Edhr 9:9 - JAM DE NHIALIC 2011

⁹ Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Edhr 9:9 ပူးပေါင်းရင်းမြစ်များ

Edhr 2:68

Na wën aa cïk ɣet ɣön ë Bɛ̈nydït ee Yen ye lɔ̈ŋ në Jeruthalem, ke röördït kɔ̈k në dhiëën nïïm ke ke gɛm miɔ̈c, miɔ̈c ye gam në dhuëëŋ bï kek ɣön ë Nhialic bɛ nyɔk ë yïk tëde.

Edhr 7:6

Yen Edhera aa bɔ̈ në Babilon. Ku ye raan cï wëët në lööŋ ke Mothe, wään cïï Bɛ̈nydït, Nhialic de Yithriɛl gam. Go Melik gäm këriëëcdɛn cï thiëëc ëbɛ̈n ë biäk ë tɔ̈u athiɛɛi de Bɛ̈nydït Nhialicde ke yen.

Edhr 7:8

Na ɣɔn, ke Edhera jɔ ɣëët Jeruthalem në pɛɛi ë dhïc ɣɔn ye Melik run dhorou ë bäänyic.

Edhr 9:10

“Ku ënɔɔnë, Yïn Nhialicda, eeŋö duëërku bɛ lueel të cïï kapiɛthkë röt luöi wook kedhie? Ku beku lööŋku nyɔk ë reec.

Neɣe 2:17

Ku në ee kakë cök, acä bɛ̈n lɛ̈k keek an, “Week wedhie awɔikï yen ë kërɛɛc nu wok thïnë, täu de Jeruthalem piny ke cï riääk, ku athïïn ke kal ë pänydït acï ke nyop në mac, bäk yïkku kal ë Jeruthalem, ke wo cïï ayäär bï bɛ guum.”

Neɣe 9:17

Acïk Yï rɛɛc thok, ku mɛ̈ɛ̈rkï nïïm në këriëëc ɣɔn cï looi ëbɛ̈n, mɛ̈ɛ̈rkï nïïm në kagɛ̈iyë ke cï ke looi, në lɛcden, gokï röt lɔ̈c bɛ̈ny bï ke dak nïïm në lïïmic paan ë Rip. Ku Yïn ee Nhialic ee kɔc päl awɛ̈ɛ̈c, Yïn de nɔm kok de piɔ̈u, ku nhiëër agɔk ku cïï ee dap gɔ̈th, kok de piɔ̈ndu adït arëët, ka kɛ̈n ë ke nyääŋ piny.

Diɛt 109:12

Në ë cïn raan kok piɔ̈u kekë yen ku nɔn kok piɔ̈u kekë mïthkɛn abɛɛr cï keek nyääŋ piny.

Diɛt 138:7

Të cïï nuɛɛn ya gɛɛu cil, Yïn ee yɛn döt apiɛth. Yɛn cïï karɛc ee yök, Yïn ee kɔc ke aterdï göth jɔ̈ɔ̈ny ku gël yɛn ë riɛldu.

Yith 14:3

Bɛ̈nydït abï kɔc ke Yithriɛl tɔ dem në arɛɛmden ku nuanden ku luɔi tuc ɣɔn ye kuöt keek në riɛl an loikï.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Yith 5:5

“Kë bä luöi domdiën enap kï, yɛn bï thɔc cän e geeu nyaai, ku thuöör kal wään cän e gël piny, ku ta ciɛm ë läi roor ku dumkï.

Yith 61:4

Abïk pɛ̈ɛ̈nydït ɣɔn thɛɛr cï riɔ̈ɔ̈k nyɔk në yïk.

Edhekiɛl 11:16

“Ënɔɔnë lɛ̈k ë kɔckuön ke Yithriɛl kë luɛɛl. Ee yɛn aa tooc keek bïk lɔ rëër në ee juöör meckë yiic ku thiäi keek në piiny kɔ̈k yiic. Ku në kaam thiinakäŋ yɛn aaye tëdɛn ɣeric në ɣäänkɛn cï kek thiɛ̈i thïn ëbɛ̈n.

Danyel 9:25

Gäärë kënë piny ku yökic. Gɔl ë kööl bïï ë löŋ tääu piny në luɔi bïï ë Jeruthalem bɛ lɔ yïk, agut kööl le ë bɛ̈ny cïï Nhialic lɔc bɛ̈n, run kadhorou raan dhorou abïk wan. Ku Jeruthalem abïï yïk kekë kuɛɛr ku karil bï yen tiit, ku abï kɔ̈ɔ̈c në run kadhorou raan thiërdhetem ku rou, ku abï ya kööl ke nuɛɛn.

Ɣagai 1:9

Aye Bɛ̈nydït de rɛm lueel an, “Wek ee ka juëc kɔɔr, ku ee ka lik kek yak lɔ yök. Na ë lë adhɛ̈ɛ̈thkï ke baai, ke ke tɛŋ wei. Eeŋö yan ee kënë looi aya? Ee luɔi cä wek ɣöndï puɔ̈l adhɔt piny ke cï riääk, ku wek lui në kake yiëthkun, ŋɛk aloi ɣönde.

Dhek 2:5

Ku yɛn guöpdï, yɛn abï ya kal ë mac, kë bï ye gël. Ku ee yɛn abï ya dhuëëŋdɛn tɔ̈u yeyic thïn. Yen kë cï Bɛ̈nydït lueel ka.