Edhr 10:14 - JAM DE NHIALIC 2011

¹⁴ Takï bänykuɔn rɛ̈ɛ̈r ë Jeruthalem cɔl amatnɔm ëbɛ̈n, ku dɔmkï ee luɔiyë, ku takï raan ëbɛ̈n raan cï thiëëk ë nyan ë jur bɔ̈ në kööl cï lueel kekë röördït ke wunden ku bɛ̈ny ee löŋ guiir, bïk aa bɛ̈n në wuöt, ku ee kënë abïï agönhdïït ë Nhialic nyaai në woyiëth.”

Edhr 10:14 ပူးပေါင်းရင်းမြစ်များ

2 Mel 23:26

Ku Bɛ̈nydït aŋoot ke kën agönhdɛn dït pɔ̈l ke Juda, agönh ɣɔn tɔ ë Manatha Ye göth.

2 Lëk 28:11

Piɛŋkï kë lɛ̈k week! Kɔc cäk keek peecë ke ke mac ayek mïthëkɔckun ku nyïïrëkɔckun. Takï keek jäl, na cie yen ke Bɛ̈nydït abï we luöi këtuc.”

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

Edhr 10:13

Ku luelkï an däŋ aya, “Kɔc ajuëckï arëët, ku deŋ alɔ ke tueny aläl, wok cïï duëër tɔ̈u në pëër cït ee kënë yic, ku acie kë duëër guɔ thök ë kööl tök ku nɔn ee nïn kaarouwiic, kɔc juëc arëët në woyiic anukï në awänyë yic.

Edhr 10:15

Ku kɔc lik ë cï jaai ee yï Jɔnathan wën Athaɣel ku Jathaya wën Tikba mɛt Meculam thïn kekë Cabethai raan ë Lebai.

Diɛt 78:38

Ku Nhialic aaye piɔ̈u kok kekë kɔcke. Acï keek päl awɛ̈ɛ̈cken, ku akën keek riɔ̈ɔ̈k. Aköölnyïïn kedhie aa agönhde dɔ̈m kɔ̈ɔ̈c, ku tɔ ŋeenyde tɔ lir.

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Kuɛ̈n 25:4

Go Bɛ̈nydït lɛ̈k Mothe an, “Math bäny ke Yithriɛl nïïm kedhie, ku nɛ̈k keek aköl në yanɔm, ku päl keek adhɔt piny ëtɛ̈ɛ̈n, ke agönhdï abï thök wokë kɔc ke Yithriɛl.

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 17:9

ku lɛ̈kkï jamdun bäny ke kake Nhialic ke Lebai, ku gämkï bɛ̈ny ee löŋ guiir, raan nu ë luɔi yic ee kaamë yic, ku takkï keek guiir ee löŋë.

Jocua 7:26

Ku jɔkï Akan thɔ̈c nɔm kut ë kurdït. Kek ee kurkë aŋootkï ke ke tɔ̈u agut cï ye köölë. Yen aŋoot ee wak ke ye cɔɔl an wak de Akor. Ku ëtɛ̈ɛ̈n, Bɛ̈nydït ë agönhde jɔ bɛ̈n pɔ̈l.