Epethiei 5:25 - JAM DE NHIALIC 2011

²⁵ Ku wek röör, nhiaarkï diëërkun acït man cï Kërtho ɣön ë Nhialic nhiaar aya, ago rɔt gaam në biäkde.

Epethiei 5:25 ပူးပေါင်းရင်းမြစ်များ

Cäk 2:24

Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.

Cäk 24:67

Ago Yithaak Rebeka lɛɛr ë paanyic, paany wään rëër ë Thara man thïn, ku tɔ ye tiiŋde. Ago Yithaak Rebeka nhiaar guöp, ku jɔ piɔ̈u bɛ̈n lɔ̈ŋ në thon ë man.

2 Tham 12:3

Ku raan kuanynyin acïn nɔm käŋ ee ŋun töŋ de amääl ë ɣɔɔc yetök. Go muk, ku jɔ dït baaide kekë mïthke. Ku aa ye cääm në biäk de këcamde, ku tɔ dëk në abïnyde ku ye boom në yeɣäm. Amääl aa cït nyande tëde yen.

Diɛt ke 1:11

Ku yïn buk luöi kuat de adhääp kekë guën de ateek.

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Jɔn 6:51

Yɛn ee kuïn ë pïïr kuïn ë bɔ̈ piny paannhial: të ciɛmë raan ee kuïnë, ka bï pïïr athɛɛr: yeka, kuïn bä gam en ee rïïŋdï, rïïŋ bä gaam në këde pïïr bï kɔc pïïr kɔc ke piny nɔm.”

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Galatai 1:4

Raan cï rɔt gaam në biäk de karɛc cuk looi, luɔi bï en wo luök në pinyë nɔm ënɔɔnë, piny rɛɛcë, në këde piɔ̈n ë Nhialic Wäärda.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Epethiei 5:24

Ku acït man tɔ̈u ë ɣön ë Nhialic ë Kërtho cök, yen acït täu duëërë diäär tɔ̈u ë röörken cök röörken gup në këriëëc ëbɛ̈n.

Epethiei 5:28

Yen acït nhiëër duëërë röör diëërken nhiaar aya, cït man nhiɛɛr kek kegup. Raan nhiaar tiiŋde ke nhiaar rɔt.

Epethiei 5:33

Ku wek, raan ëbɛ̈n ë ye tiiŋ de yenguöp nhiaar cït man nhiɛɛr en rɔt, ku tik ë ye monyde riëëu.

Kolothai 3:19

Wek röör, nhiaarkï diëërkun, ku duökï piɔ̈ɔ̈th ee rac ë keek.

1 Tim 2:6

raan cï rɔt gaam bï aa kë ye kɔc wɛ̈ɛ̈r bei kedhie, raan cïï këde lueel në cäätɔɔ ëkööldɛn piɛth,

1 Pet 3:7

Yen acït rëër bä wek aa rëër në diëërkun ëtök, wek röör, abäk röt ŋic apiɛth, ku yak tik theek, ku yak muk ëmääth, cït man ë töny kɔ̈c, luɔi aa wek kɔc bï dhuëëŋ de pïïr lɔ̈ɔ̈k lak në keek ëtök, ke lɔ̈ŋduön aa wek lɔ̈ŋ ke cïï bï gɔ̈ɔ̈u.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,