Epethiei 2:11 - JAM DE NHIALIC 2011

¹¹ Yen tak we wenïïm ëcöökë an, ɣɔn wek ë ye Juöör në dhiënh ë dhiëëthë week, we cï tɔ ye Jur kënë cueel në jur cï tɔ ye aŋuɛl, ë guöpic, ee kë cï looi ë kɔc cin.

Epethiei 2:11 ပူးပေါင်းရင်းမြစ်များ

Edhekiɛl 20:43

Ëtɛ̈ɛ̈n we bï këriëëc de ayäär ëbɛ̈n wään cäk looi jɔ tak, ku luɔi cä wek röt dhiöök. Wek bï aa riɔ̈ɔ̈c në gupkun wapäc në biäk de karɛc cäk looi.

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Math 20:7

Gokï bɛ̈ɛ̈r an, “Ee luɔi cïn en raan cï wo tɔ lui wëu. Go ke yɔ̈ɔ̈k an, “Lakï domic week, ke we bï miɔɔc ë këpiɛth.

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 2:26

Ku raan kënë cueel, të cï en löŋ tiiŋic, ke ciën cuɛ̈lde cïï bï tɔ ye cuɛ̈l?

Romai 2:27

Ku raan kënë cueel, në caŋ ë dhiëëthë ye, të cï en löŋ aa tiiŋic, cïï yï bï jɔ̈ɔ̈ny, yïn raan ë löŋ wööcic, acakaa yïn ëye raan cath we jam cï gɔ̈ɔ̈r ayï cuɛ̈l?

1 Kor 12:2

Aŋiɛckï nɔn ee ya wek Juöör ɣɔn, kɔc ë cï thɛl roor ë yiëth cök, yiëth cïn kethook të ye jam, acït man ee we cool ë thelë we.

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

Galatai 2:15

Wok kɔc cï dhiëëth ke wo ye Judai, ku wo cie Juöör ë karɛc looi,

Galatai 6:12

Kɔc ëbɛ̈n kɔc kɔɔr luɔi bï ë ke ŋic an yek kɔc piɛth ë guöpic, kek adhil week tɔ cuel, ee luɔi cïï ë ke bï yɔŋ tei në biäk de tim cï rïïu nɔm tim de Kërtho.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 16:12

Thɛmkï bäk ee lööŋkë riëëu, duökï nïïm mär nɔn cä wek kɔn aa lïïm ë Rip.

Nyöŋ 5:15

Takï wenïïm wään, wek aaye lïïm ë Rip. Aguɔ week luäk bei në riɛldiëndït, Yɛn Bɛ̈nydït Nhialicdun. Yen aa jan week yɔ̈ɔ̈k an riëëukï kööl de Thabath.

Nyöŋ 8:2

Yak we nïïm tak, në luöi wään cïï Bɛ̈nydït week wat ë jɔ̈ɔ̈ric në ee runkë yiic kathiërŋuan, ku ye we tuöc ka tuc thook them En ke week, ago kë kaarkï bäk looi ŋic, ku na bäk lööŋke riëëu.

Nyöŋ 9:7

“Duökï nïïm mär në luöi cä wek Bɛ̈nydït Nhialicdun tɔ göth ë jɔ̈ɔ̈ric, gɔl ë kööl ɣɔn nyääŋ wek Rip piny agut të ɣëët wek eenë, wek ee Bɛ̈nydït rɛɛc.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Kolothai 1:21

Ku week, wek kɔc ɣɔn cï tɔ ye kɔc tei ku yak kɔc de piɔ̈ɔ̈th ater në yen në luɔiduön rac, we cï luöök në yen ënɔɔnë,

Kolothai 2:11

Ku we cï cueel ë yen në cuɛ̈l kënë looi ë raan ciin, ee luny cä wek guöp de rïŋ luöny bei, në cuɛ̈l cïï Kërtho we tɔ cuel.

Kolothai 2:13

Ku week, wek kɔc ɣɔn cï thou në karɛckun, ku në luɔi kënë rïïŋdun cueel, we cï bɛ tɔ pïïr në yen ëtök, të cï en karɛckuɔ päl wook kedhie,

Kolothai 3:11

Ku tɛ̈ɛ̈n acïn Girikii nu ku cïn Judai, ku cïn aŋuɛl nu ku cïn raan cie aŋuɛl, ayï Jur rɛɛc ë ciɛɛŋde, ayï Thekuka, ayï lïm, ayï raan lääu nɔm, abï ciën këdäŋ, ku Kërtho yen aye këriëëc ëbɛ̈n, ku nu ë käŋ yiic kedhie.

1 Tham 17:26

Go Debid rɔt cuöt kɔc thiääk në yen, ku lop keek an, “Eeŋö bï gäm raan lɔ ee raan ë Pilithiinë nɔ̈k, ku dɛ̈k kɔc ke Yithriɛl yiëth në ayärdïïtë? Ku në yic, eeŋa yen ee Pilithiin kuc Nhialicë, ka duëër rem de tɔŋ de Nhialic pïïr jɔ riääc?”

1 Tham 17:36

Yɛn ë kɔ̈ɔ̈r nɔ̈k ku näk köör ayuääl, ka yɛn bï ee Pilithiin cïn nɔm Nhialicë nɔ̈k ayadäŋ, Pilithiin ee rem de tɔŋ de Nhialic pïïr läät.”