Edhekiɛl 9:2 - JAM DE NHIALIC 2011

² Ënɔɔnë thiinë, go kɔc kadhetem bɛ̈n të lɔ rut në kal thoŋ biic de Luaŋdït, ŋɛk amuk tɔɔŋke. Ku raan tök ë keyiic aceŋ lupɔ de linɔn ku amuk këde gäär në yeciin. Gokï bɛ̈n kedhie ku kɛ̈ɛ̈ckï në yïïŋ de maläŋ kɔ̈u.

Edhekiɛl 9:2 ပူးပေါင်းရင်းမြစ်များ

2 Mel 15:35

Ku ɣään thöny ë ye kɔc ke yiëth lɔ gäm miɔ̈c ku wal ŋïr, aake kën ë riɔ̈ɔ̈k, ku kɔc aake ŋoot ke ke ye yiëth lɔ näk ku nyopkï wɛl ŋïr ëtɛ̈ɛ̈n. Jotham yen aa yïk kal Thoŋ të lɔ Rut ë Luaŋdït.

2 Lëk 27:3

Ku ee melik Jotham yen ë yïk kal Thoŋ de Luaŋdït të lɔ Rut, ku looi luɔi dït në kal ë pänydït guöp, në wut biäk de Jeruthalem cɔl Opɛl.

2 Lëk 4:1

Melik Tholomon acï yïk tɔ looi në maläŋ ke kït në biäk kedhie, dït de yen yic aaye mitïïr kadhoŋuan akït, ku bɛ̈ɛ̈rde ke lɔ nhial aaye mitïïr kaŋuan ku biäk.

Bɛ̈n 40:29

Ku tɛ̈ɛ̈u yïïŋ de nyum ë käŋ në gëlgël de paany de mät nɔm tueŋ. Ku gɛm miɔ̈c ye nyop në yenɔm, ayï miɔ̈c ë rap cït man cïï Bɛ̈nydït e lɛ̈k en.

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 25:9

‘Yɛn bï dhiëën nu të lɔ rut kedhie tuöc, ku tuöc raan ee ya luööi, Nebukadnedhar melik de Babilonia. Abä keek lɔ bɛ̈ɛ̈i bïk tɔŋ yiɛ̈n Juda ku kɔc ceŋ en, ku yïn tɔŋ juöör thiääk ë yen. Yɛn bï ë jurë riääk kekë juöör thiääk ë yen, ku nyääŋ keek ë riääkic aɣet athɛɛr, ee kërɛɛc de gäi në tïŋ. Acä lueel, Yɛn Bɛ̈nydït.

Jeremia 26:10

Wën cïï bäny ke Juda kë cï rɔt looi piŋ, gokï röt dap jɔt ɣön ë bääny ku lekkï ë Luaŋdïtic, ku nyuckï të ye kek nyuc thïn, në Kal thoŋ ë Piacë looi.

Jeremia 4:6

Nyuɔthkï kueer lɔ Dhiɔn! Kuɔnykï röt wei! Duökï gääu! Bɛ̈nydït abïï riääk, riäŋdïït bɔ̈ në biäk të lɔ rut.

Edhekiɛl 10:2

Go Bɛ̈nydït raan ceŋ lupɔ linɔn yɔ̈ɔ̈k an, “Lɔɔr në kɛm ke cök ke abëël, nu ë cerubiim thäär, ku thiäŋ yïciin në cool dɛ̈p. Ku wɛɛrë cool piny në pänydït nɔm.” Guɔ woi ke lɔ.

Edhekiɛl 8:3

Go kë cït cin riɛny tueŋ, ku dɔm ɛn në nhïm ke yanɔm. Ku në ee nyuuthë yic, wëi ke Nhialic acïk a bɛ̈n gap nhial në yomic ku leerkï yɛn Jeruthalem. Leer ɛn kueer ee tëëk në kal thok biäk thïn de Luaŋdït, të lɔ rut, të tɔ̈u ë yanh ee Nhialic tɔ göth.

Edhekiɛl 9:11

Ëtɛ̈ɛ̈n ku jɔ raan ceŋ lupɔɔ ke linɔn rɔt puk ku jɔ lɔ lɛ̈k Bɛ̈nydït an, “Yɛn cï luɔi cï lɛ̈k ɛn looi.”

Edhekiɛl 9:3

Go dhuëëŋ de Nhialic de Yithriɛl bɛ̈n nhial në wuök ke cerubiim yiic, të wën tɔ̈u en thïn, ku jɔ cath ke lɔ Luaŋdït thok. Go Bɛ̈nydït raan ceŋ lupɔ de linɔn cɔɔl an,

Danyel 10:5

Guɔ nhial woi yic, aguɔ raan ceŋ lupɔɔ ke linɔn ku thiɔ̈nh de adhäm atop tïŋ.

Danyel 12:6

Go raan tök ë ke yiic, tunynhial ceŋ lupɔɔ ɣer nu ë kiir lɔŋ tui luɔp an, “Agut cï nɛn bï ka ke gäi loi röt aya thök?”

Lebai 16:4

Na wën, ke Bɛ̈nydït ë gɛm ë lööŋkë, lueel, an ‘Të kën Aron kɔn lɔ Tëɣeric aläl, abï dhil waak ku tɛ̈ɛ̈u lupɔ de linɔn de bɛ̈ny de kake Nhialic në yekɔ̈u, ku tɛ̈ɛ̈u athuruɛl de linɔn, ku ë tɛ̈ɛ̈u thiööth ku lupɔ de nɔm.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Nyuuth 15:6

go tuucnhial wën kadhorou bɛ̈n bei luɛɛk, tuuc muk ka ye piny riɔ̈ɔ̈k kadhorou, ke ke ceŋ lupɔ cɔl linɔn, lupɔ ɣer ë pak ee lɔ riauriau, ku acïk kepiɔ̈ɔ̈th göi ë thiönh ë adhääp.