Edhr 10:1 - JAM DE NHIALIC 2011

¹ Të ɣɔn ŋoot Edhera ke ye rɔt cuat piny ke dhiau ku lɛ̈ŋ ke gam awɛ̈ɛ̈cken në ɣön ë Nhialic thok, go amatnɔm dïït ë kɔc ke Yithriɛl guëër ë yelɔ̈ɔ̈m, röör ku diäär ku mïth, ke ke dhiau arëët në dhiën ë kɛc ë piɔ̈u.

Edhr 10:1 ပူးပေါင်းရင်းမြစ်များ

1 Mel 8:30

Ku piŋ pal ë raanduön ee Yï luööi, ku pal ë kɔckuön ke Yithriɛl, kööl bïï kek aa pal ee tënë. Ye piŋ paannhial paan ee Yïn rëër thïn, ku të cïï Yïn en piŋ, Ye kɔcku päl karɛcken.

1 Mel 9:3

Acï Bɛ̈nydït lɛ̈k en an, “Yɛn cï lɔ̈ŋdu piŋ. Ku ka cï thiëc Ɛn. Yɛn cï Luaŋdïït cï yïkë tɔ ɣeric, ke rinkï ë ke bï aa dhuëëŋ thïn ëtɛ̈ɛ̈n aɣet athɛɛr. Abä aa tiit ku gɛ̈l ë caŋ awään.

2 Lëk 20:13

Kɔc ke Juda kedhie në diäärken ku mïthken, aake kääc ëtɛ̈ɛ̈n në Luaŋdït thok.

2 Lëk 20:9

na de riääk cï tuöl tëde keek, cït man ë tɔŋ, ku juäi, ku nɔn ee cɔk, ka aduëërkï bɛ̈n, bïk bɛ̈n kɔ̈ɔ̈c ë Luaŋdït nɔm, të ye ë yïn lɔ̈ŋ thïn. Aduëërkï yïn lɔ̈ŋ në kadhal keek, ku yïn duëër jamden piŋ ku kony keek.

Edhr 10:6

Na wën ke Edhera jël ë ɣön ë Nhialic thok ku le ɣön ë Jeɣoɣanan wën Eliacip, të cïï yen lɔ tɔ̈u ke cïï cäm ku cïï dëk, në biäk ŋoot en ke dhiau piɔ̈u në ciën adöt ë kɔc ë bɔ̈ ciëën ë pɛ̈cic.

Neɣe 1:4

Na wën aa la ee kakë piŋ, guɔ nyuc piny ku dhiaau. Ja nïn lɛɛr ke ya dhiau ku rɛɛc cäm ke ya läŋ Nhialic de paannhial, luɛɛl an,

Neɣe 1:6

Ku ënɔɔnë ye a tïŋ Bɛ̈nydït, ku piŋ lɔ̈ŋdiën yan lɔ̈ŋ aköl ku wäkɔ̈u në biäk de lïïmku, kɔc ke Yithriɛl, yɛn gam awɛ̈ɛ̈c cuk looi wok kɔc ke Yithriɛl, kuarkuɔ ku yɛn wok cï wäc.

Neɣe 10:28

Wok kɔc ke Yithriɛl, bäny ke kake Nhialic ku kɔc ke Lebai, ku kɔc ee thook ke Luaŋdït tiit, ku kɔc ke diɛt në Luaŋdïtic, ku kɔc ke luɔi në Luaŋdïtic, ku kɔc kedhie kɔc ee lööŋ ke Nhialic riëëu, wok cï röt wɛ̈l bei në juööriic, juöör rɛ̈ɛ̈r pinyda, wook wodhie në diäärkuɔ, ku mïthkuɔ kedhie, wok cï dït, ka wok ee käŋ yökiic,

Neɣe 8:9

Na wën ale kɔc e piŋ yen kë kɔɔr ë löŋ, goke gut piɔ̈ɔ̈th arëët abïk duɛ̈ɛ̈r an dhiaukï. Go Neɣemia bɛ̈ny de baai ku Edhera bɛ̈ny de kake Nhialic, ku ee bɛ̈ny ee lööŋ wɛ̈ɛ̈t ku kɔc ke Lebai wën ee löŋ wɛ̈ɛ̈ric kɔc ëbɛ̈n, acïk lueel an, “Köölë ee kööl ɣeric tëde Bɛ̈nydït Nhialicdun ka wek cïï piɔ̈ɔ̈th bï jiɛth thïn, ku nɔn dhiaukï.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Danyel 9:20

Guɔ jɔ ŋoot ke ya läŋ, ku gam karɛckï, ku karɛc ke kɔckï Yithriɛl, ku caal Bɛ̈nydït Nhialicdï, në biäk bï yen ɣöndɛn ë Bɛ̈nydït ɣeric bɛ tɔ yïk.

Ɣodh 14:2

Puɔ̈kkï wenïïm Bɛ̈nydït, lak läŋkï, lɛ̈kkï ee kënë ke ee yen ee miɔ̈cduön gämkï Yen an, “Pälë wook awɛ̈ɛ̈ckuɔ kedhie, ku gam lɔ̈ŋda në dhuëëŋ de yïnpiɔ̈u, ku Yïn buk jɔ aa piɔɔny cït man cï wok gutguut lueel.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 3:6

ago ke baptith në yen ë wɛ̈ɛ̈r cɔl Jordan, agamkï karɛc cïk wööc.

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Luɔi 10:30

Go Korunelio lueel, an, “Nïn wäänë kaŋuan, yɛn ë këcam theek aɣet të cït ee kaamë, ku thaar kadhoŋuan yɛn aa läŋ Nhialic, na wën, ke raan kääc ë yanɔm ke ceŋ lupɔ lɔ riauriau,

Luɔi 21:5

Na wën, aa cuk aköölkë lɛɛr, ke wo jɔ jäl lok ë kueerda, gokï wo ruac kedhie, kekë diëërken ku mïthken, abuk ɣet pänydït këc, goku womiɔl tuk ë wɛ̈ɛ̈r yɔu, ku lɛ̈ŋku.

Romai 9:2

Yɛn ë piɔ̈u jiɛth arëët ku ya coolë dhiau piɔ̈u acïn pëk.

Nyöŋ 31:12

Kut kɔc nïïm, röör ku diäär ku mïth ku kɔc lei rɛ̈ɛ̈r në wuötken yiic, agokï piŋ ku wëëtkï në luɔi bï kek Bɛ̈nydït Nhialicdun aa riëëu, ku bïk wël nu ee löŋë yic kedhie aa kuany cök apiɛth.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.