Edhr 8:21 - JAM DE NHIALIC 2011

²¹ Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Edhr 8:21 ပူးပေါင်းရင်းမြစ်များ

2 Lëk 20:3

Go melik Jeɣocapat riɔ̈ɔ̈c ku lɛ̈ŋ Bɛ̈nydït bï yen gäm riɛl. Na wën ke yɔ̈ɔ̈k kɔc kedhie bïk thek ku cïn raan cäm ë baai yic ëbɛ̈n.

2 Lëk 20:4

Go kɔc jäl ë pɛ̈ɛ̈nydït ke Juda yiic kedhie, ku lekkï Jeruthalem bïk Bɛ̈nydït lɔ lɔ̈ŋ,

Edhr 8:15

Aguɔ ke määt nïïm ë lil lɔ wun cɔl Aɣaba nɔm, ku jɔku piɔ̈ɔ̈t ëtɛ̈ɛ̈n ë nïn kadiäk. Na wën aa la kɔc caathiic në yanyin ayï bäny ke kake Nhialic, acïn raan töŋ de dhiëën ke Lebai cä yök.

Edhr 8:31

Na ɣɔn ke wo lööny kueer në kööl ye pɛɛi tueŋ thok thiëër ku rou në kiir de Aɣaba nɔm ke wo lɔ Jeruthalem. Ku Nhialic aa tɔ̈u ke wook, ku gël wook në kɔc ke ater ee kɔc kaaŋ ku kɔc ee buuth ë kuɛɛriic.

Neɣe 9:1

Në kööl ye pɛɛi thok thiërrou ku ŋuan yen ë pɛɛi manë, go kɔc ke Yithriɛl kenïïm mat ku reeckï cäm, nyooth kek dhiën ë piɔ̈u de awɛ̈ɛ̈ckɛn yek looi.

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Diɛt 137:1

Wok aake rɛ̈ɛ̈r në kiɛɛr ke Babilon yɔu, goku dhiau, wën cï wok Dhiɔn tak.

Diɛt 5:8

Bɛ̈nydït, kɔc de ater në yɛn ajuëckï! Wat ɛn ë piathëpiɔ̈u, bä këde piɔ̈ndu looi, tɔ kueerdu tiëc ë yanɔm aguɔ kuany yic.

Diɛt 5:9

Jam ye kɔc ke aterdï lueel acïï duëërë ŋɔ̈ɔ̈th, ee riääk yetök, yen kɔɔrkï. Jamden ee luenh täc, ku athiäŋ ke mɛth rac.

Diɛt 8:2

acï kiit në mïththii kor, ayï mïththii ateteet. Yïn cï kony ku luäk yïn në kɔc ke aterdu kedhie, yïn ee raan tɔ kääc ëbɛ̈n raan ee tɔŋ yiɛ̈n yïn.

Kɛ̈ŋ 3:6

Ye Bɛ̈nydït tak në këriëëc loi yic ëbɛ̈n, ku abï yï nyuöth kueer yic.

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 42:16

“Yɛn bï cöörkï wat në kueer kën kek kɔn tëëk. Yɛn bï mɔ̈ɔ̈thden tɔ ye ɣɛɛr ku luɔi piny de yic ŋɔny ke lip në kenïïm. Kek gutguut cä lueel ka, ku abä ke muk ke ke cïï mär në yanɔm.

Yith 49:10

acïkï cɔk ke bï kɔn nɔ̈k ayï rou. Tuöc de akɔ̈l ku jɔ̈ɔ̈r acïï ke bï nɔ̈k, në biäk bïï raan nhiaar keek wat. Abïï keek lɛɛr në nyïïn ke pïïuwiic.

Yith 58:3

Go kɔc thiëc an, “Eeŋö ye wok thek të cïï Bɛ̈nydït ye ŋic? Eeŋö ee wok mɔ̈l në cäm të cïï Bɛ̈nydït këda ee woi?” Aye Bɛ̈nydït lɛ̈k keek an, “Yic kï, të ya wek thek, wek ee lɔ ke we kɔɔr kake piɔ̈ɔ̈thkun, ku yak kɔc lui në week yɔŋ.

Yith 58:5

Të thɛ̈k wek, wek ee röt tɔ bäp, wek ee wenïïm guöt piny cït yïny de wäl, ku thiɛthkï lupɔɔ ke anuɛɛr ku ŋeth bä wek tɔ̈c. Yen kë yak tɔ ee thɛ̈k ka? Yak tak duɛ̈ɛ̈r piɔ̈u miɛt wo week?

Jeremia 10:23

Bɛ̈nydït, aŋiɛc acïn raan ŋic të duëër ë nïnke lɔ thök thïn, acïn raan muk wëike.

Jeremia 42:3

Läŋë ke Bɛ̈nydït Nhialicda ke bï wo nyuöth kueer bï wok tɛ̈ɛ̈k, ku kë buk looi.”

Danyel 9:3

Guɔ Nhialic Bɛ̈nydït lɔ̈ŋ në piɔ̈ndï ëbɛ̈n, yɛn aa läŋ Nhialic ka ya reec cäm, ku ciɛŋ lupɔɔ ke cual, ku rɛ̈ɛ̈r në abuui yic.

Jowɛl 1:14

Caalkï thɛ̈k ɣeric, calkï amatnɔm! Matkï röördït nïïm ku kɔc cieŋ piny ë Juda kedhie bäk lɔ Luaŋdïït de Bɛ̈nydït Nhialicdun, ku läŋkï Bɛ̈nydït.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 16:31

Ee Thabath de lɔ̈ŋ, ka we bï dhil aa thek thïn, ee kë bäk aa looi ë run nyïïn ëbɛ̈n.

Lebai 23:29

Ku raan lɔ cam ë köölë abï nyaai në kɔcke Bɛ̈nydït yiic.

Jona 3:5

Na wën alɔ bɛ̈ny tueŋ de Ninebe jam cït ee kënë piŋ, ke të ë lui ë käŋ röt kï: Ago rɔt jɔt në thönydɛn ë bääny nɔm, ku yööt lupɔdɛn ë bääny bei, ku tɛ̈ɛ̈u lupɔɔ ke cuɔl ë yekɔ̈u, ku nyuuc piny në abuui yic.

Jona 3:7

Kɔc kedhie ëke tɛ̈ɛ̈u lupɔɔ ke cuɔl ë kekɔ̈ɔ̈th, ku ɣɔ̈k ayï thök ëke rɛ̈ɛ̈r ë wäriic ku lacken yiic ëke cïï kut cök.

Kuɛ̈n 14:3

Eeŋö leer ë Bɛ̈nydït wook ee pinyë? Wok bï lɔ nɔ̈k tɔŋ, ku diëërkuɔ, ayï mïthkuɔ abï keek peec. Cïï ŋuɛn pukku röt Rip?

Kuɛ̈n 14:31

Ku mïthkuön wään cak lueel an bï ke lɔ peec, kek abä lɔ tɔ yök piny wään rɛɛckï miɛt.

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Bäny 20:26

Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.

1 Tham 7:6

Agokï kenïïm lɔ kut Midhpa. Gokï pïïu gem, ku wɛ̈lkï keek piny ke ye miɔ̈c de Bɛ̈nydït, ku reeckï këcam ee köölë yic ëbɛ̈n. Gokï lueel an, “Wok cï awäc luöi Bɛ̈nydït.” (Go Thamwɛl agööth ke Yithriɛl guiir në Midhpa.)