë lɔ̈ŋ në biäkdun wedhie, ee miɛt ë yɛnpiɔ̈u yen aa yɛn lɔ̈ŋ,

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

Kolothai 1:3

Ayok cool ë luelku an, Thieithieei Nhialic Wun Bɛ̈nydan Yecu Kërtho, tën ee wok lɔ̈ŋ në biäkdun.

Kolothai 1:4

Luɔi cï wok gämduön cä wek Kërtho Yecu gam piŋ, ku piŋku nhiëërduön aa wek kɔc ɣerpiɔ̈ɔ̈th nhiaar kedhie,

Kolothai 4:2

Yak cök ë cuɔɔl wek ë lɔ̈ŋ, ku yak röt tiit thïn në luɛl aa wek e dap lueel an, thieithieei.

1 Theth 5:17

yak cool ë lɔ̈ŋ acïn pëk.

1 Tim 2:1

Yen a kan ɛn yï yɔ̈ɔ̈k ë käŋ kedhie an, Pal, ku lɔ̈ŋ, ku kɔ̈ɔ̈r ë këdäŋ, ku thieithieei, abï ke ya lueel në baŋ de raan ëbɛ̈n,

2Tim 1:3

Aya lueel an, Thieithieei Nhialic, Raan luɔɔi ɛn këde në ŋïny aa yɛn apiɔ̈u ŋic nɔn le en gɔk, acït man ë ye kuarkuɔ ye looi, luɔi aa yɛn a nɔm tak ë këdu ë lɔ̈ŋdïyic wɛ̈ɛ̈rwakɔ̈u ku aköl.

Pile 1:5

Në luɔi cän nhiëërdu piŋ ku piɛŋ gämduön cï yïn Bɛ̈nydït Yecu gam, ku nhiëër nhiɛɛr yïn kɔc ɣerpiɔ̈ɔ̈th kedhie.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

Juda 1:20

Ku week, we kɔc nhiaar, yak röt yïk ë gämduön cä we gam, gäm ɣeric ë wic, ku yak lɔ̈ŋ në Wëidït ɣer,

1 Tham 1:12

Ku të ŋoot ë Ɣana ke läŋ Bɛ̈nydït aläl ë kaam dït agök, aa woi ë Eli ye thok.