Epethiei 3:16 - JAM DE NHIALIC 2011

¹⁶ aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

Epethiei 3:16 ပူးပေါင်းရင်းမြစ်များ

Jop 23:6

Bïï gɔ̈th ke yɛn në dït ë riɛlde? Ei, abï këdï piŋ.

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Diɛt 28:8

Bɛ̈nydït ee riɛl de kɔcke. Ee melikdɛn cï lɔc gël.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Dhek 10:12

Kɔckï abä keek tɔ ril, Abïk Yɛn aa gam thök, ku dhuëŋkï ya rin. Acïï Bɛ̈nydït Lueel.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Romai 2:29

Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

Romai 7:22

Yɛn mit piɔ̈u wokë löŋ de Nhialic ë yayic thïn,

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

2 Kor 12:9

Go lɛ̈k ɛn an, “Dhuëëŋ de yɛnpiɔ̈u ee yï kiët: riɛldiën dït aye tɔ ye dikëdik në kɔ̈c kɔ̈ɔ̈cë raan.” Yen abän rɔt aa leec ke ya mit piɔ̈u aläl në kɔ̈c aa yɛn guöp kɔ̈c, ke riɛldït ë Kërtho bï rëër ë yaguöp.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:15

Raan ë ciëk dhiën rin kedhie, dhiën nu paannhial ku dhiën nu ë piny nɔm,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Pilipoi 4:19

Ku Nhialicdï abï we tɔ kueth në këdak week ëbɛ̈n në juëc ë kakɛn nu paandɛn ë dhuëëŋ ë Kërtho Yecuyic.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 2:2

Ke ke bï muk piɔ̈ɔ̈th, ku matkï ëtök në nhiëër, ku në kuɛth bï kek kuɛth në ŋïny ŋic kek käŋ ëgɔk agokï këcïmoony de Nhialic ŋic, yen aye Kërtho,

2Tim 4:17

Ku Bɛ̈nydït yen aa kääc ë yalɔ̈ɔ̈m, ago a tɔ ril piɔ̈u, luɔi bï jam thök ë guiëër ë yathok, ago Juöör piŋ ëbɛ̈n: ku yɛn cï luäk bei ë köör thok.

Ɣeberuu 11:34

Keek acïk bɛ̈n poth në manydïït ajaŋjaŋic, ku acïk poth abätɛ̈ɛ̈u ë kɔc ke ater thook. Aake kɔ̈c, ku acïk bɛ̈n riɛl në tɔŋic, ku yen aa tiɛɛm kek kɔc lei.

1 Pet 3:4

Yak kiëërdun tɔ ye raan cï thiaan ë wepiɔ̈ɔ̈th, raan lirpiɔ̈u ku cïn thok wël, yen aye kiëër cïï bï dhiap, kiëër de naamdɛn piɛth ë Nhialic nɔm.