Edhr 8:20 - JAM DE NHIALIC 2011

²⁰ ku lɔ bot kaarou ku thiërrou kɔ̈k ke kɔc ee luui në Luaŋdïtic, ɣɔn cïï Debid kekë bäny nu në yecök tääu bïk Lebai aa kuɔny në luɔi ku rinken kedhie acï ke gäär piny.

Edhr 8:20 ပူးပေါင်းရင်းမြစ်များ

1 Lëk 9:2

Kɔc ë kɔn röt puk ku lek ɣap ë pɛ̈ɛ̈nydïtkɛn thɛɛriic ee kɔc ke Yithriɛl, ku bäny ke kake Nhialic, ku Lebai, ku kɔc ee luui në Luaŋdïtic.

Edhr 2:43

Dhiën kɔ̈k ke kɔc ee luui Luaŋdït ë bɛ̈n ciëën ë pɛ̈cic: Dhia, ku Ɣathupa, ku Tabawoth, Keroth, ku Thiaɣa, ku Padon, Lebana, ku Ɣagaba, ku Akub, Ɣagap, ku Camlai, ku Ɣanan, Gidel, ku Gaɣaar, ku Riiya, Redhin, ku Nekoda, ku Gadham, Yudha, ku Pathia, ku Bethai, Athana, ku Munim, ku Nepothim, Bakbuk, ku Ɣakupa, ku Ɣarɣur, Batheluth, ku Meɣida, ku Ɣarca, Barkoth, ku Thithera, ku Tema, Nedhia, ku Ɣatipa,

Edhr 7:7

Kɔc kɔ̈k ke Yithriɛl ë cï bɛ̈n në yen aya Jeruthalem ɣɔn ee Melik Ateradath run dhorou në bäänyic, ee bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal de Luaŋdït tiit thok ayï kɔc ee luui në Luaŋdïtic.

Edhr 8:17

bïk lɔ tëde Yido, raan tɔ̈u ë kɔc nïïm në Kathipia. Ku acä ke yɔ̈ɔ̈k bïk lɔ guiëër Yido ke wɛ̈ɛ̈takɛ̈cken, wutic ë Kathipia, kɔc ɣɔn lui në Luaŋdïtic, an bïk kɔc yiɛ̈n wook, kɔc bï bɛ̈n luui ë Luaŋdïtic.

Edhr 8:19

ku acïk Ɣacabia kekë Jecaya de dhiën ë Merari, kekë mïthëkɔcken ku mïthken ayek thiërrou,

Kuɛ̈n 3:9

Gäm Lebai Aron kekë wɛ̈ɛ̈tke bïk keek aa luööi.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.