Edhr 8:15 - JAM DE NHIALIC 2011

¹⁵ Aguɔ ke määt nïïm ë lil lɔ wun cɔl Aɣaba nɔm, ku jɔku piɔ̈ɔ̈t ëtɛ̈ɛ̈n ë nïn kadiäk. Na wën aa la kɔc caathiic në yanyin ayï bäny ke kake Nhialic, acïn raan töŋ de dhiëën ke Lebai cä yök.

Edhr 8:15 ပူးပေါင်းရင်းမြစ်များ

Edhr 7:24

Ku week abäk ŋic apiɛth nɔn cïn wek yic bäk athölbɔ̈ aa kut tëde bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal tiit thok, ku kɔc ee luui në Luaŋdïtic ku nɔn ee kek kɔc kɔ̈k lui ɣön ë Nhialic.

Edhr 7:28

Ku gëm ɛn nhiëërdɛn agɔk, ku puk Melik piɔ̈u ke kɔckɛn ee käŋ kiëët ku bänykɛn ril. Ku yɛn, ciin ë Bɛ̈nydït Nhialicdï atɔ̈u në yaguöp, aguɔ yapiɔ̈u riit ku määt röördït ke dhiëën ke Yithriɛl nïïm bïk lɔ ë yɛn ëtök.”

Edhr 7:7

Kɔc kɔ̈k ke Yithriɛl ë cï bɛ̈n në yen aya Jeruthalem ɣɔn ee Melik Ateradath run dhorou në bäänyic, ee bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal de Luaŋdït tiit thok ayï kɔc ee luui në Luaŋdïtic.

Edhr 8:16

Guɔ kɔc cɔɔl yï Eliedher, ku Ariɛl, ku Cemaya, ku Elnathan, ku Jarip, ku Elnathan, ku Nathan, ku Dhekaria ku Meculam, röördït ke dhiëën nïïm, ku Joyarip kekë Elnathan kek aye kɔc ee nïïm tiëër,

Edhr 8:2

Gercom, raan ë dhiën ë Pineɣath, Danyel ë raan dhiën ë Yithamar, Ɣatuc, wën ë Cekania, raan dhiën ë Debid Dhekaria, raan dhiën ë Paroc, ku aa cath ke bɔt ku thiërdhïc 150, Eliɣonai wën ë Dheraɣia raan dhiën ë Paɣath Mowap aa cath ke bot kaarou 200 ke kɔc, Cekania wën ë Jaɣadhiel, raan dhiën de Dhatu, aa cath ke bot kadiäk 300 ke kɔc. Ebed wën ë Jɔnathan raan ë dhiën ë Adin, aa cath ke kɔc kathiërdhïc. Jecaya wën ë Athalia raan ë dhiën ë Eelam aa cath ke kɔc kathiërdhorou 20, Dhebadia wën ë Maikɔl raan ë dhiën ë Cepatia aa cath ke kɔc kathiërbɛ̈t 80, Obadaya wën ë Jeɣel raan ë dhiën ë Jowap aa cath ke raan bot kaarou ku thiëër ku bɛ̈t 218, Celomith wën ë Jothipia aa cath ke raan bɔt ku thiërdhetem 160, Dhekaria wën ë Bebai, raan ë dhiën ë Bebai aa cath ke kɔc kathiërrou ku bɛ̈t 28, Joɣanan wën ë Yakatan raan ë dhiën ë Adhagat aa cath ke raan bɔt ku thiëër 110, Elipelet ku Jowɛl ku Cemaya, kɔc dhiën ë Adonikam wään löök bɛ̈n ciëën, aake cath ke kɔc kathiërdhetem 60, Yuthai kekë Dhakur kɔc dhiën ë Bikbai ku aake cath ke kɔc kathiërdhorou 70.

Edhr 8:21

Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Edhr 8:31

Na ɣɔn ke wo lööny kueer në kööl ye pɛɛi tueŋ thok thiëër ku rou në kiir de Aɣaba nɔm ke wo lɔ Jeruthalem. Ku Nhialic aa tɔ̈u ke wook, ku gël wook në kɔc ke ater ee kɔc kaaŋ ku kɔc ee buuth ë kuɛɛriic.

Diɛt 137:1

Wok aake rɛ̈ɛ̈r në kiɛɛr ke Babilon yɔu, goku dhiau, wën cï wok Dhiɔn tak.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Edhekiɛl 3:15

Guɔ bɛ̈n Tel Abib në Kiir de Cebar yɔu, të wään rëër ë kɔc cï lɛɛr piny lei thïn, guɔ rëër ëtɛ̈ɛ̈n në nin kadhorou, ke ya cï nɔm mum në ka cä tiŋ ku ka cä piŋ.

Luɔi 16:13

Na wën, ëkööl ë Thabath, ke wo lɔ pänydït këc ë wɛ̈ɛ̈r yɔu të ye kɔc lɔ̈ŋ thïn, lokku ku nyucku piny, jamku në diëër cï guëër ëtɛ̈ɛ̈n.