Edhr 3:6 - JAM DE NHIALIC 2011

⁶ Gɔl në kööl tueŋ ye pɛ̈i dhorou, acïk miɔ̈c ye nyop ëbɛ̈n gɔl në gɛm gëm kek e Bɛ̈nydït, cakaa wään ŋoot ë këërkëër de Luaŋdït ke kënë guɔ tääu piny.

Edhr 3:6 ပူးပေါင်းရင်းမြစ်များ

Edhr 3:5

Ku ëtɛ̈ɛ̈n, acïk miɔ̈c ye nyop ëbɛ̈n bɛ̈n aa gam aköölnyïïn, ku miɔ̈c de pɛɛi ë piɛc wil, ku lɔ miɔ̈c ke akööl ke dhuëëŋ cïï Bɛ̈nydït ke lueel ëbɛ̈n, ku jɔ ya miɔ̈c de raan ëbɛ̈n raan ee miɔ̈c de miɛtëpiɔ̈u gäm Bɛ̈nydït.

Edhr 3:7

Na wën ke kɔc ë ke gëm wëu kɔc ee kur guaŋ kekë kɔc ee tiim guaŋ, ku gëmkï kɔc ke wun cɔl Thidon ku Tayer kacaam ku kadek ayï miök, agokï tiim ke thidar bɛ̈ɛ̈i në Lebanɔn në kueer wïïr agut cï Jopa, cït man cïï ye päl keek në Thairuth Melik de Perthia.

Lebai 23:24

“lɛ̈kë kɔc ke Yithriɛl an, ‘Në kööl tueŋ de pɛɛi ë dhorou, wek bï nïïm dhiɛl dɛ kööl de lɔ̈ŋ ɣeric. Kɔc abïk dhil guëër të töŋ de lɔ̈ŋ, ku jɔ gɔl thar ë kɛŋ bï keek kooth.

Lebai 23:25

Duökï lɔ në luɔɔi yic, ku gamkï miɔ̈c ee looi në mac Bɛ̈nydït.

Kuɛ̈n 29:1

Në kööl tueŋ në ruöön ee kek dhorou wek bï we nïïm mat në lɔ̈ŋ ɣeric yic, ku acïn luɔi bï nu në ee köölë. Kɛŋ abïï ke kooth.

Kuɛ̈n 29:2

Ku miɔ̈c ye nyop ëbɛ̈n, miɔ̈c ye awäude Bɛ̈nydït miëët piɔ̈u abï gäm En ke ye: miɔɔr atiëëk tök, ku nyɔɔŋ amääl dïït tök, ku nyök amɛ̈l kor ee ruöön tök kadhorou ke ke cïn gup tëdak.