Epethiei 5:6 - JAM DE NHIALIC 2011

⁶ Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

Epethiei 5:6 ပူးပေါင်းရင်းမြစ်များ

2 Mel 18:20

Go ë Rabcaka lueel an, “Ye tak wël duëërkï nyin de rem de tɔŋ ku riɛl waar? Eeŋa ye tak, raan bï yïn kuɔny në luɔi bï yïn a rɛɛc thok?

Diɛt 78:31

wään cï ë Nhialic gɔ̈th ke keek, ku nɛ̈k kɔc rilken, dhuök piɛth ke Yithriɛl.

Jeremia 27:9

Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Jeremia 29:31

“Tuöcë kɔc cï peec kedhie, luel an kë lueel ë Bɛ̈nydï kï në biäk de Cemaya wën de Neɣelam an: Në biäk cï Cemaya cɔ̈ɔ̈r të de week ke kën tooc, ku tɔ week ŋäth lueth.”

Jeremia 37:9

Ku Yɛn Bɛ̈nydït, wek jääny, duökï röt mɛth, në täŋdunic an cïï kɔc ke Babilonia bï bɛ bɛ̈n ciëën, abïk bɛ̈n.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 24:4

Go Yecu pɔ̈k nɔm keek an, “Tiɛtkï röt ke cïn raan bï week math.

Mak 13:22

Kërtho aluɛth abïk röt jɔt ayï tït aluɛth, ku abïk kagöök dït nyuöth kɔc, ayï ka ke gäi dït, arëk abïk kɔc cï lɔc duɛ̈ɛ̈r cɔ̈k nïïm wei aya, të de yen të bï kek e lëu.

Mak 13:5

Go Yecu jam gɔl an, “Yak röt tiit ke cïn raan bï we math.

Romai 1:18

Ku agönhdïït ë Nhialic agönh bɔ̈ nhial acï nyuɔɔth ë baŋ de reec reecë kɔc Nhialic gam ku baŋ de luɔi rɛɛc ee kɔc looi, kɔc ë yic waan ciëën në rac de kekpiɔ̈ɔ̈th.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 2:4

Cöökë en a luɛɛl, ke cïn raan bï we math në wëŋ ee yen kɔc wëŋ ë yeliep.

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

Kolothai 3:6

Ee biäk de kakë yen abï agönh ë Nhialic ë kɔc reec gäm nïïm.

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

Ɣeberuu 3:19

Ku ënɔɔnë acuk jɔ tïŋ nɔn ë kën kek bɛ̈n thïn lëu, në biäk cïn kek gäm.

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.