Edhr 3:10 - JAM DE NHIALIC 2011

¹⁰ Na wën aacï kɔc yïk këërkëër de Luaŋdït tääu piny, go bäny ke kake Nhialic bɛ̈n tueŋ ke ke cieŋ lupɔɔken ku mukkï kɛŋ, ku bɔ̈ Lebai dhiën de Athap ke ke muk apajiiken, në luɔi bï kek Bɛ̈nydït leec, cït man cï Debid, melik de Yithriɛl ye lueel.

Edhr 3:10 ပူးပေါင်းရင်းမြစ်များ

1 Lëk 15:24

Ku Cebania, ku Jocapat, ku Nethaniɛl, ku Amathai, ku Dhekaria, ku Benaya, ku Eliedher, bɛ̈ny de kake Nhialic, ee yen bï kaaŋ aa kooth në athänduŋ de män ë Nhialic nɔm. Ku Obed Edom, ku Jeɣia keek aya abïk aa kɔc ee tïït në kal de Athänduŋ de mät thok.

1 Lëk 15:27

Debid aa ceŋ alulut cï cuëëc në linɔn, ku yen ee tän de kɔc ee ket, ku Kenania bɛ̈nyden, ku kɔc ke Lebai ɣɛ̈ɛ̈c Athänduk. Ku Debid aa ceŋ ajïpɔ de lupɔ piɛth lɔ mot aya.

1 Lëk 16:37

Melik Debid acï Athap ku kɔckɛn ke Lebai tɔ̈u ë yecök gäm luɔi ë läm ë ceŋ, bïk aa looi të cï Athänduŋ de mät tääu thïn. Ku abïk luɔiden aa wɛ̈ɛ̈r, ŋɛk ee luɔide gam ë köölë ku be ŋɛk bɛ luui ë kööldäŋë.

1 Lëk 16:42

Ɣeman ku Jeduthun aake ye bäny ee kɛŋ ku thoom muk, ku lɔ ka kɔ̈k ke kët, ka ye diɛt ke piɔ̈ny kiit. Ku kɔc ke dhiën de Jeduthun acï ke tɔ ee kɔc ee kal tiit thok.

1 Lëk 23:5

Ku aguum kaŋuan ë kɔc ee tïït, ku aguum kaŋuan ë kɔc ke diɛt bïk Bɛ̈nydït aa leec në thom.

1 Lëk 25:25

Ku lööny thiëër ku bɛ̈t kekë Ɣanani, ku wɛ̈ɛ̈tke ku mïthëkɔcken, ayek thiëër ku rou.

2 Lëk 35:14

Na wën cï kake thök ë luɔi, go Lebai ku bäny ke kake Nhialic käu de Aron röt jɔ miɔɔc ë rïŋ, në biäk cïï bäny ke kake Nhialic tɔ lui agut cï wakɔ̈u, ke ke nyop läi ke miɔ̈c ye nyop ëbɛ̈n, ku miök de miɔ̈c näk.

2 Lëk 35:15

Ku rin ke Lebai de dhiën de Athap, kɔc cïï melik Debid gäm luɔi bïk kek kɛŋ aa kooth ku gutkï thom, ee Athap ku Ɣeman, ku Jeduthun monydaai de melik. Ku kɔc ee tïït ë kɛ̈l thook acïk bɛ̈n ŋoot ke ke rɛ̈ɛ̈r tëden, në biäk cïï Lebai kɔ̈k dhuëëŋ de Winythok luöi keek.

2 Lëk 5:12

Kɔc ke Lebai ee ket kedhie, Athap, Ɣeman, ku Jeduthun, ku wɛ̈ɛ̈tken ku kɔcken, aceŋkï lupɔɔ piɛth lɔ mot. Go Lebai ku bäny ke kake Nhialic bot kaarou ku thiërrou kɔ̈ɔ̈c ë biäk të lɔ aköl amiäk de yïk, ke ke gut lɔ̈r, ku thom, ku kothkï aruöör ku kɛŋ ke ke ket.

Edhr 5:16

Go raan cɔl Cethabadhar lɔ ku keer ɣön ë Nhialic ee Yen ë ye lɔ̈ŋ në Jeruthalem. Ku në aa köölkë agut cï ënɔɔnë aŋoot ke yïk ku akën thök.’

Diɛt 150:5

Lɛckï ke we koth aruöör. Lɛckï ke we koth aruöör ë röldït.

Ɣagai 2:15

Aye Bɛ̈nydït lueel an, “Kuöckï kë wään loi rɔt tëde week, të ɣɔn ŋuɔɔt wek ke we kën Luaŋdït gɔl ë yïk?

Dhek 4:10

Ku raan biɔn caak ciɛk ë käŋ röt ë määth, abï piɔ̈u miɛt wadäŋ, të le yen wïn ë thëm tïŋ në Dherubabel ciin.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Dhek 6:12

Ku lɛ̈kë yen an aye Bɛ̈nydït de rɛm lueel an, ‘Raan cɔl Këër abï bäny të tɔ̈u en thïn, ku abï Luaŋdït bɛ yïk.

Dhek 7:3

Ku abïk bäny ke kake Nhialic de Luaŋdïït de Bɛ̈nydït de rɛm luɔp, ku lopkï tït an, “Buk ŋoot ke wo dhiëëu riääk në thɛ̈k ye wok thek në pɛɛi ye pɛ̈i dhïc cït man wään ye wok cool ë thëk ë caŋ wään?

1 Tham 22:18

Na wën ke melik ë yöök Doweg, an, “Yïn puk rɔt ku näk bäny ke kake Nhialic.” Ago Doweg raan de Edom keek nɔ̈k kedhie. Në ee köölë yic acï bäny ke kake Nhialic kathiërbɛ̈t ku dhïc bɛ̈n nɔ̈k, kɔc ee ajïpɔ ɣääc.