Epethiei 3:17 - JAM DE NHIALIC 2011

¹⁷ ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Epethiei 3:17 ပူးပေါင်းရင်းမြစ်များ

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Math 13:6

Na wën, acï akɔ̈l ruɛl, ke ke biɔɔr, ku yomkï, në baŋ cïn kek mei.

Luk 6:48

acït raan cï ɣöt yïk, ku jɔ këërkëër wec abï thuth, acï kuur lɔ yök: na wën, ke piny mol arëët, go piëëu röt jäp ë ɣönë kɔ̈u, ku cïï duëër tɔ lɔ nieeŋnieeŋ: luɔi cï këërkëërde wec ë kuur nɔm.

Jɔn 14:17

yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Jɔn 6:56

Raan ee rïïŋdï cuet, ku dek riɛmdï, ka ye rëër ë yayic, ku rɛ̈ɛ̈r ë yeyic.

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

1 Kor 3:6

Yɛn ee com, Apolo en aaye piöök, ku ee Nhialic en aaye käŋ tɔ cil.

1 Kor 8:1

Ku në këde ka cï läm yiëth, Aŋicku wook wodhie nɔn de wo ŋïnydekäŋ. Ku ŋïnydekäŋ ee raan rɔt tɔ dït youyou, ku nhiëër en aye raan kueet.

2 Kor 13:5

Thɛmkï röt nɔn rɛ̈ɛ̈r wek ë gämic ëgɔk, caathkï röt. Kuöckï wegup nɔn nu Yecu Kërtho ë weyiic, të cä wek ee kɔc cï rɛɛc tei?

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 2:7

Ku takï meeidun ɣet ë yeyic, ku we bï yïk ë yeyic, ku yak kɔ̈ɔ̈c aril në gämic, cït man cï we wɛ̈ɛ̈t, ku yak kuɛth ë gäm abäk thieithieei dap aa lueel.

1 Jɔn 4:16

Ku nhiëër nhiɛɛrë Nhialic wook acuk ŋic ku acuk gam. Nhialic ee nhiëër, ku raan ee rëër ë nhiëëric ka ye rëër ë Nhialicic, ku rɛ̈ɛ̈r Nhialic ë yeyic.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.

Nyuuth 3:20

Ya kï, kääc ɣöt thokë, ke ya tɔŋ ɣöt thok: tëde en raan piŋ a röl ku liep ɣöt thok, ke yɛn bï bɛ̈n ɣöt tëde yen, ku buk aa cam ëtök, yɛn wokë yen.