Edhr 9:1 - JAM DE NHIALIC 2011

¹ Na wën acï kakë thök ë luɔi kedhie, ke bäny ke kɔc ke Yithriɛl bɔ̈ tëde yɛn ku luelkï nɔn cï ë kɔc ke Yithriɛl, ku bänykɛn ke kake Nhialic, ku Lebai akënkï röt mɛc wei në juöör cieŋ ë pinyë në karɛc yek looi, cït man tɔ̈u ë jur cɔl Kanaan ku Ɣit ku Peridh ku Jebuth ku Amon ku Mowap ku Rip ku lɔ Amor.

Edhr 9:1 ပူးပေါင်းရင်းမြစ်များ

Cäk 15:16

Ku abïk kenïïm dɔ̈k eenë, në rem ye rɛm ŋuan. Në luɔi cän kɔc ke Amor bï cuɔp wei, agut të bï kek awäny dïït rɔ̈ŋ ke këtuc thok kɔn looi.”

1 Mel 11:1

Na wën ke Tholomon ë nhiaar diëër juëc ke juöör kɔ̈k. Go thiëëk në duet ke Ɣit, ku duet ke Mowap, ku duet ke Ammon, ku duet ke Edom, ku duet ke Thidon, mɛtke në tiiŋdɛn nyan ë melik de Rip nyin.

2 Lëk 33:2

Acï karɛc ye juöör keek looi looi, kɔc ɣɔn bïï Bɛ̈nydït keek cuɔp wei, wään bïï ë kɔc ke Bɛ̈nydït thïn, go Manatha karɛc luöi Bɛ̈nydït.

2 Lëk 8:7

Ku kɔc wään cï döŋ kedhie, kɔc cie kɔc ke Yithriɛl, kɔc ke Ɣit, ku kɔc ke Amor, ku kɔc ke Peridh, ku kɔc ke Ɣib, ku kɔc ke Jebuth.

Edhr 10:2

Go Cekania wën ë Jeɣel, raan ë dhiën Eelam lɛ̈k Edhera an, “Wok cï ciën adöt në Nhialicda, në kë cïï wok lööŋ dhoŋ kɔ̈ɔ̈th në thiëŋ cïï wok thiëëk në duet ke juöör tɔ̈u ee pinyë. Ku na cï rɔt cak looi aya tei, ke Yithriɛl aŋoot ke de nɔm aŋäth.

Edhr 10:8

Cït man cïï bäny nu në kɔc nïïm ku röördït löŋ tääu piny an, raan cïï lɔ bɛ̈n në thök de nïn kadiäk, ke kake abï ke nööm, ku copë wei në akutnɔm de kɔc ë bɔ̈ ciëën në pɛ̈cic.

Neɣe 13:23

Në ee aköölkë yiic aya acï bɛ̈n yök nɔn cïï kɔc juëc ke Judai duet ke Acedɔd, ku Ammon, ku Mowap thiaak.

Neɣe 4:3

Ku Tobia raan de Ammon aa kääc në ye lɔ̈ɔ̈m ë tɛ̈ɛ̈n, go lueel an, “Ee kal cït ŋö yïkkï? Na cakaa awan aduëër jäp piny!”

Neɣe 4:7

Go Thanbalat, ku Tobia, ku kɔc ke Arabia, ku kɔc ke Ammon, ku kɔc ke Acedɔd wën le kek e piŋ nɔn ciɛth luɔidan ë yïŋ de kal ë Jeruthalem ke lɔ tueŋ, ku ɣään ɣɔ̈r wään tɔ̈u ke ke kën thök ë kal kɔ̈u acï ke thöl, gokï piɔ̈ɔ̈th jɔ riääk arëët.

Neɣe 9:2

Keek acïk röt pɔ̈c bei pei në juöör lei yiic. Aceŋkï anuɛɛr ku ayek kenïïm wäl abuui, nyooth kek dhiën ë piɔ̈ɔ̈thken, ku ëtɛ̈ɛ̈n acïk bɛ̈n kɔ̈ɔ̈c läŋkï bïk ke päl awɛ̈ɛ̈cken ku awɛ̈ɛ̈cë cïï kuarken looi.

Diɛt 106:35

Ku acïk bɛ̈n liääp ku thiakkï juöör, ku dɔmkï ciɛɛŋ de kɔc kuc Nhialic.

Bɛ̈n 13:5

Bɛ̈nydït acï kuarkun thɔn ɣɔn, an bïï we gäm piny ë Kanaan, ku piny ë Ɣit, ku piny ë Amor, ku piny ë Ɣib, ku piny ë Jebuth. Miäk të cï en we lɛɛr piny ee wat ë ca ku miök ë kiëc, ke we loi ee dhuëëŋë, në pɛɛi tueŋ në run nyïïn ëbɛ̈n.

Bɛ̈n 23:23

Tunynhialdï abï cath ë wenïïm tueŋ, ku abï we lɛɛr piny de Amor, ku Ɣit, ku Peridh, ku Kanaan, ku Ɣib, ku Jebuth, ku abäk keek riɔ̈ɔ̈k.

Bɛ̈n 33:16

Acïn luɔi bï kɔc ke piny nɔm ye ŋic nɔn mit Yïn piɔ̈u we yɛn, ayï kɔcku të kën Yïn lɔ wekë wook. Täu de dhuëëŋdu ke wook yen abï wo pääk në kɔc ke piny nɔm.”

Yith 52:11

Dötkï apiɛth nɔn bä wek Babilonia nyääŋ piny, wek kɔc ɣɛ̈ɛ̈c kake Luaŋdït wedhie! Duökï ka cï pɛ̈ɛ̈n ee jak, takkï weyiic ɣer ku jälkï.

Jeremia 26:10

Wën cïï bäny ke Juda kë cï rɔt looi piŋ, gokï röt dap jɔt ɣön ë bääny ku lekkï ë Luaŋdïtic, ku nyuckï të ye kek nyuc thïn, në Kal thoŋ ë Piacë looi.

Jeremia 26:16

Go bäny ku kɔc lɛ̈k bäny ke kake Nhialic ku tït an, “Mony aa jam ke wook në rin ke Bɛ̈nydït Nhialicda, acïï duɛ̈ɛ̈rë nɔ̈k.”

Lebai 18:3

Duökï ciɛɛŋde kɔc ke Rip kuanyic, të wään rɛ̈ɛ̈r wek thïn, ku duökï ciɛɛŋ de kɔc ke Kanaan kuanyic, të wään lɛɛr Ɛn we thïn. Duökï ciɛɛŋden kuanyic taitai.

Malakai 2:11

Juda ë löŋ dhoŋ kɔ̈u. Kërac arëët acï Yithriɛl looi, ku looi Jeruthalem aya. Juda ë tëɣeric tɔ rac, ɣöndɛn nhiɛɛr, aake cï duet ee yiëth kɔ̈k lam thiaak.

Kuɛ̈n 23:9

Kɔc ya woi ke ya kääc tëthöny. Ku tïŋ keek ke ya nu në kuur nɔm. Ee kɔc lɛɛn rɛɛr pei ke ke ye wut, Kɔc cïï röt ee kuɛɛn në juöör kɔ̈kiic.

Kuɛ̈n 25:6

Ku ëtɛ̈ɛ̈n, raan de Yithriɛl tök acï nyan ë kɔc ke Midian bɛ̈ɛ̈i baaide aköl ke woi ë Mothe, ku woi ë akutnɔm de kɔc ke Yithriɛl kedhie, ke ke dhiau në paany de mät thok.

Nyöŋ 18:9

“Të la wek lɔ bɛ̈n piny gëmë Bɛ̈nydït Nhialicdun week, duökï luɔi rɛɛc de juöör nu ëtɛ̈ɛ̈n kuany yiic.

Nyöŋ 23:8

Gɔl ë rem de diäk leer tueŋ, mïth ke mïthken aduëërë ke lɔ në amatnɔm ë kɔc ke Bɛ̈nydït yiic.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 23:12

Ku na lak kueer ë Bɛ̈nydït pɔ̈l, ku mätkï ee juöör lik cï döŋ ë woyiic, ku lak röt thiëk në keek,