Edhr 9:3 - JAM DE NHIALIC 2011

³ Na wën aa piɛŋ ee kënë, guɔ lupɔɔkï rɛtiic ë yakɔ̈u në dhiën ë piɔ̈u, ku nyuän nhïm bei në yanɔm ku yathok, ku nyuööc piny ke ya cï ŋɛɛr ku ja thuc.

Edhr 9:3 ပူးပေါင်းရင်းမြစ်များ

2 Tham 1:11

Ago Debid lupɔɔ ke yen kɔ̈u rɛt yiic, nyooth dhiën ë piɔ̈u, go kɔcke lupɔɔken rɛt yiic aya.

2 Mel 18:37

Ëtɛ̈ɛ̈n go Eliakim ku Cebana ku Jowa lupɔɔken rɛtiic ë kekɔ̈ɔ̈th, në biäk cïï kek piɔ̈ɔ̈th jiɛth, ku lekkï tëde Ɣedhekia, ku lëkkï kë cï Rabcaka bɛ̈ny ë rem de tɔŋ de Athiriya lueel.

Neɣe 1:4

Na wën aa la ee kakë piŋ, guɔ nyuc piny ku dhiaau. Ja nïn lɛɛr ke ya dhiau ku rɛɛc cäm ke ya läŋ Nhialic de paannhial, luɛɛl an,

Neɣe 13:25

Aguɔ ke bɛ̈n jɔ̈ɔ̈ny ku läm keek aciɛɛn, ku duöi kɔ̈k ku nyuän nhïm biic në kenïïm. Ku ta ke loi gutguut në rin ke Nhialic luɔi cïï kek e bï bɛ nyɔk, ku cïï ë mïthken bï bɛ nyɔk yen thiëŋ ë duet ke juöör kɔ̈k.

Jop 1:20

Ëtɛ̈ɛ̈n, Jop ë rɔt jɔt ku ret lupɔ de yen kɔ̈uwic, ku muut enɔm në jiɛth ë piɔ̈u ku gut enɔm piny ke lam Nhialic.

Diɛt 119:53

Të yan kɔc ee kërac looi tïŋ ke ke dhoŋ lööŋku kɔ̈ɔ̈th, yɛn ee gɔ̈th aläl.

Diɛt 143:4

Yɛn cï thiɔ̈k wo luöi bän bäp, yɛn cï dak aläl.

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Yith 15:2

Kɔc nu Dibon abïk yïïŋden dhiëëu. Kɔc ke Mowap akïmkï në dhiën ë piɔ̈u në këde wuöt ke Nebo ku Medeba, acïk kenïïm muut ku kethook në dhiën ë piɔ̈u.

Jeremia 36:24

Ku melik ku bänyke akënkï bɛ̈n riɔ̈ɔ̈c wën piŋ kek ee jamë, ku akënkï luöi cï kek wäc nyuɔɔth aya.

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Edhekiɛl 3:15

Guɔ bɛ̈n Tel Abib në Kiir de Cebar yɔu, të wään rëër ë kɔc cï lɛɛr piny lei thïn, guɔ rëër ëtɛ̈ɛ̈n në nin kadhorou, ke ya cï nɔm mum në ka cä tiŋ ku ka cä piŋ.

Edhekiɛl 7:18

Keek abïk lupɔɔ ke cuɔl tääu në kekɔ̈ɔ̈th ku abï ke lath ëbɛ̈n. Abïï ke muut nïïm, ku abïk gup yäär kedhie.

Danyel 4:19

Cöökë acï Danyel ku yen ye cɔl Beltecadhar tɔ mum nɔm aläl abï lɔ dïu ke cïï jam. Go ë melik lɛ̈k en an, “Beltecadhar, du nyuöth kekë wɛ̈r de yen yic tɔ mum yïnɔm. Go Beltecadhar bɛ̈ɛ̈r an, “Yïn melik, anhiaar adï jɔ nyuöth kekë wɛ̈r de yen yic rɔt puɔ̈k kɔc ke aterdu, ke cie yïn.

Danyel 8:27

Yɛn aacï guöp thou ku dɔm juäi ya në nïn juëc. Na wën ke ya jɔt rɔt ku laar ë luɔɔi yic, luɔɔi cïï melik gäm ɛn. Ku yɛn aacïï nyuuth tɔ mum nɔm ku akɛ̈n bɛ̈n yökic.

Lebai 21:5

Bäny ke kake Nhialic, acïkï kenïïm bï aa muut, ku cïkï nhïm de kek nɔ̈k piny muut, ku acïkï kegup bï aa ŋuɔt.

Maika 1:16

Muɔ̈tkï wenïïm, dhiëëukï mïth nhiaarkï. Lɛnykï wenïïm abäk ciët anyigoon, në biäk bïï ë mïthkun lɛɛr piny lei.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.