Edhr 3:1 - JAM DE NHIALIC 2011

¹ Na ɣɔn aa cï pɛɛi ye pɛ̈i dhorou bɛ̈n ku rɛ̈ɛ̈r kɔc ke Yithriɛl në wuötken yiic, go kɔc kenïïm lɔ kut Jeruthalem në piɔ̈n tök.

Edhr 3:1 ပူးပေါင်းရင်းမြစ်များ

Neɣe 7:73

Bäny ke kake Nhialic ku Lebai, ku kɔc ee Luaŋdït tiit, ku kɔc ke diɛt ku lɔ kɔc juëc kɔ̈k, ku kɔc ke luɔi de Luaŋdït, mïth ke Yithriɛl kedhie aake cï piɔ̈ɔ̈t në bɛ̈i yiic ku wuöt ke Juda yiic.

Neɣe 8:1

Na ɣɔn në pɛɛi ë dhorou ke kɔc ke Yithriɛl acïk jɔ nyuc kedhie në wuötkeniic, ku në kööl tueŋic në ee pɛɛi manë acïk kenïïm bɛ̈n mat ë Jeruthalem, në pëëric lɔŋ të lɔ Thoŋ de Pïïu. Gokï Edhera thiëëc bɛ̈ny de kake Nhialic, ku ee bɛ̈ny ee lööŋ ɣɔn cïï Bɛ̈nydït ke gäm kɔc ke Yithriɛl në kueer ë Mothe wɛ̈ɛ̈t bï awerek de lööŋ bɛ̈ɛ̈i.

Neɣe 8:14

Gokï jɔ yökic nɔn ye lööŋ ë gëm Bɛ̈nydït, kɔc ke Yithriɛl në kueer ë Mothe ke yɔ̈ɔ̈k, bïk aa rëër në kɛ̈ɛ̈tiic në nïn ke akööl ke Dhuëëŋ de Kɛ̈ɛ̈t.

Lebai 16:29

Kënë abäk aa looi ë run nyïïn ëbɛ̈n. Në kööl ye pɛɛi de dhorou thok thiëër, wek bï röt dhil aa theek, ku duökï ee lui thïn, kɔc kedhie, raan de Yithriɛl, ayï alei rɛ̈ɛ̈r ë weyiic.

Lebai 23:24

“lɛ̈kë kɔc ke Yithriɛl an, ‘Në kööl tueŋ de pɛɛi ë dhorou, wek bï nïïm dhiɛl dɛ kööl de lɔ̈ŋ ɣeric. Kɔc abïk dhil guëër të töŋ de lɔ̈ŋ, ku jɔ gɔl thar ë kɛŋ bï keek kooth.

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

Nyöŋ 16:16

“Röör ke jurdun ëbɛ̈n abïk aa bɛ̈n, bïk Bɛ̈nydït bɛ̈n lam raan diäk në ruöönic, të töŋ de läm: Në Dhuëëŋ de Kuïn Cïnic Luɔu, ku Dhuëëŋ de Winythok, ku Dhuëëŋ de Tëm, ku Dhuëëŋ de Kɛ̈ɛ̈t. Ku raan ëbɛ̈n abï miɔ̈c aa bɛ̈ɛ̈i,

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.