Edhr 3:11 - JAM DE NHIALIC 2011

¹¹ Gokï ket në diɛt piɔɔny kek Bɛ̈nydït ku jɔkï pal ke ke wëër diɛt në kët, an: “Bɛ̈nydït apiɛth, ku nhiëërdɛn agɔk atɔ̈u athɛɛr ke Yithriɛl.” Go kɔc kedhie kiɛɛu moc ë röldït wën piɔɔny kek Bɛ̈nydït, në biäk cïï këërkëër de Luaŋdït tääu piny.

Edhr 3:11 ပူးပေါင်းရင်းမြစ်များ

1 Lëk 16:34

Gamkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr.

1 Lëk 16:41

Ku aake lui ë Ɣeman ku Jeduthun, ku kɔc kɔ̈k cï kuany, bïk Bɛ̈nydït aa leec ë diɛt, në biäk ye nhiëërdɛn agɔk tɔ̈u athɛɛr.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

2 Lëk 7:3

Na wën cï mïth ke Yithriɛl mac tïŋ ke löny nhial ku thiäŋ ɣɛɛr Luaŋdïtic, gokï kenïïm guöt piny, ke ke lam Bɛ̈nydït, ku leckï nɔm ku piɔnykï an, “Yen apiɛth, ku nhiëërdɛn agɔk atɔ̈u athɛɛr.”

Neɣe 12:24

Rin ke bäny mac ɣööt ke Lebai thook ee yï: Ɣacabia, Cerebia, Jecua, Binui, ku Kadmiel, ku kɔc ke Lebai acïk röt guiir në akuut kaarou: kakë ayek kɔ̈ɔ̈c në ke lɔ̈m ke ke kiit diɛt ke alɛɛc ku piɔ̈ny, ku jɔ kɔ̈kkë ke aa gam rɔ̈t cït kë cï wɛ̈ɛ̈t ë melik Debid, raan de Nhialic.

Neɣe 12:40

Ka kuut ee yiic rou, lec Nhialic nɔm acïk ɣet ë pëër ɣön ë Nhialic. Ku lɔ bäny ɣɔn cath ë yɛn aya,

Diɛt 100:5

Bɛ̈nydït apiɛth, ku nhiëërdɛn agɔk ee tɔ̈u athɛɛr, ku piɔ̈ndɛn adöt ee tɔ̈u ke rɛm ëbɛ̈n.

Diɛt 103:17

Ku nhiëër agɔk de Bɛ̈nydït, aa gɔl rɔt athɛɛr ku aɣet athɛɛr, tëde kɔc ee Yen riëëu, ku piathëpiɔ̈nde abï tɔ̈u kekë mïth ke mïthken ëbɛ̈n.

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 107:1

“Gämkï Bɛ̈nydït lɛc, në biäk de piathde, ku nhiëërdɛn agɔk atɔ̈u athɛɛr!

Diɛt 118:1

Gämkï Bɛ̈nydït lɛc, në biäk piɛth En, ku nhiëërdɛn agɔk atɔ̈u athɛɛr.

Diɛt 131:1

Yɛn cï lɛcdï pɔ̈l Bɛ̈nydït, yal rɔt wei në kakiën ke lɛc yiic. Yɛn cie bɛ diɛɛr në biäk de kadït ku nɔn jam ë ka ril yiic cä ke duëër lëu.

Diɛt 135:3

Lɛckï Bɛ̈nydït, në biäk piɛth ë Bɛ̈nydït, kɛ̈tkï diɛt rinke në luɔi diik en.

Diɛt 47:1

Wek kɔc wedhie, pamkï wecin në miɛtëpiɔ̈u! Pianykï Nhialic në röldït!

Diɛt 47:5

Nhialic ee lɔ nhial në thööcde nɔm. Ade awuɔɔu de miɛtëpiɔ̈u ku kuöth de kɛŋ ëtɛ̈ɛ̈n, të le Bɛ̈nydït nhial.

Bɛ̈n 15:21

Go Mariam ke kiët dit, lueel an, “Piɔnyku Bɛ̈nydït, në baŋ cï yen dhuëëŋ yök, Në tiëm cï Yen tiam. Ë jöŋgöör cuat wïïr në kɔc cath në kekɔ̈ɔ̈th.”

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 6:3

Aake ye röt cɔɔl an, “Aɣeric Aɣeric, aɣeric! Bɛ̈nydït de rɛm aɣeric! Dhuëëŋde ë piny thiɔ̈ɔ̈ŋ nɔm.”

Jeremia 33:11

awuɔɔu de miɛtëpiɔ̈u ku dhuëëŋ de monythiëk ku nyan thiak bɛ piŋ. Yïn bï kɔc bɛ piŋ akït ke ke bïï miɔ̈c de miɛtëpiɔ̈u ɣöndiën ë Bɛ̈nydït, abïk aa lueel an, ‘Gämkï Bɛ̈nydït de rɛm alɛɛc, në biäk piɛth En, ku nhiëërdɛn agɔk atɔ̈u athɛɛr.’ Yɛn bï ee pinyë bɛ tɔ kueth cït man wään kɔn en tɔ̈u. Acä lueel, Yɛn Bɛ̈nydït.”

Ɣagai 2:3

an, ‘Eeŋa në weyiic, raan ŋoot ke ŋic läk wään kɔn ë Luaŋdït läk wään tueŋ? Ku ënɔɔnë, tɔ̈u adï? Cäkï ee tïŋ cït ke cïn këdäŋ?

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Jocua 6:10

Ku Jocua acï kɔcke yɔ̈ɔ̈k an, “Duökï kiɛɛu de tɔŋ go kiiu, ku duökï we röt jɔt nhial, ku cïn kë luɛlkï agut kööl bän e lɛ̈k week nɔn kiɛɛu wek, ku bäk jɔ kiu.”

Jocua 6:16

Na wën, acï wil raandhorou, ku cï bäny ke kake Nhialic kaaŋ miit kɔ̈u në kuöth, ke lëk ë Jocua keek an, “Kiɛukï an, Bɛ̈nydït ë we gäm pänydït!

Jocua 6:5

Na ë lë ke ke mit kuöth ë kɛŋ kɔ̈ɔ̈th. Na ë lë alak kɛŋ piŋ acï keek miit kɔ̈ɔ̈th, ke we loc kiɛɛu wedhie në röldït. Ku ëtɛ̈ɛ̈n, kal ë pänydït abï wïïk. Ku rem de tɔŋ abï jɔ lɔ wut ke cïn kë gël en nɔm.”