Edhr 7:13 - JAM DE NHIALIC 2011

¹³ “Kë luɛɛl kï: yɛn cï löŋ tääu piny në biäk de kɔc ke Yithriɛl, ku tɔ̈u bänykɛn ke kake Nhialic thïn, ku Lebai, tɔ̈u në ee piny macë yic, të de yen kɔc kɔɔr lɔ Jeruthalem ka bïk cath në yïn.

Edhr 7:13 ပူးပေါင်းရင်းမြစ်များ

2 Lëk 30:5

gokï kɔc ke Yithriɛl cɔɔl kedhie, gɔl ë Dan të lɔ rut, leer Biirceba të lɔ wöuwic, bïk kɔc bɛ̈n Jeruthalem kedhie, bïk dhuëëŋ de winythok bɛ̈n looi ëtɛ̈ɛ̈n cït man tɔ̈u en ë löŋic, ago kɔc kenyïïn ŋuak awär kɔc ɣɔn tueŋ.

Edhr 1:3

Raan ëbɛ̈n në weyiic, raan ee rɔt tɔ ye raan ë kɔcke, Nhialicde abï tɔ̈u ke yen, ku aduëër lɔ Jeruthalem paan ë Juda, ku bïï ɣön de Bɛ̈nydït, Nhialic de Yithriɛl lɔ yïk, Nhialic ee Yen ye lɔ̈ŋ në Jeruthalem.

Edhr 5:13

Cakaa ɣɔn cïï kënë rɔt looi, ke Thairuth në ruöön tueŋ yen Melik de Babilon acï löŋ bɛ̈n tääu piny bïï ɣön ë Nhialic nyɔk ë yïk.

Edhr 6:1

Na wën ke Dariouth tɛ̈ɛ̈u löŋ piny, bïï awereek thɛɛr kɔɔriic ɣön ë bääny ye käŋ tääu thïn në Babilon.

Ethta 3:15

Kë cïï Melik lueel, ë löŋic ëbɛ̈n, acï kuɛ̈n kɔc nu tëde riɛl ë Thutha, ku dap kakë lɛɛr ë wuöt yiic. Melik ku Ɣaman aake cï nyuc piny, ku jɔkï dek, ku nu pänydïït Thutha ë anuɔɔn yic, në kë de ee löŋë.

Ethta 9:14

Kënë, acïï Melik bɛ̈n tääu piny ke ye löŋ bï looi në Thutha. Ku nök wɛ̈ɛ̈t ke Ɣaman kathiëër.

Diɛt 110:3

Kööl le yïn thɔ̈ɔ̈r we kɔc ke aterdu, kɔcku abïk mɛt tɔŋ. Cït man ë thäny ee bɛ̈n miäk rial, dhuökku abïk bɛ̈n tëde yïn ë kuurduön ɣeric nɔm.

Diɛt 148:6

Në jamde acïk röt tääu tëden aɣet athɛɛr, ku acïkï duëër rɛɛc thok.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Pilipoi 2:13

ee Nhialic yen ee Raan ee luui ë weyiic bäk käŋ aa kɔɔr ku yak ke looi ayadäŋ, ka cït ka nu ë yepiɔ̈u.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.