Edhr 7:16 - JAM DE NHIALIC 2011

¹⁶ Ku lɔ atek ku adhɛ̈p wën bä yök piny de Babilonia në wuötke yiic ëbɛ̈n, ku lɔ miɔ̈c ye gam në dhuëëŋ bï kɔc ku bäny ke kake Nhialic gam në biäk de ɣön ë Nhialicdɛn nu në Jeruthalem.

Edhr 7:16 ပူးပေါင်းရင်းမြစ်များ

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

1 Lëk 29:6

Go bäny ke dhiën, ku bäny ke luɔi de ciɛɛŋ, ku bäny ke rem de tɔŋ, ayï bäny ë kake luɔi de melik looi, acïk röt jɔt bïk käŋ gam

1 Lëk 29:9

Kɔc acïk kaken bɛ̈n gäm Bɛ̈nydït ë piɔ̈n mit ëbɛ̈n, ku mitkï piɔ̈ɔ̈th arëët ë kajuëc cïk keek gam. Melik Debid aya acï piɔ̈u bɛ̈n miɛt arëët.

2 Lëk 31:14

Ku raan de Lebai cɔl Kore wën de Yimena bɛ̈ny de kɔc ee kal Thoŋ de Luaŋdït të lɔ aköl amiäk tiit, ee yen ee bɛ̈ny de miɔ̈c ɣeric aläl ye gäm Bɛ̈nydït dɔm, ku tek keek.

2 Lëk 6:2

Ënɔɔnë Yïn cä yiɛ̈k Luaŋdïït piɛth, të bïï yïn ceŋ thïn aɣet athɛɛr.”

2 Lëk 6:5

‘Gɔl të wään bɛ̈ɛ̈i Yɛn kɔckï bei ë Rip agut cï ënɔɔnë, acïn pänydïït töŋ cä lɔc piny de Yithriɛl, ke ee të bïï Luaŋdït yïk thïn bï ë Yɛn aa lam, ku acïn raan töŋ cä lɔc bïï dhiëën ke Yithriɛl wat.

2 Lëk 6:6

Ku ënɔɔnë Yɛn cï Jeruthalem lɔc ke ee të bïï ë Yɛn aa lam thïn, ku lac Debid, bïï kɔckï wat.”’

Edhr 1:4

Ku raan cï döŋ ke pïïr ëbɛ̈n ë wuöt rëër kek thïn, ŋɛk abï kɔc jël ë yelɔ̈ɔ̈m aa kuɔny në atek, ku adhɛ̈p, ku ka kɔ̈k, ku läi ee käŋ ɣääc, ku miɔ̈c de dhuëëŋ, bï lɛɛr ɣön ë Nhialic në Jeruthalem.”

Edhr 1:6

Go kɔc wën rɛ̈ɛ̈r ë keek ke kuɔny në aduuk ë loi atek, ku adhɛ̈p, ku ka kɔ̈k, ku läi ee käŋ ɣääc, ku lɔ miɔ̈c tuc ë ɣööcde, ayï miɔ̈c ëbɛ̈n ye gam në dhuëëŋ.

Diɛt 135:21

Yak Bɛ̈nydït thieei në Dhiɔn, paande në Jeruthalem. Lɛckï Bɛ̈nydït!

2 Kor 8:12

Ku na nu gäm ë raan piɔ̈u, ka bï tɔ ye piathde, në këde kë nu ë yecin, ku acie në këde kë liu ë yecin.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.