Edhr 8:22 - JAM DE NHIALIC 2011

²² Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Edhr 8:22 ပူးပေါင်းရင်းမြစ်များ

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Edhr 7:28

Ku gëm ɛn nhiëërdɛn agɔk, ku puk Melik piɔ̈u ke kɔckɛn ee käŋ kiëët ku bänykɛn ril. Ku yɛn, ciin ë Bɛ̈nydït Nhialicdï atɔ̈u në yaguöp, aguɔ yapiɔ̈u riit ku määt röördït ke dhiëën ke Yithriɛl nïïm bïk lɔ ë yɛn ëtök.”

Edhr 7:6

Yen Edhera aa bɔ̈ në Babilon. Ku ye raan cï wëët në lööŋ ke Mothe, wään cïï Bɛ̈nydït, Nhialic de Yithriɛl gam. Go Melik gäm këriëëcdɛn cï thiëëc ëbɛ̈n ë biäk ë tɔ̈u athiɛɛi de Bɛ̈nydït Nhialicde ke yen.

Edhr 7:9

Ɣɔn gɔl en jäl në Babilon aaye kööl ye pɛɛi tueŋ thok tök ku jɔ ɣëët Jeruthalem në kööl tueŋ de pɛɛi ë dhïc, ku tɔ̈u athiɛɛi de Bɛ̈nydït ke yen,

Edhr 8:31

Na ɣɔn ke wo lööny kueer në kööl ye pɛɛi tueŋ thok thiëër ku rou në kiir de Aɣaba nɔm ke wo lɔ Jeruthalem. Ku Nhialic aa tɔ̈u ke wook, ku gël wook në kɔc ke ater ee kɔc kaaŋ ku kɔc ee buuth ë kuɛɛriic.

Neɣe 2:9

Melik acï ya tuöc bäny kɔ̈k ke rem de tɔŋ ku rem cath ë jöŋgöör kɔ̈ɔ̈th bïk cath në yɛn, aguɔ jäl cak ke ya lɔ piny tɔ̈u ë wɛ̈ɛ̈r ë Yuparat të lɔ aköl athɛ̈i. Ëtɛ̈ɛ̈n yɛn cï awereek ke melik bɛ̈n lɔ gäm bäny.

Diɛt 20:8

Kɔc cït ee kakë abïk aa dak ku wïïkkï, ku wok bï röt jɔt ke wo lɔ piɔ̈ɔ̈th wai.

Diɛt 34:22

Bɛ̈nydït ee kɔcke kony, acïn raan töŋ bï këtuc yök në kɔc ee yen ŋɔ̈ɔ̈th.

Diɛt 90:11

Eeŋa duëër tuöc de agönhdu ŋic? Eeŋa ŋic riɔ̈ɔ̈c duëër agönhdu bɛ̈ɛ̈i?

Dhiëëu 3:25

Bɛ̈nydït apiɛth kekë raan ëbɛ̈n, raan ee yen ŋɔ̈ɔ̈th.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

1 Kor 9:15

Ku yɛn, yɛn kɛ̈n kakë kɔɔr anandï: ku yɛn kën kakë gɔ̈ɔ̈r ë luɔi bï e luöi yɛn aya: luɔi bän thou en aŋuän në luɔi bï raan lɛc lɛɛc ɛn rɔt tɔ ye ɣɔ̈ric.

2 Kor 7:14

Ku na de kë cä lɛ̈k en ë lɛc lɛɛc ɛn rɔt ë week, ke yɛn kën yäär, ku acït man cï wo week lɛ̈k käŋ kedhie në yic, ayï lɛcdan ë wo röt lɛ̈c week ë Tito nɔm, acï aa yic aya.

Ɣeberuu 10:38

Kɔckiën cï tɔ ye kɔc piɛthpiɔ̈ɔ̈th në gäm, abïk pïïr në gäm. Ku kɔc lɔ dɔk ciëën Yɛn cïï piɔ̈u bï miɛt wo keek.”

Jocua 22:16

“Akutnɔm de Bɛ̈nydït ëbɛ̈n ee week luɔp an, Eeŋö ja wek Nhialic de Yithriɛl guɔ lɔ wööc piɔ̈u, ku yiɛ̈kkï röt yïk? Eeŋö tɔ we yïk yïk ku aŋiɛckï luɔi rɛɛc en tëde Nhialic?

Jocua 23:16

Të la wek löŋ de Bɛ̈nydït Nhialicdun dhoŋ kɔ̈u, löŋ cï thɔ̈n week, ku lak yiëth kɔ̈k lam, ku luöikï keek, Bɛ̈nydït abï gɔ̈th ke week arëët, ku riëëk week arëët në piny piɛth cï gäm week.”

1 Pet 3:12

Nyïïn ke Bɛ̈nydït ayek kɔc piɛthpiɔ̈ɔ̈th woi, ku yïthke ayek palden dap piŋ, ku Bɛ̈nydït ee yenyin jɔ̈t kɔc ee kërac looi.”