Edhr 6:15 - JAM DE NHIALIC 2011

¹⁵ Ku në kööl ye pɛɛi de Adar thok diäk (yen aye Aköldït në thoŋda), në ruöön ye Melik Dariouth run dhetem në bäänyic, yen aa jɔ ɣöt thök në yïk.

Edhr 6:15 ပူးပေါင်းရင်းမြစ်များ

1 Mel 8:63

ku gëm Tholomon ka cï näk Bɛ̈nydït ke ke ye miɔ̈c de mät, ka cït agum thiërrou ku rou 22,000 de ɣɔ̈k, ku agum bɔt ku thiërrou 120,000 ke amɛ̈l. Go melik kekë kɔc ke Yithriɛl kedhie Luaŋdït jɔ gäm Bɛ̈nydït.

Edhr 4:24

Luɔi de yïŋ de ɣön ë Nhialic ye lɔ̈ŋ në Jeruthalem acï bɛ̈n kɔ̈ɔ̈c, aɣët ruöön ë rou në bääny de Dariouth, melik de Perthia.

Edhr 5:16

Go raan cɔl Cethabadhar lɔ ku keer ɣön ë Nhialic ee Yen ë ye lɔ̈ŋ në Jeruthalem. Ku në aa köölkë agut cï ënɔɔnë aŋoot ke yïk ku akën thök.’

Edhr 9:9

Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Ethta 3:13

Ku jɔ ke gäm tuuc, bïk awereekë tɛk ë wuötiic kedhie. Ku awereekë ayöökkï bäny ë wuötiic an, kööl töŋ de nïn thiëër ku diäk de pɛɛi Adar, kɔc ke Judai kedhie, raandït, ku meth, ayïï diäär ëbɛ̈n ë ke näk keek kedhie. Ë ke tem ë ke röt, ke cïn raan kok piɔ̈u ke keek, ku kaken ë ke rum.

Ethta 3:7

Na wën, aacï Melik Athuwereth run thiëër ku rou ë bäänyic, ë pɛɛi tueŋ cɔl Nithan (yen aye Bildït në thoŋda), ke Ɣaman ë yöök kɔc bïk gɛk dɛɛny ku ayek gɛk cɔɔl an Pur, ke ke bï kööl bï kek kiɛɛrdɛn cïk mat looi thïn ŋic. Go gɛk pɛɛi ë thiëër ku rou lɔc, pɛɛi cɔl Adar (yen aye Aköldït në thoŋda).

Ethta 8:12

në wuöt ke Melik Athuwereth yiic kedhie, në kööl tökic kööl ye pɛɛi ë thiëër ku rou de Adar thok thiëër ku diäk.

Ethta 9:1

Në ye köölë yic, kööl de pɛɛi cɔl Adar ye pɛ̈i thiëër ku rou, ɣɔn yen thok thiëër ku diäk, yen ëköölë yen abï löŋ cï Melik tääu piny jɔ luɔɔi. Në ee kööl manë guöp, kɔc ke ater ŋäth luɔi bï kek kɔc ke Judai tiaam, ke be rɔt puk ke ye kɔc ke Judai kek be kɔc ke aterden tiaam.

Ethta 9:15

Në kööl ye pɛɛi thok thiëër ku ŋuan, pɛɛi cɔl Adar, go kɔc ke Judai kenïïm nyɔk ë mät ë Thutha, ku temkï bot kadiäk ke kɔc röt, ku akënkï kecin bɛ̈n tääu në yäkic.

Ethta 9:17

Kënë aa loi rɔt ke pɛɛi cɔl Adar ë ye thok thiëër ku diäk. Na ɣɔn aacï pɛɛi thok thiëër ku ŋuan, ke ke jɔ lɔ̈ŋ ku nömkï ke ye kööldɛn de miɛtëpiɔ̈u, looi kek dhuëëŋ thïn.

Ethta 9:19

Yen ee kënë, yen aye kɔc ke Judai tɔ̈u ë bɛ̈i yiic ku wuötiic lɔ̈ŋ ë ruöön thok ëbɛ̈n, të cï pɛɛi de Adar thok thiëër ku ŋuan, ayek nööm ke ye kööl de miɛtëpiɔ̈u ku dhuëëŋ, ye kek biɔl de miɛtëpiɔ̈u näk röt.

Ethta 9:21

yöök keek bïk nïn ke pɛɛi de Adar ke ye thok thiëër ku ŋuan ku thiëër ku dhïc nööm ke ye akööl ke lɔ̈ŋ bï kek dhuëëŋ de miɛtëpiɔ̈u aa looi thïn, në ruöön thok ëbɛ̈n.

Dhek 1:1

Jam de Bɛ̈nydït kï, jam ɣɔn bɔ̈ tëde tiët Dhekaria wën ë Berekia, Berekia wën ë Yido, në pɛɛi ye pɛ̈i bɛ̈t, në ruöön, ye run ke Dariouth rou në bääny yic. Ku kë ë lueel ë Bɛ̈nydït kï an,

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Dhek 4:9

“Dherubabel yen aa gɔl këërkëër de Luaŋdït në yïk, ku ee yen abï ye thöl aya. Yen abä wek ye jɔ ŋic ëgɔk nɔn cï Bɛ̈nydït de rɛm ya tuöc week.