Edhr 6:14 - JAM DE NHIALIC 2011

¹⁴ Ku röördït ke Judai acïk bɛ̈n ŋoot ke ke yïk ku lɔ yïŋden tueŋ në luɔi cïï ye mat ke wëët ë duötëpiɔ̈u ë tït ke Nhialic yï Ɣagai kekë Dhekaria wën de Yido. Gokï ɣönden thöl ë yïk në löŋ cïï Nhialic de Yithriɛl kɔn lueel, ku lɔ lööŋ cï Meliik ke Perthia yï Thairuth, kekë Dariouth ke tääu piny ku jɔ löŋ de Ateradath lɔ̈ɔ̈k bɛ̈n.

Edhr 6:14 ပူးပေါင်းရင်းမြစ်များ

Edhr 3:8

Na ɣɔn aa cïk run aa rou në pɛɛi ë rouwic, në bɛ̈nden ɣön ë Nhialic në Jeruthalem, go Dherubabel wën de Caltiɛl, kekë Jecua wën ë Jeɣodhadak, acïk luɔi ë yïk bɛ̈n gɔl në mïthëkɔcken kɔ̈kë ëtök, bäny ke kake Nhialic, ku Lebai ku kɔc kedhie, kɔc ë bɔ̈ Jeruthalem ë pɛ̈cic. Jɔkï Lebai kuany gɔl në raan ee run thiërrou leer nhial, bïï luɔi ë Luaŋdït tääu në kecin.

Edhr 4:24

Luɔi de yïŋ de ɣön ë Nhialic ye lɔ̈ŋ në Jeruthalem acï bɛ̈n kɔ̈ɔ̈c, aɣët ruöön ë rou në bääny de Dariouth, melik de Perthia.

Edhr 4:3

Go Dherubabel kekë Jecua ku röördït tɔ̈u ë dhiëën ke Yithriɛl nïïm pɔ̈k nɔm keek an, “Wek cïn nïïm kë luɔikï në wook në yïŋ yïk wok ɣön de Nhialicda, abuk yiɛ̈k Bɛ̈nydït, Nhialic de Yithriɛl wapäc, cït man cïï Thairuth Melik de Perthia wook yɔ̈ɔ̈k.”

Edhr 5:1

Ku yen aa cïï tït ke Nhialic yï Ɣagai kekë Dhekaria wën de Yido, kë cïï Nhialic nyuöth keek lɛ̈k Judai tɔ̈u ë Jeruthalem ku Juda yic ëbɛ̈n në rin ke Nhialic de Yithriɛl.

Edhr 5:13

Cakaa ɣɔn cïï kënë rɔt looi, ke Thairuth në ruöön tueŋ yen Melik de Babilon acï löŋ bɛ̈n tääu piny bïï ɣön ë Nhialic nyɔk ë yïk.

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Edhr 6:3

“Na ɣɔn ë ruöön tueŋ cïï Thairuth Melik de Perthia aa Melik de Babilon ke tɛ̈ɛ̈u löŋ piny, bïï ɣön ë Nhialic de Jeruthalem nyɔk ë yïk, të bïï miɔ̈c ye nyop ëbɛ̈n aa gam, ku tɛ̈ɛ̈uwë këërkëërde piny, ye bɛ̈ɛ̈rde ke lɔ nhial mitïïr ka thiërrou ku dhorou ku ye dït de yeyic mitïïr kathiërrou ku dhorou ya.

Edhr 6:8

Ayadäŋ yɛn cï löŋ tääu piny në biäk de kë bäk luöi röördït ke Judai në yïŋ bï kek ɣön ë Nhialic yïk: Wëu ke bääny ye ke kut athölbö de piny ë wɛ̈ɛ̈r ë Yuparat lɔŋ të lɔ aköl athɛ̈i, abïï kek kë kɔɔr rɔt dap aa nööm thïn ke cïn agääu, ke luɔi cïï bï kɔ̈ɔ̈c.

Edhr 7:1

Na ɣɔn ee kakë cök, ɣɔn tɔ̈u Ateradath ke ye Melik de Perthia, ku ye Edhera wën ë Theraya, ku Theraya ee wën ë Adharia, ku Adharia ee wën ë Ɣilikia,

Edhr 9:9

Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Neɣe 6:15

Na ɣɔn aa lɔ nïn kathiërdhïc ku rou thook thök ke luɔi de kal ëbɛ̈n ë jɔ guɔ thök aya, në kööl ye pɛɛi de Eelul thok thiërrou ku dhïc.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 1:8

Ku ënɔɔnë, lakï ë kur nïïm, lak bɛ̈ɛ̈ikï tiim, bä wek Luaŋdït bɛ̈n nyɔk në yïk. Ke Ya bï piɔ̈u miɛt, ku be ë Yɛn aa lam cït mandï.

Dhek 1:1

Jam de Bɛ̈nydït kï, jam ɣɔn bɔ̈ tëde tiët Dhekaria wën ë Berekia, Berekia wën ë Yido, në pɛɛi ye pɛ̈i bɛ̈t, në ruöön, ye run ke Dariouth rou në bääny yic. Ku kë ë lueel ë Bɛ̈nydït kï an,

Dhek 1:16

Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

Dhek 4:9

“Dherubabel yen aa gɔl këërkëër de Luaŋdït në yïk, ku ee yen abï ye thöl aya. Yen abä wek ye jɔ ŋic ëgɔk nɔn cï Bɛ̈nydït de rɛm ya tuöc week.

Dhek 8:9

Kë cï Bɛ̈nydït de rɛm lueel kï an, “Riɛtkï wepiɔ̈ɔ̈th, wek kɔc piŋ ee jamë në tït thook ee aköölkë, gɔl në kööl ɣɔn tɛ̈ɛ̈uwë ë këërkëër de Luaŋdït de Bɛ̈nydït de rɛm piny, në luɔi bïï ë Luaŋdït yïk.