Edhr 7:21 - JAM DE NHIALIC 2011

²¹ “Ku ënɔɔnë ee yɛn Melik Ateradath, yɛn cï löŋ tääu piny në biäk de kɔc ee wëu muk kedhie kɔc tɔ̈u në wuöt ke wɛ̈ɛ̈r ë Yuparat lɔŋ tui, bïk këriëëc kɔɔr ë Edhera bɛ̈ny de kake Nhialic ku ye raan cï wëët ë lööŋ ke Nhialic de paannhial, abï dhil luöi yen apiɛth,

Edhr 7:21 ပူးပေါင်းရင်းမြစ်များ

Edhr 4:16

Acuk tɔ ŋic Melik, an, të le pänydïïtë bɛ nyɔk ë yïk ku thök kɛ̈l, ke yïn cïï nɔm bï bɛ dɛk piny tɔ̈u në wɛ̈ɛ̈r ë Yuparat lɔŋ tui.”

Edhr 4:20

Ku Jeruthalem aa mɛc Meliik ril, kɔc ɣɔn mac piny tɔ̈u ë wɛ̈ɛ̈r ë Yuparat lɔŋ tui, ku yek athölbö kut ëbɛ̈n.

Edhr 6:6

Ku ënɔɔnë: “Wek yï Tatenai bɛ̈ny de wuöt ke wɛ̈ɛ̈r ë Yuparat lɔŋ të lɔ aköl athɛ̈i, ku Cethar Bodhenai ku kɔc lui ë week. Meckï röt wei në kelɔ̈m,

Edhr 7:1

Na ɣɔn ee kakë cök, ɣɔn tɔ̈u Ateradath ke ye Melik de Perthia, ku ye Edhera wën ë Theraya, ku Theraya ee wën ë Adharia, ku Adharia ee wën ë Ɣilikia,

Edhr 7:22

ku miɔ̈c abï ya ɣet në aguum kadiäk ku bot kaŋuan 3,400 ke ateek, ku aguum kathiëër 10,000 de kilɔɔ ke agamɔ cï ɣep, ku aguum kaŋuan 4,000 de rothol ke mɔ̈u, ku aguum kaŋuan 4,000 de rothol ke miök, ku alɔ pëk de amilɔ kɔɔr bï gam.

Edhr 7:6

Yen Edhera aa bɔ̈ në Babilon. Ku ye raan cï wëët në lööŋ ke Mothe, wään cïï Bɛ̈nydït, Nhialic de Yithriɛl gam. Go Melik gäm këriëëcdɛn cï thiëëc ëbɛ̈n ë biäk ë tɔ̈u athiɛɛi de Bɛ̈nydït Nhialicde ke yen.

Edhr 8:36

Keek ayadäŋ acïk lööŋ cïï Melik tääu piny bɛ̈n gäm bäny mac wuöt ku bäny lɔ në kecök tɔ̈u ë wɛ̈ɛ̈r ë Yuparat lɔŋ tui, yen acïï kek kɔc bɛ̈n gäm kuɔny ku lɔ kake yïŋ ë ɣön ë Nhialic.

Neɣe 2:7

Ku acä lɛ̈k en aya na bï miɛt ë yepiɔ̈u ke duëër awereek gäär bäny mac piny de wɛ̈ɛ̈r ë Yuparat të lɔ aköl athɛ̈i, bïï ke jääm ke ke bï yɛn päl tëëk, agut të bï yɛn ɣet apiɛth piny de Juda,

Diɛt 119:4

Bɛ̈nydït, Yïn cï wook gäm lööŋku ku acï lɛ̈k wook buk keek riëëu në piɔ̈ɔ̈thkuɔ ëbɛ̈n,

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.