Edhr 9:8 - JAM DE NHIALIC 2011

⁸ Ku ënɔɔnë Bɛ̈nydït Nhialicda në kaam thiinakäŋ, Yïn cï wo gäm nɔm lääu tëduön ɣeric, pɔ̈kë wonïïm rëër de miɛtëpiɔ̈ndan thɛɛr. Yïn cï piɔ̈u kok we wook, tɔ wo poth në luɔi adï cïï wok aa lïïm, Yïn ë wo gël apiɛth në rëërda.

Edhr 9:8 ပူးပေါင်းရင်းမြစ်များ

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

Edhr 9:9

Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Neɣe 1:11

Ku ënɔɔnë piŋ lɔ̈ŋdï ku lɔ̈ŋ de lïïmkuön kɔɔr bïk Yïn riëëu. Tɔ ya tiëm ee köölë ku bï Melik piɔ̈u kok ke yɛn.” Në aa köölkë ee yɛn aaye raan ee ka ye melik dek kɔn thiëëp nïïm.

Neɣe 9:31

Ku në biäk dïït ë kokdepiɔ̈ndu, akɛ̈në ke nyääŋ piny, ku nɔn riäk keek. Yïn ee Nhialic de nhiëër de nɔm kokdepiɔ̈u!

Jop 33:30

ee wëi ke raan gël, ku gëm pïïr mit en piɔ̈u.

Diɛt 13:3

Tïŋ ɛn, Bɛ̈nydït Nhialicdï, ku puk jamdï nɔm. Puɔ̈kë yanɔm riɛldï, du ya tɔ thou.

Diɛt 13:4

Du bï tɔ lueel ë kɔc ke aterdï an, “Acuk tiaam.” Du ke bï tɔ mitpiɔ̈ɔ̈th në löny cän löny.

Diɛt 138:7

Të cïï nuɛɛn ya gɛɛu cil, Yïn ee yɛn döt apiɛth. Yɛn cïï karɛc ee yök, Yïn ee kɔc ke aterdï göth jɔ̈ɔ̈ny ku gël yɛn ë riɛldu.

Diɛt 34:5

Kɔc yɔŋ ayek lɔ tëde Bɛ̈nydït gokï piɔ̈ɔ̈th miɛt, acïkï bï kɔn yäär.

Diɛt 85:6

Bɛ ë wook tɔ ril, ku wook, wok kɔcku Yïn buk piɔɔny.

Kɛ̈ŋ 29:13

Kɔc kuanynyïïn ku kɔc yɔŋ keek amɛt ëtök keek, aye Bɛ̈nydït ke gäm pïïr kedhie.

Wɛ̈ɛ̈t 12:11

Jiɛɛm ke kɔc pelnïïm acïtkï thieec ye ɣɔ̈k dɔk, ku kɛ̈ŋ cï määtiic ayek tɔ̈u cït löny cï piäät piny aril, aake gɛmë në Tïn töŋ cɔl Nhialic.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 14:3

Bɛ̈nydït abï kɔc ke Yithriɛl tɔ dem në arɛɛmden ku nuanden ku luɔi tuc ɣɔn ye kuöt keek në riɛl an loikï.

Yith 56:5

ke rinkun abï keek aa tak Luaŋdït, ku në kɔckï yiic ke kaam dït, awär luɔi duëër yïn nɔm dɛ wäthii ku duet. Kɔc acïkï nïïm duëër kɔn në yïn.”

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Jeremia 42:2

Agokï lɛ̈k tiët Jeremia an, “Loi kë lɛ̈kku yïn! Läŋ Bɛ̈nydït Nhialicda ë biäkda. Läŋë ë biäkda wodhie, wok kɔc cï poth. Ɣɔn thɛɛr wok juëc, ku ënɔɔnë, wok cï döŋ ke wo lik cït man woi yïn en.

Jeremia 44:14

Acïn raan töŋ de Juda cï döŋ cï lɔ Rip bïï lɔ ceŋ ëtɛ̈ɛ̈n bï ban ku nɔn bïï pïïr. Acïn raan töŋ bï rɔt pɔ̈k Juda ë keyiic, të kɔɔrkï bïk bɛ lɔ ceŋ thïn. Acïn raan töŋ bï rɔt puk, ee kɔc liaakäŋ cï kat tei.”

Edhekiɛl 14:22

Na de raan lɔ pïïr ku kony mïthke, ke woi keek gup të le kek bɛ̈n tëde yïn. Woi keek ee rac cït ŋö tɔ̈u ke keek, ku jɔ gam nɔn yen yic yen luöi yɛn kɔc ke Jeruthalem këtuc,

Ɣodh 6:2

Abï wook tɔ pïïr ee nïnkë yiic kaarou, ku në nïnkë yiic kadiäk abï wook jat nhial, ka wok bï bɛ rëër në Yen.

Ɣabakuk 3:2

“Bɛ̈nydït, yɛn cï ka ɣɔn cï kɔn looi piŋ, ka yɛn ee riɔ̈ɔ̈c dɔm. Ku ënɔɔnë nyɔk kadït ɣɔn cï kɔn looi në aköölkuɔnkë yiic. Ayï agönhdun yic we wook, ke Yï pɛ̈l Yï piɔ̈u piny ku nyuöthë wook kokdepiɔ̈ndu.

Dhep 3:12

Ku yɛn bï kɔc kor piɔ̈ɔ̈th ee rö kuɔɔr piny nyääŋ ëtɛ̈ɛ̈n, kɔc bï kuɔɔny bɛ̈n kɔɔr tëde Yɛn.

Dhek 10:4

Bäny ke luk, ku bäny ke tɔŋ, ku bäny ke wut abïk aa bɛ̈n bei në kɔc ke Juda yiic.

Dhek 8:12

Abïk aa com të cïn riɔ̈ɔ̈c. Ku tiimkɛn ke enap abïk aa luɔk apiɛth, ku piny abï ya luɔk në këriëëc ëbɛ̈n, ku deŋ abï dït arëët. Yɛn bï kɔckiën lik cï döŋ gäm ee kakë kedhie.

Dhek 8:6

Kë cï Bɛ̈nydït de rɛm lueel kï an, “Kënë abï kɔc lik cï döŋ ye tïŋ cït kë cï rɔt bï lëu ënɔɔnë. Ku abï rɔt lëu tëde yɛn.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Nyuuth 3:12

Raan ee tiam, abä tɔ ye mën ë luaŋdïït ë Nhialicdï, ku rin ke pänydïït ë Nhialicdï, yen aye Jeruthalem cï piac yïk, abɔ̈ piny tënhial tëde Nhialicdï, ku gäär nɔm rinkiën cï piac cak.

1 Tham 14:27

Ku akën ë Jɔnathan piŋ, nɔn cï wun kɔc duöt në gutguut, ago thieny ë nu ë yeciin yaak nhial ku gut athïn de kiëcic, ku ciɛm biäk ago nyin guɔ lɔ wɛ̈ny.

1 Tham 14:29

Go Jɔnathan bɛ̈ɛ̈r an, “Awuur acï wunde kɔ̈ɔ̈r nuan, tïŋ luöi cän nyin lɔ wɛ̈ny wën thiëëp ɛn kiëc thiinë!