Edhr 7:7 - JAM DE NHIALIC 2011

⁷ Kɔc kɔ̈k ke Yithriɛl ë cï bɛ̈n në yen aya Jeruthalem ɣɔn ee Melik Ateradath run dhorou në bäänyic, ee bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal de Luaŋdït tiit thok ayï kɔc ee luui në Luaŋdïtic.

Edhr 7:7 ပူးပေါင်းရင်းမြစ်များ

Edhr 6:14

Ku röördït ke Judai acïk bɛ̈n ŋoot ke ke yïk ku lɔ yïŋden tueŋ në luɔi cïï ye mat ke wëët ë duötëpiɔ̈u ë tït ke Nhialic yï Ɣagai kekë Dhekaria wën de Yido. Gokï ɣönden thöl ë yïk në löŋ cïï Nhialic de Yithriɛl kɔn lueel, ku lɔ lööŋ cï Meliik ke Perthia yï Thairuth, kekë Dariouth ke tääu piny ku jɔ löŋ de Ateradath lɔ̈ɔ̈k bɛ̈n.

Edhr 7:24

Ku week abäk ŋic apiɛth nɔn cïn wek yic bäk athölbɔ̈ aa kut tëde bäny ke kake Nhialic, ku Lebai, ku kɔc ee Nhialic pal në diɛt, ku kɔc ee kal tiit thok, ku kɔc ee luui në Luaŋdïtic ku nɔn ee kek kɔc kɔ̈k lui ɣön ë Nhialic.

Edhr 7:8

Na ɣɔn, ke Edhera jɔ ɣëët Jeruthalem në pɛɛi ë dhïc ɣɔn ye Melik run dhorou ë bäänyic.

Neɣe 1:1

Kënë aluel ka cïï Neɣemia wën de Ɣakalia ke looi. Ɣɔn në pɛɛi cɔl Kithlep (yen ee Akɔ̈nydït në thoŋda), në ruöön de thiërrou ye Ateradath Melik de Perthia, yɛn Neɣemia yɛn aa tɔ̈u ë Thutha tëde riɛl.

Neɣe 10:28

Wok kɔc ke Yithriɛl, bäny ke kake Nhialic ku kɔc ke Lebai, ku kɔc ee thook ke Luaŋdït tiit, ku kɔc ke diɛt në Luaŋdïtic, ku kɔc ke luɔi në Luaŋdïtic, ku kɔc kedhie kɔc ee lööŋ ke Nhialic riëëu, wok cï röt wɛ̈l bei në juööriic, juöör rɛ̈ɛ̈r pinyda, wook wodhie në diäärkuɔ, ku mïthkuɔ kedhie, wok cï dït, ka wok ee käŋ yökiic,

Neɣe 12:1

Kakë ee rin ke bäny ke kake Nhialic ku kɔc ke Lebai ɣɔn bɔ̈ ciëën në pɛ̈cic në Dherubabel, wën de Caltiɛl ku bïkkï në Jocua bɛ̈nydïït ë kake Nhialic, ku bäny ke kake Nhialic:

Neɣe 2:1

Na ɣɔn në kööl tök aacï pɛ̈i kaŋuan tëëk ke Melik Ateradath aa cäm, guɔ mɔ̈u lɛɛr tëde yen, ku yen akën a kɔn tïŋ ke ya dhiau piɔ̈u ë kööl tök.