Edhr 10:18 - JAM DE NHIALIC 2011

¹⁸ Kakë ee rin ke kɔc cï duet ke juöör thiaak: Dhiën ë Jecua wën ë Jeɣodhadak, ku mïthëkɔcken yï Maathia, ku Eliedher ku Jarip ku Gadalia.

Edhr 10:18 ပူးပေါင်းရင်းမြစ်များ

Edhr 10:17

Na ɣɔn ë pɛɛi ë tök ke ye thok tök, ke ke jɔ thök në guiëër ë löŋ de kɔc cï thiëëk në duet ke juöör.

Edhr 2:2

ku cath bänyken ë keek yï Dherubabel, Jecua, Neɣemia, Theraya, Reelaya, Modekayo, Bilcan, Mithapar, Bikbai, Reɣum, ku Baana. Rin ke kɔc ke Yithriɛl kï:

Edhr 2:36

Dhiën ke bäny ke kakë Nhialic wään cï bɛ̈n ciëën ë pɛ̈cic: Jedaya, ee kek ee dhiën de Jecua — 973, Yimer — 1,052, Pacur — 1,247, Ɣarim — 1,017

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Edhr 3:8

Na ɣɔn aa cïk run aa rou në pɛɛi ë rouwic, në bɛ̈nden ɣön ë Nhialic në Jeruthalem, go Dherubabel wën de Caltiɛl, kekë Jecua wën ë Jeɣodhadak, acïk luɔi ë yïk bɛ̈n gɔl në mïthëkɔcken kɔ̈kë ëtök, bäny ke kake Nhialic, ku Lebai ku kɔc kedhie, kɔc ë bɔ̈ Jeruthalem ë pɛ̈cic. Jɔkï Lebai kuany gɔl në raan ee run thiërrou leer nhial, bïï luɔi ë Luaŋdït tääu në kecin.

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Edhr 9:1

Na wën acï kakë thök ë luɔi kedhie, ke bäny ke kɔc ke Yithriɛl bɔ̈ tëde yɛn ku luelkï nɔn cï ë kɔc ke Yithriɛl, ku bänykɛn ke kake Nhialic, ku Lebai akënkï röt mɛc wei në juöör cieŋ ë pinyë në karɛc yek looi, cït man tɔ̈u ë jur cɔl Kanaan ku Ɣit ku Peridh ku Jebuth ku Amon ku Mowap ku Rip ku lɔ Amor.

Edhr 9:2

Röör kɔ̈k ke Yithriɛl acïk wɛ̈ɛ̈tken thiëk duet ke juöör cie Judai, ago kɔc ke Nhialic cï tɔ ɣeriic jɔ liääp në juöör cieŋ ee pinyë, ku bäny, ku bäny lɔ në kecök kek aa wat kɔc ë ciën adöt.

Neɣe 12:10

Jocua: yen ee wun Joyakim, ku ye Joyakim wun Eliacip, ku ye Eliacip wun Joyada.

Neɣe 13:28

Joyada ee wën ë Eliacip bɛ̈nydïït ë kake Nhialic, ku wën töŋ de Joyada aaye mony ë nyan ë Thanbalat, raan wun ë Bethɣaron, guɔ Joyada bɛ̈n cieec ë Jeruthalem.

Neɣe 8:4

Yen Edhera aa kääc në pam nɔm pam thöny ë loi në biäk de ee kënë, ku kääc yï Matithia, ku Cema, ku Anaya ku Yuria, ku Ɣilikia, ku Maathia në biäk cuënyde, ku kääc yï: Pedaya, ku Miciɛl, ku Malikija, ku Ɣacum, ku Ɣacabadana, ku Dhekaria ku Meculam në ye biäk cam.

Neɣe 8:7

Ëtɛ̈ɛ̈n gokï röt bɛ jɔt ku kɛ̈ɛ̈ckï në ɣäänkeniic, ku jɔ kɔc ke Lebaikë cök ke lööŋ wɛ̈ɛ̈ric keek yï Jecua, ku Bani, ku Cerebia, ku Jamin, ku Akub, ku Cabethai, ku Ɣodia, ku Maathia, ku Kelita, ku Adharia, ku Jodhabad, ku Ɣanan, ku Pelaya.

Jeremia 23:10

Piny acï thiäŋ ke kɔc cïn adöt tëde Bɛ̈nydït, ayek rëër ke ke loi karɛc, ku yek riɛlden kuöc luɔi. Në biäk de aciɛɛn ë Bɛ̈nydït piny adhiau, ku ɣään ke nyuäth ë jɔ̈ɔ̈ric acïk ril wei.

Jeremia 23:11

Aye Bɛ̈nydït lueel an, “Tït ku bäny ke kake Nhialic akuckï Nhialic, acä keek dɔm ke ke loi kërac ë Luaŋdït guöp.

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Edhekiɛl 44:22

Acïn bɛ̈ny de kake Nhialic bï tiiŋ cï pɔ̈l thiaak, abï nyan dhueny de baai de Yithriɛl kën kɔn yök ke moc thiaak, ku nɔn ee tiiŋ abaar de bɛ̈ny de kake Nhialic däŋ.

Lebai 21:7

Bäny ke kake Nhialic acïkï akɔɔrröör bï thiaak, ayï tiiŋ cï rɔt riɔ̈ɔ̈k, ayï tiiŋ cï pɔ̈l ë monyde, në baŋ ye bäny ke kake Nhialic ka ɣeriic ë Nhialicden nɔm.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Ɣagai 2:4

Aye Bɛ̈nydït de rɛm lueel an, Ku ënɔɔnë, riɛɛtkï röt piny yïn Dherubabel wekë Jocua, bɛ̈nydïït ë kake Nhialic, ku kɔc ke piny kedhie, ku luɔikï luɔi. Yɛn tɔ̈u wokë week,

Dhek 3:1

Na wën, ke tunynhial ë nyuth ɛn nyuuth ke Jocua, bɛ̈nydïït ë kake Nhialic ke kääc në tunynhial ë Bɛ̈nydït nɔm. Ku jɔŋdït rac aa nu ëtɛ̈ɛ̈n ayadäŋ në ciin cuëny de tunynhial ke gɛɛny Jocua në kajuëc ëbɛ̈n.

Dhek 6:11

Nöm adhäm biäk, ku ateŋ biäk. Ku cuëc göl në keek. Ku tääuwë në Jocua wën ë Jeɣodhadak nɔm, bɛ̈nydïït ë kake Nhialic.

1 Tim 3:11

Ku diëërken aya abïk aa diëër piɛth nïïm, ku cïkï ë mantuum, abïk aa diëër ŋic röt muk, diëër ee käŋ döt apiɛth kedhie.