Edhr 6:5 - JAM DE NHIALIC 2011

⁵ Ayadäŋ aduuk ke adhɛ̈p, ku atek ë tɔ̈u në ɣön ë Nhialicic, ka wään cïï Nebukadnedhar keek jɔt ë Luaŋdïtic në Jeruthalem ku leer keek Babilon, abï ke pɔ̈k nïïm ciëën Jeruthalem, ku abï ke lɔ tääu ë ɣön ë Nhialicic tëden.”

Edhr 6:5 ပူးပေါင်းရင်းမြစ်များ

2 Mel 24:13

ku jɔt wëu ke Luaŋdït ku kake ɣön ë melik ëbɛ̈n, leer ke Babilon. Cït man cïï Bɛ̈nydït ye kɔn lueel, go Nebukadnedhar wëu cï loi në adhääp dhuööŋ ëbɛ̈n, ka ɣɔn bïï Melik Tholomon ke looi në baŋ de luɔi ë Luaŋdïtic.

2 Lëk 36:10

Na ɣɔn yaak, go melik Nebukadnedhar Jekonia jɔt ke mac, ku leer Babilon, ku jɔt wëu juëc ke Luaŋdït kedhie. Na wën ke Nebukadnedhar ë tɛ̈ɛ̈u nëërë Jekonia cɔl Dhedekia ke ye melik de Juda ku Jeruthalem.

2 Lëk 36:18

Go melik de Babilonia ka tɔ̈u në ɣön ë Nhialicic peec kedhie, ku peec wëu tɔ̈u në ɣön ë Bɛ̈nydïtic, ku wëu juëc ke melik, ku wëu ke bänyke, ku jɔt këriëëc ëbɛ̈n leer Babilon.

Edhr 5:14

Acï aduuk cï ke looi në adhääp ku ateek ke ɣön ë Nhialic tɔ jɔt luaŋ de Babilon yic ayadäŋ, ka wään cïï Nebukadnedhar ke jɔt Luaŋdït ë Jeruthalem ku leer ke luaŋ de yiëthke ë Babilon. Go Melik Thairuth aduukë tääu në raan cɔl Cethabadhar cin, raan cï kuany ke ye bɛ̈ny de wut.

Jeremia 27:16

Aguɔ jɔ lɛ̈k bäny ke kake Nhialic ku kɔckë kedhie an acïï Bɛ̈nydït lueel an, “Duökï jam de tït ee piŋ tït ee ye lueel an wëu ke Luaŋdït abïï keek dhuöny nïïm ciëën ee nïnkë yiic ë Babilonia. Atörkï we lueth.

Jeremia 52:19

Acïk käŋ kedhie jɔt, ka cï looi në adhääp ku ateek: guöl kor, ku thɛ̈k ye many dɛ̈p muk, ku guöl ye riɛm geeny të nɔ̈k ë miɔ̈c, ku ka ye ë ŋeth muk, ku kuc ke mɛ̈ckealath, ku guöl ke wal ŋïr, ku guöl ye mɔ̈u pɔɔr wei.

Danyel 1:2

Go Bɛ̈nydït Nebukadnedhar tɔ pec Jeɣoyakim, ku jɔt wëu kɔ̈k ke ɣön ë Nhialic. Ku jɔt ka kɔ̈k cï peec leer keek paande tɛ̈ɛ̈u ke ë luaŋ yaathde yic.

Danyel 5:2

Ku të wën dëk kek ë mɔ̈u, go Belcadhar kɔc yöök, bïk cuöp ku aduuk kë adhääp ku ateek bɛ̈ɛ̈i, ka wään cïï ë wun Nebukadnedhar ke nööm Luaŋdït në Jeruthalem. Aake le melik keek tɔ bïïyë, ago bɛ̈n dek ë keek, yen ku adhuëëŋke ku diëërke, ku diëër määthke.