Edhr 9:4 - JAM DE NHIALIC 2011

⁴ Wën ŋuɔɔt ɛn ke ya tɔ̈u piny në dhiënëpiɔ̈uwic, go kɔc kɔ̈k kenïïm kut në yalɔ̈ɔ̈m, kɔc cï riɔ̈ɔ̈c në kë cïï Nhialic lueel në biäk de ciën adön de kɔc ë bɔ̈ ciëën në pɛ̈cic, ku rɛ̈ɛ̈r ke ya thuc aɣet cï thaar de gɛm de miɔ̈c athɛ̈i.

Edhr 9:4 ပူးပေါင်းရင်းမြစ်များ

2 Lëk 34:27

ka yïn cï yïpiɔ̈u puk ku kuɔɔrë rɔt piny ë yanɔm, ku rɛtë lupɔɔ ke yïnkɔ̈u yiic ku dhiau, të wën piŋ yïn luɔi cän ye lueel, nɔn bän Jeruthalem luöi këtuc kekë kɔcke. Yɛn cï lɔ̈ŋdu piŋ,

Edhr 10:3

Wok bï löŋ mac piny në Nhialic nɔm, yïn wekë kɔc ee riɔ̈ɔ̈c në löŋ ë Nhialic, bäk lɛ̈k wook kueer bï wok ë diäärkë pɔ̈l në mïthken ku buk luui në kë cïï löŋ de Nhialic lueel.

Edhr 10:9

Ku ë nïnkë yiic kadiäk, kɔc ke Juda ku Benjamin ë ceŋ akɛɛth nïïm acïk bɛ̈n bɛ̈n kedhie ku kutkï kenïïm ë Jeruthalem ë pëër ë ɣön ë Nhialic yic, në kööl ye pɛɛi de dhoŋuan thok thiërrou, deŋ aa tueny, ku në biäk de yom ku kën ë cɔ̈lë keek, kɔc ë bɛ̈n aake lɛthë keek.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Bɛ̈n 29:39

Ye nyɔɔŋ tök gam miäk adurduur, ku gamë däŋë thëën.

Bɛ̈n 29:41

Ku gamë nyɔɔŋ ye nyök rou thëën kekë miɔ̈c ë rap cït miɔ̈c wën amiäk ke cï liääp ë miök, kekë mɔ̈nde aya. Kënë ee miɔ̈c ye nyuöp Bɛ̈nydït. Ku atuömde abï Ya miët piɔ̈u.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Danyel 10:2

Ku në aköölkë, yɛn Danyel, yɛn aa dhiau në nïn kathiërrou ku tök yiic.

Danyel 9:21

Ku tën wën läŋ yɛn. Go Gabriɛl bɛ̈n të nuö yɛn ke päär, Gabriɛl wään bä tïŋ në nyuuth tueŋë yiic. Aa ye kaam ye miɔ̈c näk athɛ̈i gam.

Kuɛ̈n 25:6

Ku ëtɛ̈ɛ̈n, raan de Yithriɛl tök acï nyan ë kɔc ke Midian bɛ̈ɛ̈i baaide aköl ke woi ë Mothe, ku woi ë akutnɔm de kɔc ke Yithriɛl kedhie, ke ke dhiau në paany de mät thok.

Luɔi 3:1

Na wën, ke Petero kekë Jɔn ke ke lɔ ë Luaŋdïtic ëtök ë thaar ë lɔ̈ŋ, yen aye thaar ë dhoŋuan.