Epethiei 4:24 - JAM DE NHIALIC 2011

²⁴ ku jakï raan cï piac cak dɔm, raan cïï Nhialic caal piɔ̈u, në cäŋ ë ciɛkë ye në piathëpiɔ̈u ku ɣɛɛrëpiɔ̈u, në yic.

Epethiei 4:24 ပူးပေါင်းရင်းမြစ်များ

Cäk 5:1

Kënë ee kuën de käu de Adam. Ɣɔn ciɛk ë Nhialic kɔc, aake ciɛk ke ke thöŋ rɔt.

Jop 29:14

Yɛn ceŋ piathëpiɔ̈u ku acï yɔ kuöm piny, ku yicdï acït lupɔ kekë göl ë yanɔm,

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 59:17

Yen abï piathëpiɔ̈u cieŋ cï lupɔ de yɔu, ku cieŋ akup de kunydewëi në yenɔm. Abï rɔt kuöm piny në luɔi bï yen käŋ cök piny, ku lui kɔc këtuc, ku guur guöm wään cïï kɔc kɔn kum.

Luk 1:75

Ke wo tɔ̈u në ɣɛɛrë yic ku piathëpiɔ̈u ë yenɔm ananda.

Jɔn 17:17

Tɔ ke ɣerpiɔ̈ɔ̈th në yicdu: jamdu yen aye yic.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Romai 13:12

Piny ë dït, ku a kɔɔr ruu, jɔku luɔi de cuɔlëpiny cuat wei, ku jɔku ka ke ɣɛɛrëpiny dɔm, ka ke tɔŋ.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

Romai 7:6

Ku ënɔɔnë, wo cï luöny bei ë löŋ cin, kë wään cï wo mac thïn ë guɔ thou, luɔi bï wok käŋ aa looi në wëi cuk piac yök, ku cuku käŋ ee looi në kathɛɛr cï gɔ̈ɔ̈r ë löŋic.

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

1 Kor 15:53

Ku dhiapë abï kë cïï bï dhiap dhil cieŋ cït man ë lupɔ, ku bï këde thuɔɔuwë kë cïï bï thou dhil cieŋ.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 3:27

We wedhie, we kɔc cï baptith ë Kërtho yic, we cï Kërtho tääu ë wekɔ̈ɔ̈th.

Galatai 6:15

Ku cuɛ̈l ayï luɔi kënë raan cueel, acïnkï naamden ë Yecu Kërtho yic, ee raan cï piac cak, yetök.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Epethiei 2:15

Në nyiɛɛi cï ater nyaai në rïŋ de yenguöp, ater ë lööŋ de yiic cök bï kɔc aa piŋ, ku ka bï kɔc aa looi, bï raan töŋ cï piac looi cak në guöpde yic, cak në keek kaarou, ago ke määt aya:

Epethiei 6:11

Yak ka ke tɔŋ tääu ë wegup kedhie, wëu ke Nhialic, luɔi bä wek kɔ̈ɔ̈c lëu apiɛth në ŋeeny aa wek cäp de jɔŋdït rac ŋɛ̈ny.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 1:8

Ku acï Nhialic lueel në biäk de Wënde an, “Yïn ee Nhialic, Yïn bï rëër ë thöönydu nɔm ke Yï ye melik aɣet athɛɛr! Yïn bï kɔcku cieŋ në löŋ yic.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

2 Pet 1:4

Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.