Edhr 9:7 - JAM DE NHIALIC 2011

⁷ Gɔl ɣɔn në akööl ke kuarkuɔ agut cï aköölkë, wok kɔcku, wok cï wäc arëët. Ku në biäk de awɛ̈ɛ̈ckuɔ, wok cï lööny në meliik ke juöör kɔ̈k cin, wodhie në Meliikkuɔ ku bänykuɔn ke kake Nhialic, wok aaye tɛm röt, ku rum wo, ku peec wook ke wo mac. Wok ye biɔn gup taitai, karɛckuɔ acïk wo nyäŋ ayär ŋoot aɣet cï ëköölë.

Edhr 9:7 ပူးပေါင်းရင်းမြစ်များ

1 Mel 8:47

jɔ lɔ̈ŋ de kɔcku piŋ. Të nu kek ee pinyë, ku cï kepiɔ̈ɔ̈th puk në awänyden Yic, ku lɛ̈ŋkï Yïn ke ke gam awɛ̈ɛ̈c, an, wok cï awɛ̈ɛ̈c looi, ku karɛc ëbɛ̈n. Bɛ̈nydït piŋ lɔ̈ŋden.

2 Lëk 29:6

Kuarkuɔ aake cïn adöt tëde Bɛ̈nydït Nhialicda ku loikï kë cï ye tɔ diu piɔ̈u. Acïk Bɛ̈nydït nyääŋ piny ku welkï ke kɔ̈ɔ̈th tëdɛn cëŋ en thïn.

2 Lëk 30:7

Duökï röt tɔ cït kuarkun ku mïthëkɔckun Yithriɛl wään cïn adöt ë Bɛ̈nydït Nhialicden. Cït man cä wek en tïŋ, acï keek luöi këtuc aläl.

2 Lëk 34:24

lëkkï jam ë Bɛ̈nydïïtë an: “Yɛn bï kɔc ke Jeruthalem luöi këtuc ku kɔc ceŋ en ëbɛ̈n, në biäk de acien cï ke gɔ̈ɔ̈r në awerekic ëbɛ̈n, awerek cï kuɛ̈n melik de Juda.

Edhr 9:13

Cak an cï kakë kedhie röt luöi wook, ke ye luɔi looiyë wonïïm në biäk de karɛckuɔ ku awɛ̈ɛ̈ckuɔ, ke Yïn Nhialicda, Yïn cï wo luöi këtuc thiin cïï nɔm duëër awɛ̈ɛ̈ckuɔ ku tɔ wo poth.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Yith 64:4

Acïn raan töŋ cï Nhialic cït yïn kɔn tïŋ ku acïn raan cï ye kɔn piŋ, raan ee ka cït ee kake luöi kɔc cï aŋäthden tääu ë yeguöp.

Jeremia 25:18

Go Jeruthalem ku pɛ̈ɛ̈nydït ke Juda kedhie, ëtök në meliiken ku bänyken, gokï dek ë yeyic, agokï aa jɔ̈ɔ̈r, të rɛɛc ee kɔc tɔ gäi ë tïŋ, ku bï kɔc rin ke tɔ ee kë de aciɛɛn cït man ye kek ŋoot ke loikï.

Jeremia 3:25

Wok duëër tɔ̈c piny në ayäär, ku jɔ ayärda wo kuöm piny. Wook në kuarkuɔ wok cï awɛ̈ɛ̈c looi në ciɛɛŋ, luiku ke Bɛ̈nydït Nhialicda, wok kën kë ye lɛ̈k wook kɔn riëëu.”

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 32:32

në biäk de karɛc juëc cï kɔc ke Juda ku kɔc ke Jeruthalem ke looi, mɛ̈tkï ëtök në meliiken ku bänyken, ku bäny ke kake Nhialicden ku tïtken.

Jeremia 44:22

Yen ee köölë pinydun adhɔt ke cï riɔ̈ɔ̈k, ku acïn raan ceŋ en. Acï aa tëde riɔ̈ɔ̈c, ku ye kɔc lueel ke ya aciɛɛn, në luɔi cïï Bɛ̈nydït luɔiduön rac bï bɛ guum.

Jeremia 44:9

Cäk nïïm määr në karɛc wäänë kedhie, karɛc wään looi ë kuarkun keek në wuöt ke Juda yiic ku kuɛɛr ke Jeruthalem yiic, kak ë looi meliik ke Juda keek ë diëërken, ku kak ë luɔikï week ë diëërkun?

Dhiëëu 5:7

Kuarkuɔ acïk kërac looi, ku ënɔɔnë acïk jäl, ku wok nuan në biäk de karɛcken.

Edhekiɛl 11:9

Wek bä bɛ̈ɛ̈i bei ë pänydït yic ku gäm week alɛi. Wek cä ke mäc thuɔɔu,

Edhekiɛl 39:23

Ku abïï juöör ŋic nɔn ë peec ë baai de Yithriɛl lek piny lei në biäk de awɛ̈ɛ̈c cïk luöi Yɛn. Yɛn cï rɔt yal wei tëde keek ku ta keek tiɛɛm ë kɔc ke aterden ku näkkï keek në tɔŋic.

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

1 Tham 12:15

Ku na cäkï röl de Bɛ̈nydït lɔ piŋ, ku lak lööŋke dhɔ̈ŋ yiic, abï piɔ̈u rɔc kekë week në melikdun.