Edhr 7:25 - JAM DE NHIALIC 2011

²⁵ “Ku yïn, Edhera, cït man tɔ̈u pɛlënɔm de Nhialicdu ke yïn, yïn bï bäny ee löŋ guiir kuany, ku bäny nu në kɔc nïïm kedhie, kɔc rɛ̈ɛ̈r ë wɛ̈ɛ̈r ë Yuparat lɔŋ tui, kɔc ŋic lööŋ ke Nhialic, ku kɔc kuc keek abä ke dhiɛl aa wɛ̈ɛ̈t.

Edhr 7:25 ပူးပေါင်းရင်းမြစ်များ

Cäk 41:38

Ku lëk ë melik kɔcke, an, “Acïn raan piɛɛth däŋ buk yök pei të cïn Jothep, raan de guöp wëi ke Nhialic.”

Cäk 41:39

Ku lëk ë melik Jothep an, “Nhialic ë yï nyuöth ee kakë kedhie. Ku kënë, anyooth nɔn yïn raan pel nɔm, ku ye raan ŋic käŋ awär raan ëbɛ̈n.

1 Mel 3:28

Go Yithriɛl ëbɛ̈n guiëër cïï melik Tholomon löŋ ŋiëc guiir piŋ, gokï melik jɔ riëëu, në tïŋ cïï kek e tïŋ nɔn ciɛthë pɛlënɔm ë Nhialic ke yen, ku bï löŋ aa guiir ë yic.

2 Mel 17:27

Go melik de Athiriya löŋ tääu piny an, “Tuɔɔckï bɛ̈ny töŋ de kake Nhialic wään buk bɛ̈ɛ̈i ke mac, takï puk e nɔm ciëën le rëër ëtɛ̈ɛ̈n, ke bï kɔc lɔ wɛ̈ɛ̈t në lööŋ ke yanh ee pinyë.

1 Lëk 22:12

Yïn bï Nhialic Bɛ̈nydïïtdu gäm ŋïny de käŋ ku pɛlënɔm, ago kɔc ke Yithriɛl wat cït man de löŋde.

1 Lëk 23:4

Go melik aguum kathiërrou ku ŋuan (24,000) de kɔc kuany bïk luɔi de yïŋ ë Luaŋdït muk, ku aguum kadhetem (6,000) de kɔc, bïk käŋ aa gɔ̈ɔ̈r ku yek lööŋ guiir.

Edhr 10:4

Riɛl atɔ̈u në yïciin, lɔ tueŋ në luɔidu, wok bï tɔ̈u në yïcök.”

Edhr 6:6

Ku ënɔɔnë: “Wek yï Tatenai bɛ̈ny de wuöt ke wɛ̈ɛ̈r ë Yuparat lɔŋ të lɔ aköl athɛ̈i, ku Cethar Bodhenai ku kɔc lui ë week. Meckï röt wei në kelɔ̈m,

Edhr 7:10

në biäk cïï Edhera lööŋ ke Bɛ̈nydït dhel ë yepiɔ̈u, ago keek aa cätiic ku döt keek, ku wëët kɔc ke Yithriɛl në lööŋ.

Edhr 7:14

Ku yɛn wokë kɔckiën ee käŋ kiëët kadhorou, yïn toocku bä kë loi rɔt ë Jeruthalem kekë Juda lɔ tïŋ, na ciɛthkï në lööŋ ke Nhialicduön ee kek tɔ̈u në yïciinë yic.

Neɣe 9:3

Në kë cït thɛɛr kadiäk ke löŋ de Bɛ̈nydït Nhialicden ë kuënë keek, ku thɛɛr kɔ̈k kadiäk ke ke gam awɛ̈ɛ̈cken ku läŋkï Bɛ̈nydït Nhialicden.

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Kɛ̈ŋ 2:6

Ee Bɛ̈nydït Yen ee pɛlënɔm gam, ku ŋïnydekäŋ ee bɛ̈n tëde Yen, ayï yöŋ de käŋiic.

Kɛ̈ŋ 6:23

Löŋ acït manyëalath, ku wëët acït ɣɛɛr riau, ku jiëëm ku nɛɛn ayek kueer de pïïr.

Malakai 2:7

Ku bäny ke kake Nhialic kek arɔ̈ŋ bïk kɔc aa wɛ̈ɛ̈t në yith ke Nhialic. Ku kɔc aröŋkï bïk lɔ piŋ në wëët de wël ke Nhialic tëde keek, në luɔi ye kek tuny de Bɛ̈nydït de rɛm.

Math 13:52

Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Mak 6:34

Na wën, aacï Yecu bɛ̈n bei ë abëlic, ke tïŋ kut dïït ë kɔc, go piɔ̈u kok ke keek, nɔn tɔ̈u kek cït man ë thök cïn nïïm raan ee ke tiit. Go ke jɔ wɛ̈ɛ̈t ë kajuëc.

Nyöŋ 16:18

“Kuanykï bäny ee löŋ guiir ku bäny kɔ̈k ë dhiëënkun yiic, në wuötiic kedhie, wuöt cïï Bɛ̈nydït Nhialinydun ke gäm week. Kɔckë abïk löŋ ë kɔc aa guiir ke cïn tëŋ de yic.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.