Edhr 5:16 - JAM DE NHIALIC 2011

¹⁶ Go raan cɔl Cethabadhar lɔ ku keer ɣön ë Nhialic ee Yen ë ye lɔ̈ŋ në Jeruthalem. Ku në aa köölkë agut cï ënɔɔnë aŋoot ke yïk ku akën thök.’

Edhr 5:16 ပူးပေါင်းရင်းမြစ်များ

Edhr 3:10

Na wën aacï kɔc yïk këërkëër de Luaŋdït tääu piny, go bäny ke kake Nhialic bɛ̈n tueŋ ke ke cieŋ lupɔɔken ku mukkï kɛŋ, ku bɔ̈ Lebai dhiën de Athap ke ke muk apajiiken, në luɔi bï kek Bɛ̈nydït leec, cït man cï Debid, melik de Yithriɛl ye lueel.

Edhr 3:8

Na ɣɔn aa cïk run aa rou në pɛɛi ë rouwic, në bɛ̈nden ɣön ë Nhialic në Jeruthalem, go Dherubabel wën de Caltiɛl, kekë Jecua wën ë Jeɣodhadak, acïk luɔi ë yïk bɛ̈n gɔl në mïthëkɔcken kɔ̈kë ëtök, bäny ke kake Nhialic, ku Lebai ku kɔc kedhie, kɔc ë bɔ̈ Jeruthalem ë pɛ̈cic. Jɔkï Lebai kuany gɔl në raan ee run thiërrou leer nhial, bïï luɔi ë Luaŋdït tääu në kecin.

Edhr 5:14

Acï aduuk cï ke looi në adhääp ku ateek ke ɣön ë Nhialic tɔ jɔt luaŋ de Babilon yic ayadäŋ, ka wään cïï Nebukadnedhar ke jɔt Luaŋdït ë Jeruthalem ku leer ke luaŋ de yiëthke ë Babilon. Go Melik Thairuth aduukë tääu në raan cɔl Cethabadhar cin, raan cï kuany ke ye bɛ̈ny de wut.

Edhr 5:15

Ago ë Melik ye yɔ̈ɔ̈k bïï aduuk nööm ku leer ke Jeruthalem ku bïï ɣön ë Nhialic yïk tëdɛn thɛɛr, ku tɛ̈ɛ̈ukï ke thïn.

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Edhr 6:15

Ku në kööl ye pɛɛi de Adar thok diäk (yen aye Aköldït në thoŋda), në ruöön ye Melik Dariouth run dhetem në bäänyic, yen aa jɔ ɣöt thök në yïk.

Ɣagai 2:18

Ku ee köölë, ee kööl ye pɛ̈i de dhoŋuan thok thiërrou ku ŋuan, kööl ë thök ë këërkëër de Luaŋdït në kiir piny. Ënɔɔnë, jakï tïŋ kë bï rɔt looi, gɔl ënɔɔnë le tueŋ.

Dhek 4:10

Ku raan biɔn caak ciɛk ë käŋ röt ë määth, abï piɔ̈u miɛt wadäŋ, të le yen wïn ë thëm tïŋ në Dherubabel ciin.

Dhek 4:9

“Dherubabel yen aa gɔl këërkëër de Luaŋdït në yïk, ku ee yen abï ye thöl aya. Yen abä wek ye jɔ ŋic ëgɔk nɔn cï Bɛ̈nydït de rɛm ya tuöc week.

Jɔn 2:20

Go Judai lueel an, “Luaŋ de Nhialicë aa leer run kathiërŋuan ku dhetem ke yïk, ku bä bɛ tɔ kääc ë nïn kadiäk!”