Edhr 1:3 - JAM DE NHIALIC 2011

³ Raan ëbɛ̈n në weyiic, raan ee rɔt tɔ ye raan ë kɔcke, Nhialicde abï tɔ̈u ke yen, ku aduëër lɔ Jeruthalem paan ë Juda, ku bïï ɣön de Bɛ̈nydït, Nhialic de Yithriɛl lɔ yïk, Nhialic ee Yen ye lɔ̈ŋ në Jeruthalem.

Edhr 1:3 ပူးပေါင်းရင်းမြစ်များ

1 Mel 18:39

Na wën aa tïŋ kɔc ee kënë, ke ke cuɛt röt piny, ku luelkï, an, “Bɛ̈nydït Yen aye Nhialic, Bɛ̈nydït Yetök Yen aye Nhialic!”

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

Edhr 1:4

Ku raan cï döŋ ke pïïr ëbɛ̈n ë wuöt rëër kek thïn, ŋɛk abï kɔc jël ë yelɔ̈ɔ̈m aa kuɔny në atek, ku adhɛ̈p, ku ka kɔ̈k, ku läi ee käŋ ɣääc, ku miɔ̈c de dhuëëŋ, bï lɛɛr ɣön ë Nhialic në Jeruthalem.”

Edhr 4:3

Go Dherubabel kekë Jecua ku röördït tɔ̈u ë dhiëën ke Yithriɛl nïïm pɔ̈k nɔm keek an, “Wek cïn nïïm kë luɔikï në wook në yïŋ yïk wok ɣön de Nhialicda, abuk yiɛ̈k Bɛ̈nydït, Nhialic de Yithriɛl wapäc, cït man cïï Thairuth Melik de Perthia wook yɔ̈ɔ̈k.”

Edhr 5:13

Cakaa ɣɔn cïï kënë rɔt looi, ke Thairuth në ruöön tueŋ yen Melik de Babilon acï löŋ bɛ̈n tääu piny bïï ɣön ë Nhialic nyɔk ë yïk.

Edhr 5:3

Ku aköölkë yiic Tatenai bɛ̈ny de piny tɔ̈u ë wɛ̈ɛ̈r ë Yuparat lɔŋ lɔ aköl athɛ̈i ku Cethar Bodhenai ku kɔc lui ë keek, gokï bɛ̈n ku lëkkï keek an: “Eeŋa ë yöök week bäk ɣönë yïk, ku thɔ̈lkï?”

Edhr 6:7

duökï wecin tɛ̈ɛ̈u në luɔi de yïŋ de ɣön ë Nhialicic. Bɛ̈ny de wuöt ke Judai ku röördïtken ë ke nyɔk ɣön ë Nhialic ë yïk tëdɛn thɛɛr.

Diɛt 132:13

Bɛ̈nydït acï Dhiɔn lɔc akɔɔr bïï tɔ ee paande:

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Yith 37:16

“Bɛ̈nydït de rɛm, Nhialic de Yithriɛl, thöönydu anu ë kaam de wuök ke cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 6:26

Acä lɛ̈k kɔc wundï ëbɛ̈n an, raan ëbɛ̈n ë ye riɔ̈ɔ̈c ku rïïu Nhialic de Danyel. “Yen ee Nhialic pïïr, ku abï piny cieŋ aɣet athɛɛr. Ciɛɛŋde acïï bïï riɔ̈ɔ̈k taitai, ku riɛlde acï kɔn thɔ̈k.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Nyöŋ 32:31

Në biäk cïï ë kuurden cït Kuurda, ayï kɔc ke aterda ee kek ee löŋ guiir.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.