Edhr 4:3 - JAM DE NHIALIC 2011

³ Go Dherubabel kekë Jecua ku röördït tɔ̈u ë dhiëën ke Yithriɛl nïïm pɔ̈k nɔm keek an, “Wek cïn nïïm kë luɔikï në wook në yïŋ yïk wok ɣön de Nhialicda, abuk yiɛ̈k Bɛ̈nydït, Nhialic de Yithriɛl wapäc, cït man cïï Thairuth Melik de Perthia wook yɔ̈ɔ̈k.”

Edhr 4:3 ပူးပေါင်းရင်းမြစ်များ

2 Lëk 36:22

Na ɣɔn ë ruöön tueŋ ye Thairuth melik de Perthia, go jam de Bɛ̈nydït ɣɔn cï Jeremia lueel aa yic. Go Bɛ̈nydït Thairuth melik de Perthia jɔt piɔ̈u, bï jam lɛ̈k kɔc, ku gɛ̈ɛ̈r ë awerekic, bï lɔ kuën kɔc ke pinyde kedhie:

Edhr 1:1

Na ɣɔn ë ruöön tueŋ cïï Thairuth Melik de Perthia aa Melik de Babilon, go Bɛ̈nydït Melik Thairuth gut piɔ̈u, në biäk bïï jam aa yic, jam wään cïï Bɛ̈nydït lueel në röl ë tiët Jeremia an bïk bɛ̈n ciëën. Ago Thairuth tɔ gɛ̈ɛ̈r këdäŋ piny, ku tɔ kë cï gɔ̈ɔ̈r ciɛɛlë ë wuötke yiic kedhie, ku kën ë gɛ̈ɛ̈r kï:

Edhr 1:2

“Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Edhr 1:3

Raan ëbɛ̈n në weyiic, raan ee rɔt tɔ ye raan ë kɔcke, Nhialicde abï tɔ̈u ke yen, ku aduëër lɔ Jeruthalem paan ë Juda, ku bïï ɣön de Bɛ̈nydït, Nhialic de Yithriɛl lɔ yïk, Nhialic ee Yen ye lɔ̈ŋ në Jeruthalem.

Edhr 3:8

Na ɣɔn aa cïk run aa rou në pɛɛi ë rouwic, në bɛ̈nden ɣön ë Nhialic në Jeruthalem, go Dherubabel wën de Caltiɛl, kekë Jecua wën ë Jeɣodhadak, acïk luɔi ë yïk bɛ̈n gɔl në mïthëkɔcken kɔ̈kë ëtök, bäny ke kake Nhialic, ku Lebai ku kɔc kedhie, kɔc ë bɔ̈ Jeruthalem ë pɛ̈cic. Jɔkï Lebai kuany gɔl në raan ee run thiërrou leer nhial, bïï luɔi ë Luaŋdït tääu në kecin.

Neɣe 2:20

Guɔ bɛ̈ɛ̈r an, “Nhialic de paannhial Yen abï wo gäm tiëm, wok ee lïïmke, ka wok bï yïk lɔ gɔl. Ku wek cïn nïïm yic në kake Jeruthalemiic, ku cïn kë bäk rɔm në kake ciɛɛŋde yic.”

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Yith 45:4

Yïn aa kuany ke yï bï awundï Yithriɛl kony, kɔckiën cä ke lɔc. Yïn cä gäm dhuëëŋdït, cakaa nɔn kuc yïn ɛn.

Math 10:16

Tiëŋkï, wek tuɔɔc abäk ciët man ë amɛ̈l cï lɔ ë aŋuööth yiic, yen aa wek pɛl cït man ë karɛc, ku yak gup ciën akɔ̈ɔ̈k cït man ë guk.

Jɔn 4:9

Go tiiŋ ë Thamaria puk nɔm an, “Ee käŋö ke lip yïn ɛn ë pïïu, ku ye Judai, ku ya tiiŋ ë Thamaria?” (Judai kekë kɔc ke Thamaria acïkï raan.)

Luɔi 8:21

Jamë yïn liu thïn ëliŋliŋ: piɔ̈ndu acïï piɛth ë Nhialic nyin.