Epethiei 4:12 - JAM DE NHIALIC 2011

¹² Aa looi në luɔi bï kɔc ɣerpiɔ̈ɔ̈th a dikëdik, ku në luɔi de kuny ee kɔc röt kony, ku në kuɛ̈t bï guöp de Kërtho kueet.

Epethiei 4:12 ပူးပေါင်းရင်းမြစ်များ

Luk 22:32

ku yɛn cï lɔ̈ŋ në biäkdu, ke gämdu cïï bï dak: ku yïn, të cï yïn yïpiɔ̈u guɔ puk, ke yï rit mïthëkɔckun piɔ̈ɔ̈th.”

Luɔi 1:17

Ku acï rɔt tɔ kuen ke wook ëtök, ku acï biäkde yök ë luɔiyë yic.”

Luɔi 1:25

raan bï biäk de luɔiyë lɔ̈ɔ̈k nööm, ku bï aa tuc ë nyin ë Judathic, raan cï bɛ̈n bei në wäc cï en käŋ wööc, ago lɔ tëde guöp.”

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 12:5

ayï wook ayadäŋ, wok juëc, ku yok guöp tök ë Kërthoyic, ku wook wodhie wok raan ë röt wapäc.

Romai 12:7

ku nɔn ee yen luɔi ee wok kɔc luööi, yok këda looi apiɛth, ku raan ee wëët, ë ye wëët apiɛth,

Romai 14:19

Yen ee wok ka ke mät cop ayï ka ke kuɛ̈t bï wok kueet.

Romai 15:14

Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët.

Romai 15:2

Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet.

Romai 15:29

Ku aŋiɛc bɛ̈n bän bɛ̈n tëde wek, nɔn bän bɛ̈n në dït de athiɛɛi de wëlpiɛth ke Kërtho.

1 Kor 12:27

Ku wek ee guöp de Kërtho, ku yak ka nu ë guöpde yic, ŋɛk ee kë töŋë ku ŋɛk ee kë töŋë.

1 Kor 12:7

Ku tïc ee Wëidït tïc aye gäm raan ëbɛ̈n, luɔi bï kɔc këpiɛth aa yök thïn kedhie.

1 Kor 14:12

Ayï week ayadäŋ, na kaarkï ka ke Wëi aläldïïtë, jakï kɔɔr luɔi bä wek wöör në kuɛ̈t bä wek ɣön ë Nhialic kueet.

1 Kor 14:14

Ku të läŋ ɛn në thoŋ mɛɛn, wëikï kek aläŋ, ku ŋïny ŋiɛc ɛn käŋ acïn kë cï yök thïn.

1 Kor 14:26

Jɔ aa ŋö, wek mïthëkɔckuɔ? Të guɛ̈ɛ̈r wek tëtök, week wedhie, ŋɛk ade din ë Debid, ku de ŋɛk wëët, ku de ŋɛk thoŋ mɛɛn, ku de ŋɛk kë cï nyuöth en, ku de ŋɛk puŋ puk en jam. Yak käŋ tɔ loi kedhie në këde kuɛ̈t bï kɔc kuet.

2 Kor 12:19

Cöök däŋ an, yak lueel an, konyku röt ë wenïïm ë caŋawën? Wok jam ë Nhialic nɔm ë Kërtho yic. Ku ka luelku kedhie, wek kɔc nhiaar, ee ka ke kuɛ̈t bï we kueet.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 13:9

Wok ë piɔ̈ɔ̈th miɛt, të ee wok kɔ̈c, ku cöök ee wok lɔ̈ŋ aya, ee luɔi bä wek piɔ̈ɔ̈th dikëdik.

2 Kor 3:8

na guiëër ë wëi eeŋö cïï en guiëërë bï wöör ë dhuëëŋ?

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

2 Kor 5:18

Ku käŋ aake bɔ̈ tëde Nhialic kedhie, Raan ë wo tɔ mät në yen në Yecu Kërtho, ago luɔi de mät yiɛ̈n wook.

2 Kor 6:3

Acïn kë loiku kë bï raan diiu piɔ̈u, ke luɔi ee wok käŋ looi ke cï bï gɔ̈k.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

Epethiei 1:23

Yen aye guöpde, ku ye kuɛthde, kuɛth de raan ee käŋ tɔ kueth kedhie, ka nu ë këriëëcic ëbɛ̈n.

Epethiei 4:16

Ago guöp dït ëbɛ̈n në yen në duöt cï e duut apiɛth abï lɔ kuendek, në yomnyïïn ëbɛ̈n yomnyïïn cath në yen, acït luɔi ee ka ke raan guöp looi ëbɛ̈n, kënë ke luɔide ku kënë ke luɔide, ago guöp dït abï rɔt yïk ë nhiëëric.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Epethiei 4:4

Ee guöp tök yen nu, ku Wëidït tök, acït man cï we cɔɔl në aŋäth tök, aŋäth ë cɔ̈t ë cɔɔlë week.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Kolothai 4:17

Ku yɔ̈ɔ̈kkï Arkipo an, “Ye luɔi tiit apiɛth luɔi cï yök tëde Bɛ̈nydït, abä thöl apiɛth.”

1 Tim 1:12

Ku aluɛɛl an, thieithieei raan cï a gäm riɛl, yen Kërtho Yecu Bɛ̈nydït, luɔi cï en a tɔ ye raan adöt, ago ya dɔm bä luɔide looi.

2Tim 4:11

Ee luk etök en a rɛ̈ɛ̈r ke yɛn. Nöm Mak, bä wekë yen, ee raan duëër a kony ë luɔi.

2Tim 4:5

Ku yïn, ye röt tiit ë këriëëcic ëbɛ̈n, ye katuc guum, ye luɔi de raan ee wëlpiɛth guiir looi, ku jɔ luɔidu tiiŋic ëgɔk.

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 6:1

Ënɔɔnë dï, jɔku wëët ë gɔl tueŋë në kë de Kërtho nyääŋ piny, ku jɔku lɔ tueŋ në wëët ë kɔc cï gïu, acïn këërkëër däŋ buk nyɔk ë tɛ̈ɛ̈u piny, ee yen aa gɔl ë wëëtda ɣɔn thɛɛr, yï wëët ë puŋëpiɔ̈u në luɔi cï thou ku lɔda në gäm de Nhialic yic.