Epethiei 5:26 - JAM DE NHIALIC 2011

²⁶ Luɔi bï en e tɔ ɣeric ëwic, të cï en e tɔ piɛth, në wɛ̈k cï e waak ë pïïu në jam,

Epethiei 5:26 ပူးပေါင်းရင်းမြစ်များ

Edhekiɛl 16:9

“Na wën ke ya nöm pïïu ku waak riɛm wei ë yïguöp. Guɔ miök de olip tac ë yïguöp.

Edhekiɛl 36:25

Wek bä ke wiëth gup pïïu lɔ kïr, ku wek bä waak gup në karɛckun ëbɛ̈n, ku gël week në yiëthkun ku këriëëc cï we dhiöök ëbɛ̈n.

Lebai 14:11

Ku bɛ̈ny de kake Nhialic ë cɛɛl en, nɔn cï yen guöp waar, abï yen jɔ lɛɛr ë Bɛ̈nydït nɔm kekë miɔ̈cde në paany de mät thok.

Lebai 16:30

Në ee köölë wek bïï teem gup, ago week waak në Bɛ̈nydït nɔm, ku we bï gup jɔ piath në karɛckun kedhie.

Lebai 8:6

Ago Mothe Aron kekë wɛ̈ɛ̈tke bɛ̈ɛ̈i në kɔc nïïm, ku tɔ keek waak në pïïu.

Dhek 13:1

Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Jɔn 13:10

Go Yecu yɔ̈ɔ̈k an, “Raan cä waak, acïn tëdak ë ye, ee wɛ̈k bï e waak cök etök, ku cï guöp ɣɛɛr ëbɛ̈n: ku week, wek ɣer, ku acie week wedhie.”

Jɔn 15:3

Ku week we cï guɔ piath në jam cä lɛ̈k week.

Jɔn 15:8

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

Jɔn 17:7

ku acïk ŋic ënɔɔnë nɔn ë bï käŋ tëde yïn, ka cï gäm ɛn kedhie.

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Romai 10:8

Ku ye ŋö lueel? An, “Jam athiääk ke yïn, anu ë yïthok, ku nu ë yïpiɔ̈u aya.” Yen aye jam de gäm, jam guiirku.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Epethiei 6:17

Ku nämkï akup de kunydewëi aya, kekë abätäu de Wëidït, yen aye jam de Nhialic.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 10:10

Ënɔɔnë yen kë tɔ wo piɛthpiɔ̈ɔ̈th ka, në biäk cï Kërtho Nhialic riëëu ku gɛm rɔt raantök në këde kɔc kedhie.

Ɣeberuu 10:14

Näŋ töŋdɛn cï Yen rɔt tɔ näk, ë kɔc tɔ piɛthpiɔ̈ɔ̈th aɣet athɛɛr, kɔc cï päl karɛcken.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Ɣeberuu 13:12

Ye ka cïï Yecu gum abï thou aya, në wut këc biic, ago kɔc tɔ ɣer piɔ̈ɔ̈th në wɛ̈k wɛɛk en karɛc në riɛmdɛn cï kuëër.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

2 Pet 1:9

Ku raan cïï cath ke kakë ee cɔɔr, raan cïï tëmec duëër woi, ku acï nɔm määr ë wɛ̈k wään cïï e waak piɔ̈u në karɛckɛn thɛɛr.

1 Jɔn 5:6

Kënë ee raan ë bɔ̈ në pïïu kekë riɛm, yen aye Yecu Kërtho, aa cïï bɔ̈ në pïïu kapäc, ee pïïu ku riɛm.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic: