Edhekiɛl 9:10 - JAM DE NHIALIC 2011

¹⁰ Ku Yɛn cïï piɔ̈u bï kok wo keek, abä keek luöi ka wään cïk keek kɔn luöi kɔc kɔ̈k.”

Edhekiɛl 9:10 ပူးပေါင်းရင်းမြစ်များ

1 Mel 8:32

ke Yï pïŋ Bɛ̈nydït paannhial ku guiir löŋ de kɔckuön ee Yïn luööi në kɛmken, raan gööny ku raan gɔɔnyë, ku luöiyë raan de kë cï wööc këtuc, ku päl raan ee këpiɛth looi ku thiei cït man ë tän de piathëpiɔ̈nde.

2 Lëk 6:23

ke yïn bï piŋ paannhial ku loi luɔidu. Ago raan de guöp awäc luöi këtuc rɔ̈ŋ ke yen, ku päl raan ee këpiɛth looi ku thiei cït man ë tän de piathëpiɔ̈nde.

Yith 13:18

Në dhɛ̈ŋken ku në wiɛthken abï kek ke wɛ̈ɛ̈t dhuök nɔ̈k. Acïn kokëpiɔ̈u bïk nyuöth kor ku acïn mïth dït bïk pɔ̈l.

Yith 65:6

“Yɛn cï këdï lueel në biäk de këtuc bïï luöi keek, ku gääkden acï gäär piny. Yɛn cïï kë cïk looi bï biɔɔn yic, abä ke cuööt

Dhiëëu 1:5

Kɔc de ater në Dhiɔn acïk tiam, ka amukkï në riɛlden. Acïï Bɛ̈nydït tɔ nuan në biäk de karɛckɛn juëc kedhie. Mïthke acï keek peec ku jɔtë keek wei.

Edhekiɛl 11:21

Ku yɛn bï kɔc ee kanhiany, ke yiëth rac lam luöi këtuc. Abä ke luöi këtuc në biäk de kë cïk looi.” Bɛ̈nydït Awärjäŋ yen aa jam.

Edhekiɛl 16:43

Yïn cï nɔm määr wään mɔ̈k yɛn yïn, ɣɔn koor yïn, ku yïn cï ya tɔ göth në biäk de kakuön cï looi kedhie. Yeka ta yɛn yïn col keek kedhie. Eeŋö yïn kake bal mat në karɛc kɔ̈k cï looi?” Bɛ̈nydït Awärjäŋ yen aa jam.

Edhekiɛl 17:19

Aye Bɛ̈nydït Awärjäŋ lueel an, “Në yic, ke ya ye Nhialic pïïr, abä luöi këtuc në biäk cï yen löŋ cï mac dhoŋ kɔ̈u, löŋ wään cï yen gutguut looi në rinkï an bïï muk.

Edhekiɛl 22:31

Ka yɛn bï agönhdï tɔ lööny në ke kɔ̈ɔ̈th, ku abä ke riɔ̈ɔ̈k cï mac në biäk de ka cïk looi.” Bɛ̈nydït Awärjäŋ yen aa jam.

Edhekiɛl 23:49

Ku wek duet ke raan tök waarou, wek bä luöi këtuc në biäk de karɛc yak looi ku awänyduön de läm de yiëth. Ëtɛ̈ɛ̈n abäk jɔ ŋic nɔn ee yɛn Bɛ̈nydït Awärjäŋ.”

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Edhekiɛl 43:3

Yen ë nyuuthë acït kë wään bä kɔn tïŋ, wään bïï Nhialic Jeruthalem bɛ̈n riɔ̈ɔ̈k, ku cït kë wään tiëŋ në kiir de Cebar yɔu. Na wën ke ya cuɛt rɔt piny ke ya gut yanɔm piny.

Edhekiɛl 5:11

“Ka ënɔɔnë, ke ya ye Nhialic pïïr, kënë ee jam de Bɛ̈nydït Awärjäŋ në biäk cä wek tëdiën ɣeric dhiöök në kërac yak looi ëbɛ̈n, kanhiany cäk looi, we bä ke nɔ̈k ke cïn kokëpiɔ̈u.

Edhekiɛl 7:3

“Yithriɛl, thök acï bɛ̈n. Yïn bï agönhdï yök në yïguöp, në biäk luöi Ɛn yïn këtuc në biäk de kë cï looi. Yïn bä gäm ariöp de karɛckuön cï looi.

Edhekiɛl 7:4

Yïn cä bï kɔn pɔ̈l ku cä yïn nyuth kokdepiɔ̈u. Yïn bä luöi këtuc në biäk de karɛckuön cï looi, ago jɔ ŋic nɔn ee Yɛn Bɛ̈nydït.”

Edhekiɛl 8:18

Abïk riɛl de agönhdï yök ëbɛ̈n. Acä keek bï pɔ̈l, ku cä piɔ̈u bï kok wo keek. Abïk a lɔ̈ŋ aläl në awuɔɔu dït, ku yɛn cïï lɔ̈ŋden bï piŋ.”

Edhekiɛl 9:11

Ëtɛ̈ɛ̈n ku jɔ raan ceŋ lupɔɔ ke linɔn rɔt puk ku jɔ lɔ lɛ̈k Bɛ̈nydït an, “Yɛn cï luɔi cï lɛ̈k ɛn looi.”

Edhekiɛl 9:5

Ku piɛŋ Nhialic ke lɛ̈k kɔc kɔ̈kë an, “Kuanykï cök të tëëk en ë pänydïtic, ku näkkï. Në cïn raan pälkï, ku cïn raan kuɔɔk wek piɔ̈ɔ̈th.

Ɣodh 9:7

Akööl ke këtuc abïkï, akööl ke kuɛ̈n acïk thiɔ̈k. Takï ŋic ë Yithriɛl yen ee kënë. Në luɔi cï awɛ̈ɛ̈ckun juëc arëët, ku cï wëlkun kenyïïn ŋuak aläl. Wek ee tiët tɔ ye dhɔ̈n, ku takï raan thiäŋ ke wëi tɔ ye raan cï miɔ̈l.

Jowɛl 3:4

“Eeŋö kaarkï tëde Yɛn yïn Tayer wekë Thidon, ku paan de Pilithtiya ëbɛ̈n? De kë guöörkï, kë cä luöi week? Na de kë guöörkï, ke Yɛn bï kë cäk luöi Yɛn jɔ dap guöör nɔm në week aruööth.

Dhek 11:6

(Acï Bɛ̈nydït lueel an, “Yɛn cïï piɔ̈u bï kɔn bɛ kok wokë kɔc de piny. Raan ëbɛ̈n në keyiic abä gäm kɔc rëër kek, ku bänyken. Ku piny abï bänykë ye yɔŋ nɔm, ku acä keek bï luäk bei në kecin.)

Nyöŋ 32:41

An, yɛn bï abätäudiën abilbil theer thok, ku tiëŋ yith ke ke loi. Yɛn bï guur looi në kɔc ke aterdï, ku duöi kɔc man ɛn.

Ɣeberuu 10:30

Cït man ŋic wok Bɛ̈nydït raan ë luel en an, “Guur ee këdï, abä cool nɔm,” ku ŋicku Bɛ̈nydït raan ë luel en ayadäŋ an, “Bɛ̈nydït abï löŋ de kɔcke guiir.”