Edhr 1:2 - JAM DE NHIALIC 2011

² “Thairuth Melik de Perthia acï lueel an, Bɛ̈nydït, Nhialic de paannhial, acï ya gäm ciɛɛŋ de wuöt ke piny nɔm ëbɛ̈n, ku acï yɛn gäm luɔi bän ɣönde tɔ yïk në Jeruthalem ë Juda.

Edhr 1:2 ပူးပေါင်းရင်းမြစ်များ

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

2 Lëk 2:12

Athiɛɛi de Bɛ̈nydït Nhialic de Yithriɛl, Aciëŋ ë cak tënhial ku tëpiny! Acï Melik Debid yiëk mɛnh pelnɔm, cï thiäŋ kekë ŋïnydekäŋ ku riɛl ëbɛ̈n, raan ŋic luɔi bï yen Luaŋdït ë Bɛ̈nydït yïk, ku ɣöndɛn ë bääny.

Edhr 1:5

Na wën ke röördït ke dhiën nïïm ke Juda kekë Benjamin, ku bäny ke kake Nhialic, ku Lebai acïk röt coc, raan ëbɛ̈n raan cï Bɛ̈nydït gut piɔ̈u, bïï jäl ku le ɣön de Bɛ̈nydït yïk në Jeruthalem.

Edhr 3:7

Na wën ke kɔc ë ke gëm wëu kɔc ee kur guaŋ kekë kɔc ee tiim guaŋ, ku gëmkï kɔc ke wun cɔl Thidon ku Tayer kacaam ku kadek ayï miök, agokï tiim ke thidar bɛ̈ɛ̈i në Lebanɔn në kueer wïïr agut cï Jopa, cït man cïï ye päl keek në Thairuth Melik de Perthia.

Edhr 4:3

Go Dherubabel kekë Jecua ku röördït tɔ̈u ë dhiëën ke Yithriɛl nïïm pɔ̈k nɔm keek an, “Wek cïn nïïm kë luɔikï në wook në yïŋ yïk wok ɣön de Nhialicda, abuk yiɛ̈k Bɛ̈nydït, Nhialic de Yithriɛl wapäc, cït man cïï Thairuth Melik de Perthia wook yɔ̈ɔ̈k.”

Edhr 5:15

Ago ë Melik ye yɔ̈ɔ̈k bïï aduuk nööm ku leer ke Jeruthalem ku bïï ɣön ë Nhialic yïk tëdɛn thɛɛr, ku tɛ̈ɛ̈ukï ke thïn.

Edhr 6:10

Agokï dɛ të bïï kek miɔ̈c ye Nhialic de paannhial tɔ mit piɔ̈u gam, ku lɛ̈ŋkï në pial de guöp de Melik kekë wɛ̈ɛ̈tke.

Edhr 6:3

“Na ɣɔn ë ruöön tueŋ cïï Thairuth Melik de Perthia aa Melik de Babilon ke tɛ̈ɛ̈u löŋ piny, bïï ɣön ë Nhialic de Jeruthalem nyɔk ë yïk, të bïï miɔ̈c ye nyop ëbɛ̈n aa gam, ku tɛ̈ɛ̈uwë këërkëërde piny, ye bɛ̈ɛ̈rde ke lɔ nhial mitïïr ka thiërrou ku dhorou ku ye dït de yeyic mitïïr kathiërrou ku dhorou ya.

Edhr 7:12

“Ee yɛn Ateradath, Melik nu ë Meliik nïïm, awerekë yen agäär Edhera, bɛ̈ny de kake Nhialic ku ye raan cï wëët në lööŋ ke Nhialic de paannhial, we cä thiëëc.

Neɣe 1:4

Na wën aa la ee kakë piŋ, guɔ nyuc piny ku dhiaau. Ja nïn lɛɛr ke ya dhiau ku rɛɛc cäm ke ya läŋ Nhialic de paannhial, luɛɛl an,

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Diɛt 136:26

Gämkï lɛc Nhialic de paannhial, nhiëërdɛn agɔk atɔ̈u athɛɛr.

Diɛt 85:2

Yïn cï kɔcku päl karɛcken, ku pälë keek awɛ̈ɛ̈cken kedhie.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Yith 44:28

Guɔ lɛ̈k Thairuth an, “Ee yïn abï bääny muk në nyindï yic, yïn bï kë kaar bä looi looi: yïn bï löŋ tääu piny bïï Jeruthalem nyɔk në yïk ku bä këërkëër de Luaŋdït tɔ tɛ̈ɛ̈uwë piny.’”

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Jeremia 10:11

(Wek kɔc, abäk dhil lɛ̈k keek, an, yiëth ë cïï tënhial kekë piny loi, abïï ke riɔ̈ɔ̈k. Acïn tëdäŋ bïï kek lɔ thïn ë piny nɔm.)

Jeremia 27:5

“Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Jeremia 29:10

“Aye Bɛ̈nydït lueel an, ‘Të cï run ke Babilonia kathiërdhorou wan, Yɛn bï diɛɛrdï në week nyuɔɔth, ku Yɛn bï gutguutdï döt ku bɛ̈ɛ̈i week ciëën baai.

Danyel 1:21

Go Danyel rëër në luŋ de melikic aɣët cï ruöön tueŋ de Thairuth melik de Perthia ë Babilonia.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Jona 1:9

Go Jona bɛ̈ɛ̈r an, “Yɛn ee raan ë Ɣeberuu, ku Nhialic de paannhial Aciëŋ ë cak wɛ̈ɛ̈r ku tëril Yen aya lam. Gokï riɔ̈ɔ̈c aläl.