Edhr 10:11 - JAM DE NHIALIC 2011

¹¹ Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Edhr 10:11 ပူးပေါင်းရင်းမြစ်များ

2 Lëk 30:22

Go Melik Ɣedhekia kɔc ke Lebai leec në luɔi cïk kek läm de Bɛ̈nydït ŋiëc guiir. Na wën aa cï nïn kadhorou wan të wään gɛm kek miɔ̈c de mät leec kek Bɛ̈nydït, Nhialic de kuarken,

Edhr 10:10

Go Edhera bɛ̈ny de kake Nhialic rɔt jat nhial ku jiëëm keek lueel an, “Wek cïn adöt, wek cï awɛ̈ɛ̈c ŋuak nyïïn në weyiëth në kë cï wek thiëëk në duet ke juöör.

Edhr 10:12

Go amatnɔm ëbɛ̈n bɛ̈ɛ̈r në röldït an, “Täude ka, abuk looi cït man cï yïn e lueel.”

Edhr 10:3

Wok bï löŋ mac piny në Nhialic nɔm, yïn wekë kɔc ee riɔ̈ɔ̈c në löŋ ë Nhialic, bäk lɛ̈k wook kueer bï wok ë diäärkë pɔ̈l në mïthken ku buk luui në kë cïï löŋ de Nhialic lueel.

Edhr 9:1

Na wën acï kakë thök ë luɔi kedhie, ke bäny ke kɔc ke Yithriɛl bɔ̈ tëde yɛn ku luelkï nɔn cï ë kɔc ke Yithriɛl, ku bänykɛn ke kake Nhialic, ku Lebai akënkï röt mɛc wei në juöör cieŋ ë pinyë në karɛc yek looi, cït man tɔ̈u ë jur cɔl Kanaan ku Ɣit ku Peridh ku Jebuth ku Amon ku Mowap ku Rip ku lɔ Amor.

Neɣe 13:3

Na ɣɔn aa lɔ kɔc ke Yithriɛl ë löŋë piŋ ke kuen, gokï juöör lei pɔ̈c bei në amatnɔmdenic.

Neɣe 9:2

Keek acïk röt pɔ̈c bei pei në juöör lei yiic. Aceŋkï anuɛɛr ku ayek kenïïm wäl abuui, nyooth kek dhiën ë piɔ̈ɔ̈thken, ku ëtɛ̈ɛ̈n acïk bɛ̈n kɔ̈ɔ̈c läŋkï bïk ke päl awɛ̈ɛ̈cken ku awɛ̈ɛ̈cë cïï kuarken looi.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Yith 56:4

Aye Bɛ̈nydït lɛ̈k rooc an, “Të yak wek ɛn riëëu, në dön aa wek kööl de Thabath döt, ku yak kë bï ya miët piɔ̈u looi, ku yak mändï muk në piɔ̈n adöt,

Jeremia 3:13

Gam tei nɔn cï yïn awäc looi, ku nɔn cï yïn Bɛ̈nydït Nhialicdu rɛɛc. Gam nɔn cïï yïn yiëth lei näk miɔ̈c në ee tiimkë thäär, ku yïn kën kë cä lɛ̈k yïn riëëu. Acä lueel, Yɛn Bɛ̈nydït.”

Edhekiɛl 18:30

“Ënɔɔnë yɛn Bɛ̈nydït Awärjäŋ, wek lɛ̈k baai de Yithriɛl nɔn bän we luöi këtuc, ŋɛk abï aa luöi këtuc rɔ̈ŋ ke kë cï looi. Jakï röt puk në luɔi de karɛc yak looiyë yiic, ku duökï awɛ̈ɛ̈ckun tɔ riäk week.

Jɔn 9:24

Gokï raan wën ee cɔɔr bɛ cɔɔl raanrou, ku yöökkï an, “Leec Nhialic, raanë aŋicku nɔn ee yen raan ë kërac looi.”

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”