Edhekiɛl 9:8 - JAM DE NHIALIC 2011

⁸ Të wën le ë kɔc ke ke näk, yɛn aa tɔ̈u ëtɛ̈ɛ̈n yatök. Guɔ yanɔm guöt piny, ku cööt në röl dït an, “Bɛ̈nydït Awärjäŋ, cï gɔ̈th arëët we Jeruthalem ka Yïn kɔɔr bä raan cï döŋ ë Yithriɛl ëbɛ̈n nɔ̈k?”

Edhekiɛl 9:8 ပူးပေါင်းရင်းမြစ်များ

Cäk 18:23

Ago Abraɣam rɔt cuöt Bɛ̈nydït, ku lueel an, “Ë yic bä kɔc cïn gup awɛ̈ɛ̈c riɔ̈ɔ̈k në kɔc de gup awɛ̈ɛ̈c ëtök?

1 Lëk 21:16

Go Debid tunynhial ë Bɛ̈nydït tïŋ ke kääc e kaam de të nhial ku piny, ke muk abätäu ë yeciin, ke cï rɔt coc bï Jeruthalem riɔ̈ɔ̈k. Go Debid ku bänyke ke ke ceŋ lupɔɔ ke cual ë kekɔ̈ɔ̈th, gokï kenïïm guöt piny abïk piny jak ë kenïïm.

Edhr 9:5

Na jɔ thaar ë miɔ̈c athɛ̈i bɛ̈n, ke ya jɔt rɔt të wën rɛɛc ɛn cäm, ku ŋuɔɔt ke ya cieŋ lupɔ wën cï rɛɛtë, guɔ yamiɔl tuk, läŋ, täär a cin Bɛ̈nydït Nhialicdï.

Jeremia 14:13

Aguɔ jɔ lueel an, “Bɛ̈nydït Awärjäŋ, aŋic nɔn ye tït e lɛ̈k keek an, acïn tɔŋ bï nu, ku acïn cɔŋ bï nu, në biäk cï Yïn gutguut lueel, aye lueel an, ee mät yen bï nu ë piny yic.”

Jeremia 14:19

Bɛ̈nydït cï Juda rɛɛc taitai? Man kɔc ke Dhiɔn? Eeŋö gëm Yïn wo bɔ̈ɔ̈tdïït cït ee kënë? Tëtök cïï wok duëër waar? Wok kɔɔr mät, ku acïn këpiɛth cï tuöl, wok ŋäth dem, ku ee riɔ̈ɔ̈cdït yen ee guɔ bɛ̈n.

Jeremia 4:10

Ku ja lueel an, “Bɛ̈nydït Awärjäŋ Yïn cï kɔc ke Jeruthalem math taitai, acï lueel an, abïk dɛk mät ku ee abätäu yen atɔ̈u në keröt.”

Edhekiɛl 11:13

Të wään la yɛn ke ya cɔ̈ɔ̈r, go Pelatia wën de Benaya löny ku thou. Yɛn cï rɔt bɛ̈n cuat piny, ku dhiaau në röl dït an, “Ei, Bɛ̈nydït Awärjäŋ! Bä raan ëbɛ̈n nɔ̈k në kɔc ke Yithriɛl yiic, kɔc wään cï döŋ apïïr?”

Edhekiɛl 4:14

Guɔ bɛ̈ɛ̈r an, “Bɛ̈nydït Awärjäŋ, Yɛn kën rɔt dhiöök ëcaŋɣɔn aa yɛn meth, yɛn kën rïŋ de lɛ̈n cï thou kɔn cam, lɛ̈n ë thou yetök ku nɔn ë ciɛm lɛ̈n däŋ, yɛn kën kɔn cam në kacaam ke acuɔl.”

Edhekiɛl 7:8

“Në akööl lik bï bɛ̈n tueŋë, yïn bï riɛl de agönhdï yök. Yïn luöi këtuc në biäk de kë cï looi, ku yïn bä cuöl ariöp de karɛckuön cï looi ëbɛ̈n.

Kuɛ̈n 14:5

Ago Mothe yenɔm guöt piny kekë Aron në akutnɔm de kɔc ke Yithriɛl nïïm kedhie, kɔc cï guëër.

Kuɛ̈n 16:4

Na wën, apiŋ ë Mothe ee jamë, ke cuɛt rɔt piny ku lɛ̈ŋ.

Kuɛ̈n 16:45

“Nyaaikï në ee akutnɔm de kɔckë lɔ̈m ke riääk keek ënɔnthiinë në cökiic ëtɛ̈ɛ̈n. Gokï kenïïm guöt piny kedhie kaarou,

Nyöŋ 9:18

Na wën, ke ya be yanɔm guöt piny ë Bɛ̈nydït nɔm në lɔ̈ŋ, në nïniic kathiërŋuan ku wɛ̈ɛ̈riic kathiërŋuan ke cïn këcam ku cïn këdek. Yɛn aa loi ee kënë në baŋ cä wek Bɛ̈nydït luöi kërac ku acäk tɔ gɔ̈th.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.