Epethiei 5:20 - JAM DE NHIALIC 2011

²⁰ Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Epethiei 5:20 ပူးပေါင်းရင်းမြစ်များ

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Diɛt 34:1

Yɛn bï Bɛ̈nydït aa thieei aköölnyïïn ëbɛ̈n, lɛcde abï tɔ̈u ë yathok ë ceŋ.

Yith 63:7

Yɛn bï jam në biäk de nhiëër agɔk de Bɛ̈nydït, Abä piɔɔny në biäk de kajuëc cï luöi wook ëbɛ̈n. Acï baai de Yithriɛl thieei aläl në biäk de kok de yen piɔ̈u ku nhiëërdɛn agɔk.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Romai 1:8

Cöök tueŋ ka, yɛn lec Nhialicdï në Yecu Kërtho ë biäkdun week wedhie, luɔi cï gämdun lueel ë piny nɔm ëbɛ̈n.

1 Kor 1:4

Yɛn ee cool ë lec Nhialicdï në baŋdun, në këde dhuëëŋ de Nhialic piɔ̈u dhuëëŋ cï gäm week ë Kërtho Yecu yic,

1 Kor 15:24

Ku jɔ thök ë käŋ bɛ̈n, të cï en ciɛɛŋ de piny tääu ë Nhialic Wun cin, kööl cï en ciɛɛŋ tɔ cïn naamde ëbɛ̈n, ayï bɛ̈ɛ̈ny ëbɛ̈n, ayï riɛl ëbɛ̈n.

Epethiei 5:4

Ayï jam ë rɔ̈ɔ̈th, ayï jam ɣɔ̈ric, ayï alɛɛŋ rac, acïkï piɛth kedhie: aŋuɛ̈ɛ̈në lɛc de Nhialic.

Pilipoi 1:3

Yɛn ë Nhialicdï leec në täŋ aa yɛn cool ë tak ɛn a nɔm ë week,

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Theth 3:9

Ee lɛc ŋö duëër wok Nhialic bɛ lɛc nɔm në biäkdun, në miɛtëpiɔ̈u ëbɛ̈n miɛt ee wo piɔ̈ɔ̈th miɛt në biäkdun ë Nhialicda nɔm?

1 Theth 5:18

Yak thieithieei lueel në këriëëc ëbɛ̈n. Kënë ee këde piɔ̈n ë Nhialic në këdun ë Kërtho Yecuyic.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

Ɣeberuu 13:15

Ka wook, wok kɔc nu ë kueer ë Bɛ̈nydan Yecu Kërtho yic, Bɛ̈nydan nu nhial, yok Nhialic lɛc nɔm në lɛc cïï kɔ̈u ee tɛɛm yen aye miɔ̈cda në rin ke Yecu Kërtho.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.